ଜେଲ ଯିବେ ବଲିଉଡ ଅଭିନେତ୍ରୀ, ଏହି କମ୍ପାନୀକୁ ଠକିଥିବା ନେଇ ହୋଇଥିଲା ଅଭିଯୋଗ
1 min read
ମୁମ୍ବାଇ: ଖୁବଶୀଘ୍ର ଗିରଫ ହେବେ ବଲିଉଡରୁ ଜଣେ ଅଭିନେତ୍ରୀ । ତାଙ୍କ ନାମରେ ବାହାରିଛି ଆରେଷ୍ଟ ୱାରେଣ୍ଟ । କୋଲକତାର ଏକ ଅଦାଲତ ରବିବାର ଦିନ ଅଭିନେତ୍ରୀଙ୍କ ବିରୋଧରେ ଜାରି କରିଛି ଆରେଷ୍ଟ ୱରେଣ୍ଟ । ସେ ଆଉ କେହି ନୁହନ୍ତି ସେ ହେଉଛନ୍ତି ଅଭିନେତ୍ରୀ ଜରିନ ଖାନ । ଠକାମୀ କରିଥିବା ନେଇ ଏକ ମାମଲାର ଶୁଣାଣି କରି ଅଦାଲତ ଏହି ନିର୍ଦ୍ଦେଶ ଦେଇଛନ୍ତି । ୨୦୧୮ରେ ଏକ ଇଭେଣ୍ଟ ମ୍ୟାନେଜମେଣ୍ଟ କମ୍ପାନୀ କୋଲକତାର ୬ଟି କାର୍ଯ୍ୟକ୍ରମରେ ସାମିଲ ନ ହେବା ପାଇଁ ଅଭିନେତ୍ରୀଙ୍କ ନାମରେ ମାମଲା ରୁଜୁ କରିଥିଲା । ସୂଚନା ମୁତାବକ, ଏହି ମାମଲାରେ ପଚରାଉଚରା ପାଇଁ ମଧ୍ୟ ଜରିନ ଥାନାରେ ହାଜର ହୋଇନଥିଲେ । ଜରିନ ପଶ୍ଚିମବଙ୍ଗର ୨୪ ପ୍ରୋଗ୍ରାମକୁ ମଧ୍ୟ ମିସ୍ କରିଥିଲେ । ମାମଲା ଦାଏର ହେବା ପରେ ଅଭିଯୋଗ ପତ୍ର ଦାଖଲ ହେବା ପରେ ଜରିନଙ୍କୁ କୋଲକତାର ସିୟାଲଦହ ଅଦାଲତରେ ହାଜର ହେବାକୁ କୁହାଯାଇଥିଲା । କିନ୍ତୁ ଜରିନ ହାଜର ହୋଇନଥିଲେ ।ଏହାକୁ ନେଇ ଅଭିନେତ୍ରୀ କହିଛନ୍ତି, ଇଭେଣ୍ଟ ମ୍ୟାନେଜମେଣ୍ଟ କମ୍ପାନୀ ତାଙ୍କୁ ମିଛ କହିଥିଲା । ଏହି କାର୍ଯ୍ୟକ୍ରମରେ ଜଣାଶୁଣା ଲୋକପ୍ରିୟ ମନ୍ତ୍ରୀ ଉପସ୍ଥିତ ରହିବା କଥା କମ୍ପାନୀ ତାଙ୍କୁ କହିଥିଲା । କିନ୍ତୁ ଏହା ଉତ୍ତର କୋଲକତାର ଛୋଟ କାର୍ଯ୍ୟକ୍ରମ ରହିଥିଲା ବୋଲି ଜରିନ ଜାଣିବାକୁ ପାଇଥିଲେ ।ଜରିନ ବାରମ୍ବାର ଅଦାଲତରେ ହାଜର ନ ହେବାରୁ କୋଲକତା ଅଦାଲତ ତାଙ୍କ ନାମରେ ଗିରଫ ନୋଟିସ ଜାରି କରିଛି । ଅଭିନେତ୍ରୀ ମଧ୍ୟ ଜାମିନ ପାଇଁ ଅପିଲ୍ କରିନାହାନ୍ତି ।
ଅଭିନେତ୍ରୀ ଜରିନ ଖାନ ଫିଲ୍ମ କ୍ୟାରିୟର କଥା କହିଲେ ସେ ବଲିଉଡରେ ସଲମାନଙ୍କ ସହ ଫିଲ୍ମ ‘ବୀର’ରେ ଡେବ୍ୟୁ କରିଥିଲେ । ଏହା ପରେ ହାଉସଫୁଲ ୨, ହେଟ ଷ୍ଟୋରୀ ୩, ୧୯୨୧ ଏବଂ ଅକ୍ସର ୨ ଭଳି ଫିଲ୍ମରେ କାମ କରିସାରିଛନ୍ତି । ବଲିଉଡରେ ତାଙ୍କ ଲୁକକୁ କ୍ୟାଟ୍ରିନାଙ୍କ ସହ ତୁଳନା କରାଯାଇଥିଲା । ଯାହାଫଳରେ ତାଙ୍କ କ୍ୟାରିୟର ପାଇଁ ମହାଙ୍ଗା ପଡିଥିଲା । ନିଜର ଲୁକ୍ ଏବଂ ବ୍ୟକ୍ତିତ୍ୱରେ ଫ୍ୟାନ୍ସଙ୍କ ମନ ଜିଣିଥାନ୍ତି ଜରିନ ।
