ଲଗାଣ ବର୍ଷା ଯୋଗୁଁ ନେପାଳରେ ଭୂସ୍ଖଳନ, ମୃତ୍ୟୁ ସଂଖ୍ୟା ୧୧କୁ ବୃଦ୍ଧି

ନେପାଳରେ ଲଗାତାର ବର୍ଷା ଯୋଗୁଁ ମଙ୍ଗଳବାର ଦିନ ଭୂସ୍ଖଳନ ହୋଇଥିଲା | ଏହାଯୋଗୁଁ ୧୧ଜଣଙ୍କର ମୃତ୍ୟୁ ଘଟିଥିବା ବେଳେ ୬ ଜଣ ଆହତ ହୋଇଛନ୍ତି।

ବାଗଲଙ୍ଗ ଜିଲ୍ଲାର ବାଡିଗଡ ଗ୍ରାମୀଣ ପୌରପାଳିକାର ଏକ ଭୂସ୍ଖଳନରେ ଘର ଭୁଶୁଡ଼ିବା ପରେ ୨ପରିବାରର ୮ ଜଣଙ୍କର ମୃତ୍ୟୁ ଘଟିଥିବା ବେଳେ ଉଦ୍ଧାର ହୋଇଥିବା ଅନ୍ୟ ୪ ଜଣ ଗୁରୁତର ଆହତ ହୋଇଛନ୍ତି। ସହକାରୀ ମୁଖ୍ୟ ଜିଲ୍ଲା ଅଧିକାରୀ ଚିତ୍ରାଙ୍ଗତ ବାରାଲ ସ୍ଥାନୀୟ ଗଣମାଧ୍ୟମକୁ କହିଛନ୍ତି ଯେ, ମୃତକଙ୍କ ମଧ୍ୟରୁ ୬ ଜଣ ଶିଶୁ। ଜିଲ୍ଲା ପୋଲିସ ମୁଖପାତ୍ର ରାମ କୁମାର କେସି କହିଛନ୍ତି ଯେ ଗୁଲମି ଜିଲ୍ଲାର ମୁସିକୋଟ ମ୍ୟୁନିସିପାଲିଟିରେ ଦୁଇଟି ଘର ପୋତି ହୋଇଯିବା ପରେ ୪ ଜଣଙ୍କର ମୃତ୍ୟୁ ଘଟିଥିବା ବେଳେ ୨ ଜଣ ଆହତ ହୋଇଛନ୍ତି।

Advertisement

ମଙ୍ଗଳବାର ଏବଂ ବୁଧବାର ଦିନ ପ୍ରବଳ ବର୍ଷା ସମ୍ପର୍କରେ ଦେଶର ୩୪ଟି ଜିଲ୍ଲାରେ ପାଣିପାଗ ପୂର୍ବାନୁମାନ ବିଭାଗ ହାଇ ଆଲର୍ଟ ଜାରି କରିଛି।