ହ୍ୟାଣ୍ଡ୍ ପମ୍ପ ଚଳାଇଲେ ବାହାରୁଥିଲା ମଦ, ଚଢାଉ କଲା ପୋଲିସ…
1 min read
ନଳକୂପରୁ ସାଧାରଣତଃ ପାଣି ବାହାରିଥାଏ । ଅନେକ ସ୍ଥାନରେ ମାଟିତଳ ଖୋଳା ହେଲେ ସେଠାରୁ ପାଣି ବାହାରିଥାଏ କିମ୍ବା ଆଉ ଅଳ୍ପ କିଛି ସ୍ଥାନରେ ପେଟ୍ରୋଲ ମଧ୍ୟ ବାହାରିବା କଥା ଆପଣ ଶୁଣିଥିବେ। କିନ୍ତୁ ମାଟିତଳୁ ନଳକୂପ ସାହାର୍ଯ୍ୟରେ ମଦ ବାହାରିବା କେବେ ଆପଣମାନେ କେବେ ଶୁଣିଛନ୍ତି କି? କିନ୍ତୁ ଏଭଳି ଏଜ ଅଜବ ଘଟଣା ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହବାରେ ଲାଗିଛି । ଏହି ଘଟଣା ଉତ୍ତର ପ୍ରଦେଶ ଝାନ୍ସିରେ ଦେଖିବାକୁ ମିଲିଛି । ଯେଉଁଠାରେ ପୋଲିସ ଘଟଣାସ୍ଥଳରେ ପହଞ୍ଚି ମଦକୁ ଏହାକୁ ଜବତ କରି ନିଜ ହେପାଜତରେ ନେଇଛି ।
ସୂଚନା ଅନୁଯାୟୀ ଏକ ପର୍ବ ଦିନରେ ଏକ୍ସାଇଜ୍ ବିଭାଗର ଚଢାଉ ହେବା ସମୟରେ ଏକ ହ୍ୟାଣ୍ଡ ପମ୍ପରୁ କଞ୍ଚା ମଦ ବାହାରୁଥିବା ସୂଚନା ମିଳିଥିଲା । ଯେତେବେଳେ ପୋଲିସ୍ ଅଧିକାରୀଙ୍କ ସାମ୍ନାରେ ହ୍ୟାଣ୍ଡ୍ ପମ୍ପ ଚଳାଇଲେ, ସେଥିରୁ ମଦ ବାହାରିବା ଆରମ୍ଭ କଲା । ହ୍ୟାଣ୍ଡ ପମ୍ପ ଚଳାଇ ପ୍ରାୟ ୮୦ ଲିଟର ମଦ ଉଦ୍ଧାର କରାଯାଇଥିଲା । ବାସ୍ତବରେ ଏହି ଅଞ୍ଚଳର ଜଣେ ମହିଳା କଞ୍ଚା ମଦ ତିଆରି କରି ବିକ୍ରି କରନ୍ତି । ଧରାଯିବା ଭୟରେ ସେ ଏକ ଟାଙ୍କି ଭୂମିରେ ପୋତି ଦେଇଥିଲେ । ହ୍ୟାଣ୍ଡ ପମ୍ପରୁ ବାହାରୁଥିବା ମଦ ମାମଲା ଏକ୍ସାଇଜ୍ ବିଭାଗ ସୂଚନା ପାଇଥିଲା । ପରେ ପୋଲିସ ଘଟଣାସ୍ଥଳକୁ ଯାଇ ତଦନ୍ତ କରିଥିଲା । ଏହି ଅପରେସନ୍ ସମୟରେ ସେଠାରେ ଥିବା ହ୍ୟାଣ୍ଡ ପମ୍ପରୁ ଶହ ଶହ ଲିଟର ମଦ ଜବତ ହୋଇଥିଲା । ପରେ ଏକ୍ସାଇଜ ବିଭାଗ ଏହା ଉପରେ ଚଢାଉ କରି କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା । ପରେ ବୁଲଡୋଜର ବ୍ୟବହାର କରି ଅଣ୍ଡରଗ୍ରାଉଣ୍ଡ ଟ୍ୟାଙ୍କ ମଧ୍ୟ ନଷ୍ଟ କରିବା ସହ ମଦ ବିକ୍ରେତାଙ୍କୁ ମଧ୍ୟ ପୋଲିସ ଗିରଫ କରିଛି ।
