ଗାଁରେ ଆତଙ୍କ ଖେଳାଇଛି ପାଗଳା ଷଣ୍ଢ ; ସଂଧ୍ୟା ହେଲେ ଘରେ ପଡୁଛି ତାଟି କବାଟ…..
1 min read
ଆଳି ; ଗାଁରେ ଆତଙ୍କ ଖେଳାଇଛି ପାଗଳା ଷଣ୍ଢ । ଯାହାକୁ ପାରୁଛି ଗୋଡାଇ ଗୋଡାଇ ରକ୍ତାତ କରିପକାଉଛି । ଘରଦ୍ୱାର ତାଡି ଭାଙ୍ଗିଦେଉଛି । ଫଳରେ ଗ୍ରାମାବାସୀମାନେ ଦିନ ଦ୍ୱିପହରରେ ମଧ୍ୟ ଘରେ ତାଲା ମାରି ରହିଛନ୍ତିା ଏଭଳି ଏକ ଘଟଣା କେନ୍ଦ୍ରାପଡା ଜିଲ୍ଲା ଆଳି ବ୍ଲକ ଅନ୍ତର୍ଗତ ପଦନିପାଳ ପଞ୍ଚାୟତରେ ଦେଖିବାକୁ ମିଳିଛି ।
ମିଳିଥିବା ସୂଚନା ଅନୁଯାୟୀ ଗତ ୩ଦିନ ମଧ୍ୟରେ ଷଣ୍ଢ ଆକ୍ରମଣରେ ୫ଜଣ ଲୋକ ଗୁରୁତର ଭାବେ ଆହତ ହୋଇଛନ୍ତି ।ଆହତମାନେ ଏବେ ବିଭିନ୍ନ ହସ୍ପିଟାଲରେ ଆଡ଼ିମିଶନ ହୋଇ ଚିକିତ୍ସିତ ହେଉଛନ୍ତି। ପଦନିପାଳ ପଂଚାୟତର ଦୈତାରୀପୁର, କଳମଡ଼ା ଶାସନ ଓ ପଦନିପାଳ ଗାଁରେ ୩/୪ ଦିନ ହେବ ଏକଷଣ୍ଢ ଆତଙ୍କ ଖେଳାଇ ଚାଲିଛି।ଘରୁ ଲୋକେ ବାହାରକୁ ଗୋଡ଼ କାଢ଼ିଲେ ଷଣ୍ଢ ଗୋଡେଇ ଗୋଡେଇ ଲୋକଙ୍କୁ ଆକ୍ରମଣ କରୁଛି।ଗାଁର ଲୋକମାନେ ହାତରେ ବାଡ଼ିଧରି ଯା ଆସ କରୁଥିବା ଦେଖିବାକୁ ମିଳିଛି।ପିଲାମାନେ ମଧ୍ୟ ସ୍କୁଲ ଯିବାକୁ ଡରୁଛନ୍ତି।
ଏମିତି କି ସଂଧ୍ୟା ହେଲେ ଗାଁରେ ତାଟିକବାଟ ମଧ୍ୟ ପଡିଯାଉଛି।ଷଣ୍ଢକୁ ଧରି ଏକ ସୁରକ୍ଷିତ ସ୍ଥାନରେ ରଖିବା ପାଇଁ ଗ୍ରାମବାସୀମାନେ ସ୍ଥାନୀୟ ପ୍ରଶାସନ ଓ ବନବିଭାଗକୁ ନିବେଦନ କରିଛନ୍ତି।
