ମୋଦିଙ୍କ ଶପଥ ଗ୍ରହଣ ଉତ୍ସବରେ ଯୋଗଦେବେ ଶେଖ ହସିନା ଓ ଶ୍ରୀଲଙ୍କା ରାଷ୍ଟ୍ରପତି ସମେତ ଏହି ଦେଶର ନେତା
1 min read
ଲୋକସଭା ନିର୍ବାଚନରେ NDAର ବିଜୟ ପରେ ନରେନ୍ଦ୍ର ମୋଦି କ୍ରମାଗତ ଭାବରେ ତୃତୀୟ ଥର ପାଇଁ ପ୍ରଧାନମନ୍ତ୍ରୀ ଭାବେ ଶପଥ ଗ୍ରହଣ କରିବାକୁ ଯାଉଛନ୍ତି | ଜୁନ ୮ ରେ ରହିଛି ଶପଥ ଗ୍ରହଣ ସମାରୋହ | ତେବେ ଏହି ସମାରୋହ ପାଇଁ ଭାରତର ପଡୋଶୀ ଦେଶର ଭିଭିଆଇପିଙ୍କୁ କରାଯାଇଛି ନିମନ୍ତ୍ରଣ |
ସୂଚନା ଅନୁଯାୟୀ, ଏହି ଶପଥ ସମାରୋହରେ ଯୋଗଦେବେ ବାଂଲାଦେଶ ପ୍ରଧାନମନ୍ତ୍ରୀ ଶେଖ ହସିନା ଏବଂ ଶ୍ରୀଲଙ୍କା ରାଷ୍ଟ୍ରପତି ରାନିଲ ୱିକ୍ରେମେସିଂହେ | ରିପୋର୍ଟ ଅନୁଯାୟୀ, ରାଷ୍ଟ୍ରପତି ୱିକ୍ରେମିସିଂହ ବୁଧବାର ଦିନ ପ୍ରଧାନମନ୍ତ୍ରୀ ମୋଦୀଙ୍କୁ ନିର୍ବାଚନରେ ଜିତିବା ପାଇଁ ଅଭିନନ୍ଦନ ଜଣାଇଛନ୍ତି। ଏହି ସମୟରେ ମୋଦୀ ତାଙ୍କୁ ଶପଥ ଗ୍ରହଣ ସମାରୋହରେ ଯୋଗଦେବାକୁ ନିମନ୍ତ୍ରଣ କରିଥିଲେ, ଯାହା ୱିକ୍ରେମିସିଂହ ଗ୍ରହଣ କରିଥିଲେ। ବାଂଲାଦେଶ ପ୍ରଧାନମନ୍ତ୍ରୀଙ୍କ ସହ ଫୋନ୍ ବାର୍ତ୍ତାଳାପ ବେଳେ ମୋଦୀ ତାଙ୍କୁ ଏହି କାର୍ଯ୍ୟ ପାଇଁ ନିମନ୍ତ୍ରଣ କରିଛନ୍ତି।
ସେହିପରି ବାଂଲାଦେଶ ପ୍ରଧାନମନ୍ତ୍ରୀ ଶେଖ ହସିନା, ନେପାଳର ପ୍ରଧାନମନ୍ତ୍ରୀ ପ୍ରଚାନ୍ଦ ଏବଂ ମରିସସ ଏବଂ ଭୁଟାନର ନେତାମାନେ ସାମିଲ ହେବେ। ତେବେ ଶପଥ ଗ୍ରହଣ ପାଇଁ ଅନ୍ୟ ଦେଶର ନେତାଙ୍କୁ ନିମନ୍ତ୍ରଣ ପଠାଯିବା ନେ ଏଜେନ୍ସି ସୂତ୍ରରୁ ଜଣାପଡିଛି |
୨୦୧୯ ମସିହାରେ ଏହି କାର୍ଯ୍ୟକ୍ରମରେ ଭିଭିଆଇପି ସମେତ ୮ ହଜାର ଅତିଥି ଯୋଗ ଦେଇଥିଲେ। ୨୦୧୪ ମସିହାରେ ଯେତେବେଳେ ମୋଦୀ ତାଙ୍କର ପ୍ରଥମ କାର୍ଯ୍ୟକାଳ ପାଇଁ ଶପଥ ଗ୍ରହଣ କରିଥିଲେ ସେତେବେଳେ ତତ୍କାଳୀନ ପାକିସ୍ତାନ ପ୍ରଧାନମନ୍ତ୍ରୀ ନୱାଜ ସରିଫଙ୍କ ସମେତ ସମସ୍ତ ସାର୍କ ନେତାମାନେ ଯୋଗ ଦେଇଥିଲେ।
