କଟକରେ ପାଗଳା ଷଣ୍ଢ ଆତଙ୍କ; ୧ ମୃତ୍ୟୁ, ୬ ଆହତ ।
1 min read
କଟକ : ସାବଧାନ କଟକବାସୀ ,ଆତଙ୍କ ଖେଳାଇଛି ପାଗଳା ଷଣ୍ଢ । କଟକ ବିଡାନାସୀ ଭୁଆସୁଣୀ ପଠାରେ ଷଣ୍ଢ ଆକ୍ରମଣରେ ଜଣେ ବୃଦ୍ଧଙ୍କ ମୃତ୍ୟୁ ହୋଇଥିବା ବେଳେ ୫ ରୁ ୬ ଆହତ ହୋଇଥିବା ଜଣାପଡିଛି । ମୃତକ ହେଉଛନ୍ତି ବିଡାନାସୀ ର ୬୦ ବର୍ଷିୟା ଅକ୍ଷୟ ବେହେରା ।
ସୂଚନା ମୁତାବକ ଭୁଆସୁଣୀ ପଠାକୁ ପ୍ରତିଦିନ ସ୍ଥାନୀୟ ବାସିନ୍ଦା ମାନେ ଶୌଚ ହେବାକୁ ଆସିଥାନ୍ତି । ଗତକାଲି କିଛି ଲୋକ ସେଠାକୁ ଶୌଚ କରିବାକୁ ଯାଇଥିବା ବେଳେ ଏକ ପାଗଳା ଷଣ୍ଢ ସମସ୍ତଙ୍କୁ ଆକ୍ରମଣ କରିବାକୁ ଆରମ୍ଭ କରିଥିଲା । ଏହି ସମୟରେ ନିଜ ଜୀବନ ବଞ୍ଚାଇବାକୁ ଯାଇ ସମସ୍ତ ବାସିନ୍ଦା ଦୌଡ଼ିବାକୁ ଆରମ୍ଭ କରିଥିଲେ ।
ମାତ୍ର ୬୦ ବର୍ଷିୟା ଅକ୍ଷୟ ବେହେରା ଦୌଡ଼ି ପଳାଇବା ପାଇଁ ଅକ୍ଷମ ହୋଇଥିଲେ । ଏହାପରେ ଷଣ୍ଢ ଟି ବୃଦ୍ଧଙ୍କୁ ଅଚାନକ ଆକ୍ରମଣ କରିଥିଲା । ଏବଂ ସେହିଠାରେ ତାଙ୍କର ମୃତ୍ୟୁ ଘଟିଥିଲା । କେବଳ ସେତିକି ନୁହେଁ ୫ ରୁ ୬ ଜଣଙ୍କୁ ଆହତ କରିଥିଲା । ତେବେ ଆଜି ସକାଳୁ ସକାଳୁ ଘଟଣା ସ୍ଥଳରେ ମହାନଗର ନିଗମ, ପୋଲିସ, ସ୍ଥାନୀୟ ବାସିନ୍ଦା ପହଞ୍ଚି ଷଣ୍ଢ ଟିକୁ କାବୁ କରିବାରେ ସକ୍ଷମ ହୋଇଛନ୍ତି ।
