ନାଚୁଣୀ ସୁଟ୍ କେସ୍ ହତ୍ୟା ମାମଲା : ପ୍ରେମିକ ସହ ମିଶି ସ୍ୱାମୀକୁ ରାସ୍ତାରୁ ହଟାଇଥିଲା ବୋହୂ –ଶଶୂରଙ୍କ ଅଭିଯୋଗ
1 min read
ଖୋର୍ଦ୍ଧା : ବହୁ ଚର୍ଚ୍ଚିତ ନାଚୁଣୀ ସୁଟ୍ କେସ୍ ହତ୍ୟା ମାମଲାରେ ସାମ୍ନାକୁ ଆସିଛି ଭୟଙ୍କର ଅଭିଯୋଗ । ପୁଅ ମନୋରଞ୍ଜନକୁ ବୋହୂ ନିଜ ସମ୍ପର୍କୀୟ ଭାଇ ଓ ସାଙ୍ଗ ସହ ମିଶି ହତ୍ୟା କରିବା ଘଟଣା ସାମ୍ନାକୁ ଆସିବା ପରେ । ମୃତ ମନୋରଞ୍ଜନଙ୍କ ବାପା ଆଜି ନାଚୁଣୀ ଥାନାରେ ବୋହୁ ନିଲୀଙ୍କ ନାଁରେ ସଙ୍ଗୀନ ଅଭିଯୋଗ ଆଣିଛନ୍ତି । ପୂର୍ବରୁ ପୋଲିସ ଘଟଣାର ତଦନ୍ତ କରି ଅଭିଯୁକ୍ତ ପତ୍ନୀ ନିଲୀ , ସର୍ମ୍ପକୀୟ ଭାଇ ଓ ନିଲୀଙ୍କ ବନ୍ଧୁଙ୍କୁ ଗିରଫ୍ କରି ୨୪ ଘଣ୍ଟା ମଧ୍ୟରେ କୋର୍ଟ ଚାଲାଣ କରିଥିଲା । କିନ୍ତୁ ଆଜି ସମ୍ପୁର୍ଣ୍ଣ ଘଟଣାଟିର ମୋଡ ବଦଳାଇ ଦେଇଛନ୍ତି ମୃତ ମନୋରଞ୍ଜନଙ୍କ ବାପା ଗଙ୍ଗାଧର ମହାପାତ୍ର ।
ଆଜି ବୋହୂ ନିଲୀ ନାଁରେ ସଙ୍ଗୀନ ଅଭିଯୋଗ ଆଣିଛନ୍ତି ମନୋରଞ୍ଜନଙ୍କ ବାପା । ସେ ନାଚୁଣୀ ଥାନାରେ ଅଭିଯୋଗ ଆଣିଛନ୍ତି ଯେ ବୋହୂ ନିଲୀ ପ୍ରଥମେ ପୁଅ ମନୋରଞ୍ଜନ କୁ ପ୍ରଲୋଭିତ କରି ପ୍ରେମ ବିବାହ କରିଥିଲା । ବିବାହ ପରେ ପରେ ବାପା-ମା’ ଙ୍କ ଠାରୁ ପୁଅ ମନୋରଞ୍ଜନ କୁ ଅଲଗା କରିଦେଲା ବୋହୂ ନିଲୀ ଦାସ । ସମ୍ପତ୍ତି ଭାଗବଣ୍ଟା ଟଙ୍କା ଆଣି ସେହି ଟଙ୍କା କୁ ଆତ୍ମସାତ କରିବା ପାଇଁ ବୋହୂ ନିଜେ କେତେକଙ୍କ ସହଯୋଗ ରେ ତା’ର ସ୍ୱାମୀ ତଥା ମୋର ସାନ ପୁଅ ମନୋରଞ୍ଜନ କୁ ହତ୍ୟା କରିଛି । ମୋ ପୁଅର ହତ୍ୟାକାରୀଙ୍କୁ ମୃତ୍ୟୁ ଦଣ୍ଡ ଦିଆଯାଉ କହି ଥାନା ସାମ୍ନାରେ ଭୋ ଭୋ କରି କାନ୍ଦିଥିଲେ ମନୋରଞ୍ଜନଙ୍କ ବାପା ।
ସ୍ୱାମୀ ର ମୃତ ଦେହ ସୁଟ୍କେଶରୁ ମିଳିବା ପରେ କୁମ୍ଭୀର କାନ୍ଦଣା କାନ୍ଦିଥିଲା ପତ୍ନୀ । ତଦନ୍ତର ଦିଗ ପରିବର୍ତ୍ତନ କରିବା ପାଇଁ ପତ୍ନୀ ରଚିଥିଲା ମାଷ୍ଟର ପ୍ଲାନ୍ , ଏପରିକି ହତ୍ୟାକାଣ୍ଡ ସମ୍ପର୍କରେ କିଛି ଜାଣିନଥିବା ଅଭିନୟ କରିଥିଲା ପତ୍ନୀ , ମାତ୍ର ସବୁ ପ୍ଲାନ୍ କୁ ଫ୍ଲପ୍ କରିଦେଲା ପୋଲିସ । ହତ୍ୟାକାଣ୍ଡ ର ୨୪ ଘଣ୍ଟା ନପୁରୁଣୁ ହତ୍ୟାକାରୀ ମାନଙ୍କୁ ଗିରଫ କରି ସିନ୍-ରିକ୍ରେସନ୍ କରିବା ପରେ ଅଭିଯୁକ୍ତ/ଅଭିଯୁକ୍ତା ମାନଙ୍କୁ ଗିରଫ କରି କୋର୍ଟ ଚାଲାଣ କରିଥିଲା ନାଚୁଣୀ ପୋଲିସ । ସମସ୍ତ ଘଟଣା ଘଟି ସାରିବା ପରେ ଆଜି ନାଚୁଣୀ ଥାନାରେ ପହଞ୍ଚିଛନ୍ତି ମୃତ ମନୋରଞ୍ଜନ ମହାପାତ୍ର ଙ୍କ ପିତା ଗଙ୍ଗାଧର ମହାପାତ୍ର । ଲିଖିତ ଅଭିଯୋଗ ମଧ୍ୟ କରିଛନ୍ତି , ନ୍ୟାୟ ନିବେଦନ କରିଛନ୍ତି ମୃତ ମନୋରଞ୍ଜନ ମହାପାତ୍ର ଙ୍କ ପିତା ଗଙ୍ଗାଧର ମହାପାତ୍ର ।
କିନ୍ତୁ ନିଜ ଉପରେ ହେଉଥିବା ନିର୍ଯ୍ୟାତନାକୁ ରୋକିବା ପାଇଁ ନିଲୀ ଏଭଳି ସତ ମାନିଥିଲା ପୋଲିସ ଆଗରେ । ଯାହାକୁ ଆଜି ମିଥ୍ୟା ବୋଲି କହିଛନ୍ତି ମୃତ ମନୋରଞ୍ଜନଙ୍କ ବାପା ଗଙ୍ଗାଧର । ବୋହୂ ତା ପ୍ରେମିକ ସହ ମିଶି ଟଙ୍କା ପାଇଁ ଏପରି କରିଥିଲା ବୋଲି କହିଛନ୍ତି ଗଙ୍ଗାଧର । ପୁଅକୁ ଉସକାଇ ଆମକୁ ଅଲଗା କରି ପ୍ରଥମେ ଆମଠୁ ୪ ଲକ୍ଷ ନେଇଥିଲା । ପରେ ଆମଠୁ ପୁଅ ଆଉ ୩ ଲକ୍ଷ ଆଣିଥିଲା । ଯେଉଁ ପଇସା ଉପରେ ବୋହୂର ନଜର ଥିଲା । ସେଥିପାଇଁ ସେ ଏଭଳି କାମ ବୋଲି କହିଛନ୍ତି ଶଶୁର ଗଙ୍ଗାଧର ।
