ଦୋଳ ମେଲଣ ହେଲା ଅନ୍ତିମ ଯାତ୍ରା : ବିମାନକୁ ଧରି ଫେରୁଥିବା ସମୟରେ ଧକ୍କା ଦେଲା ଫିକଅପ୍ ଭ୍ୟାନ୍ , ୨ ମୃତ ୩ଗୁରୁତର ..
1 min read
କେନ୍ଦ୍ରାପଡା : ଦୋଳ ମେଲଣ ବନିଲା କାଳ । ମେଲଣ ସାରି ଫେରୁଥିବା ବେଳେ ଦୋଳ ବିମାନ ଦୁର୍ଘଟଣାଗ୍ରସ୍ତ । କେନ୍ଦ୍ରାପଡ଼ା ସଦର୍ ଥାନା ଅନ୍ତର୍ଗତ ଦୁହୁରିଆ ନିକଟରେ ଘଟିଛି ଏଭଳି ଭୟଙ୍କର ଦୁର୍ଘଟଣା । କଟକ-ଚାନ୍ଦବାଲି ରାସ୍ତା ର ଦୁହୁରିଆ ଠାରେ ଦୋଳ ବିମାନ କୁ ଏକ ମାଛ ବୋଝେଇ ପିକଅପ୍ ଭ୍ୟାନ ଧକ୍କା ଦେବା ଫଳରେ ବିମାନ କାନ୍ଧେଇ ଥିବା ୨ଜଣ ବ୍ୟକ୍ତିଙ୍କର ମୃତ୍ୟୁ ଘଟିଥିବା ବେଳେ ୩ ଜଣ ବ୍ୟକ୍ତି ଆହତ ହୋଇଛନ୍ତି ।
ମିଳିଥିବା ସୂଚନା ଅନୁଯାୟୀ ସ୍ଥାନୀୟ ବଣହରା ଗାଁର ଜୟନ୍ତ କୁମାର ଦାସ ଙ୍କ ଦୋଳ ବିମାନ ବାଲିଆ ମେଳଣ ସାରି ଦୁହୁରିଆ ମେଳଣ ରେ ଯୋଗଦେବାକୁ ଆସୁଥିଲେ । ଦୁହୁରିଆ ମେଳଣ ରୁ କିଛି ଦୂରରେ କଟକ ଆଡୁ ଆସିଥିବା ଏକ ମାଛ ବୋଝେଇ ପିକଅପ୍ ଭ୍ୟାନ ବିମାନକୁ ପଛ ପଟୁ ଧକ୍କା ଦେଇଥିଲା । ଦୁର୍ଘଟଣାରେ ୨ ଜଣ ବ୍ୟକ୍ତିଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ୩ ଜଣ ଆହତ ହୋଇଛନ୍ତି। ଆହତମାନଙ୍କୁ ତୁରନ୍ତ କଟକ ବଡ ମେଡିକାଲରେ ଭର୍ତ୍ତି କରାଯାଇଛି । ମୃତକ ଦ୍ୱୟ ହେଉଛନ୍ତି ବଣହରା ଗାଁର ଦିବ୍ୟଜ୍ୟୋତି ଦାସ ଓ ବଡ଼ଗାଁର ସୋମନାଥ ସାହୁ।
ଦୁର୍ଘଟଣାରେ ବିମାନଟି ଭାଙ୍ଗିରୁଜି ଯାଇ ଥିବା ଜଣାପଡ଼ିଛି । ପୋଲିସ ଦୁର୍ଘଟଣା ଘଟାଇଥିବା ପିକଅପ୍ ଭ୍ୟାନ କୁ ଯବତ୍ କରିବା ସହ ଡ୍ରାଇଭର କୁ ଅଟକ ରଖିଥିବା ଜଣାପଡିଛି ।
