ମମତା ଦିଦିଙ୍କ ଗେହ୍ଲା ପୁଅ ସଞ୍ଜୟ, ଅପରାଧ ପୂର୍ବରୁ ଯାଇଥିଲା ସୋନାଗାଚ୍ଛି !
1 min read
ଟ୍ରେନି ଡାକ୍ତରଙ୍କୁ ହତ୍ୟା କରିବା ପୂର୍ବରୁ ଅଭିଯୁକ୍ତ ସଞ୍ଜୟ ଯାଇଥିଲା ସୋନାଗାଚ୍ଛି | ଅଧା ରାତି ରହିଥିଲା ସାଙ୍ଗ ସହ ତା’ ପରେ ଫେରି ଆସି ଟ୍ରେନି ଡାକ୍ତରଙ୍କୁ ମାରିଥିଲା | ତେବେ ଆର ଜେ କର ମେଡିକାଲ କଲେଜରେ ଜଣେ ମହିଳା ଡାକ୍ତରଙ୍କର ଦୁଷ୍କର୍ମ ପରେ ହତ୍ୟା କରାଯିବାର ଘଟଣାରେ ମୁଖ୍ୟ ଅଭିଯୁକ୍ତ ସଞ୍ଜୟ ରାୟର କଳା ପେଡି ବର୍ତ୍ତମାନ ସାମ୍ନାକୁ ଆସୁଛି | ଧୀରେ ଧୀରେ ଖୋଲୁଛି ଅଭିଯୁକ୍ତର ସବୁ ଗୁମର |
ସୂଚନା ଅନୁଯାୟୀ, ଅଗଷ୍ଟ ୯ ରେ ଆର ଜେ କର ମେଡିକାଲର ସେମିନାର ରୁମରେ ମହିଳା ଡକାରଙ୍କର କ୍ଷତାକ୍ତ ମୃତଦେହ ମିଳିଥିଲା | ମୃତଦେହ ମିଳିବାର ୧୨ ଘଣ୍ଟା ମଧ୍ୟରେ ପୋଲିସ ମୁଖ୍ୟ ଅଭିଯୁକ୍ତ ସଞ୍ଜୟ ରାୟଙ୍କୁ ଗିରଫ କରିଥିଲା | ସଞ୍ଜୟ ରାୟ ତା’ ର ଜଣେ ସିଭିକ ସ୍ଵେଚ୍ଛାଜୀବି ସାଙ୍ଗ ସହ ଅଗଷ୍ଟ ୮ ତାରିଖ ମଧ୍ୟ ରାତ୍ରିରେ ରେଡଲାଇଟ ଅଞ୍ଚଳ ଭାବରେ ପରିଚିତ ସୋନାଗାଚ୍ଛି ଯାଇଥିଲା | ସେଠାକୁ ଯିବା ପୂର୍ବରୁ ସେ ପ୍ରବଳ ମଦ ପିଇଥିବା ମଧ୍ୟ ସୂଚନା ରହିଛି |
ତେବେ ସୋନାଗାଚ୍ଛିରେ ପହଞ୍ଚିବା ପରେ ବନ୍ଧୁଙ୍କ ସହ ଅତ୍ୟଧିକ ମଦ୍ୟପାନ କରିଥିଲା ସଞ୍ଜୟ | ସେଠାରୁ ଫେରିବା ସମୟରେ ରାସ୍ତାରେ ନିଶାଶକ୍ତ ଅବସ୍ଥାରେ ମହିଳାଙ୍କୁ କମେଣ୍ଟ ମାରିବା ମଧ୍ୟ ଆସିଛି ସୂଚନା | ଏଥିସହ ମହିଳାଙ୍କୁ ଫୋନ କରି ଅଶ୍ଳୀଳ ଫଟୋ ମଧ୍ୟ ମାଗୁଥିଲା ସଞ୍ଜୟ | ତେବେ ଏତେ ସାବୁ ଘଟଣା ଘଟିବ ପରେ ସଞ୍ଜୟଙ୍କ ବନ୍ଧୁ ଏକ ବାଇକ ଭଡା କରି ନିଜ ଘରକୁ ଚାଲିଯାଇଥିଲେ | କିନ୍ତୁ ରାତି ପ୍ରାୟ ୩ଟା ୫0 ମିନିଟରେ ଆର ଜେ କର ମେଡିକାଲର ଟ୍ରମା ୟୁନିଟ ପାଖରେ ବୁଲୁଥିବା ଦେଖିବାକୁ ମିଳିଥିଲା | ନିଶା ଏତେ ମାତ୍ରାରେ ହୋଇଯାଇଥିଲା ଯେ ଅପରେସନ ଥିଏଟର କବାଟରେ ପିଟି ହୋଇ ତଳେ ପଡିଥିଲା |
ଏହାପରେ ଭୋର ୪ଟାରେ ଏମରଜେନ୍ସି ବିଙ୍ଗ ପାଖକୁ ଆସିଥିଲା ଓ ସେଠାରୁ ସିଧା ତୃତୀୟ ମହଲା ସେମିନାର ରୁମକୁ ଯାଇଥିଲା | ତେବେ ଜେରା ବେଳେ ସଞ୍ଜୟ କହିଛି ଯେ, ଟ୍ରେନି ମହିଳା ଜଣକ ଗଭୀର ନିଦରେ ଶୋଇଥିଲେ | ଏହି ସମୟରେ ସଞ୍ଜୟ ଏପରି ଘଟଣା ଭିଆଇ ଥିଲା |
