ପୁଣି ମାତିଲା ମଣିଷଖିଆ , ଗାଧୋଇବାବେଳେ ସନାତନଙ୍କୁ ମାରି ଖାଇଲା କୁମ୍ଭୀର

କେନ୍ଦ୍ରାପଡା ଜିଲ୍ଲା ରାଜକନିକା ଥାନା ଅନ୍ତର୍ଗତ କାଟଣାବଣିଆ ପଂଚାୟତର ସିଙ୍ଗିଡ଼ି ଗାଁ ନିକଟସ୍ଥ ଜୋରକୁ ଗାଧେଇବାକୁ ଯାଇଥିବା ବେଳେ ଜଣେ ବ୍ୟକ୍ତିଙ୍କୁ ଝାମ୍ପି ନେଲା କୁମ୍ଭୀର।ଗତକାଲି ରାତିରେ ସିଙ୍ଗିଡ଼ି ଗାଁର ସନାତନ ସାମଲ ଗାଧୋଇବା ପାଇଁ ଜୋଡକୁ ଯାଇଥିଲେ।ହେଲେ ସେ ଆଉ ଘରକୁ ଫେରିନଥିଲେ।ଘର ଲୋକେ ଓ ଗ୍ରାମବାସୀ ବହୁ ଖୋଜା କରିବା ପରେ ମଧ୍ୟ ସନାତନଙ୍କ ପତ୍ତା ମିଳିନଥିଲା।

ଜୋର ନିକଟରେ ତାଙ୍କ ଚପଲ ଓ ସାଇକେଲ ପଡିଥିବାର ଦେଖିବାକୁ ମିଳିଥିଲା।ହେଲେ ଆଜି ସକାଳେ ଜୋର ନିକଟରେ ସନାତନଙ୍କୁ କୁମ୍ଭୀର ଖାଉଥିବାର ଲୋକେ ଦେଖିବାକୁ ପାଉଥିଲେ।ପରେ ଗ୍ରାମବାସୀ ତାଙ୍କ କ୍ଷତାକ୍ତ ମୃତ ଦେହକୁ ଉଦ୍ଧାର କରିଛନ୍ତି। ଘଟଣାସ୍ଥଳରେ ବନ ବିଭାଗ ଓ ରାଜକନିକା ପୋଲିସ ପହଁଚି ତଦନ୍ତ ଆରମ୍ଭ କରିଛି।

Advertisement