ବେଟିଂ ଆପରେ ଛନ୍ଦି ହେଲେ ବଲିଉଡ ଅଭିନେତା ରଣବୀର କପୁର, ଇଡିରୁ ଗଲା ନୋଟିସ୍..
1 min read
ମୁମ୍ବାଇ : ବଲିଉଡ ଅଭିନେତା ରଣବୀର କପୁରଙ୍କୁ ଇଡି ନୋଟିସ ମିଳିଛି । ଅନଲାଇନ୍ ଗେମିଂ ମାମଲାରେ ଫସିଛନ୍ତି ରଣବୀର । ତେବେ କିଛି ଦିନ ଆଗରୁ ମହାଦେବ ବେଟିଂ ଆପ ମାମଲାରେ ଅନେକ ବଲିଉଡର ତାରକାଙ୍କ ନାମ ରହିଥିବା ବେଳେ ଆଜି ଏଥିରେ ରଣବୀରଙ୍କ ନାଁ ମଧ୍ୟ ସାମ୍ନାକୁ ଆସିଛି । ଏଥିପାଇଁ ତାଙ୍କ ନିକଟରୁ ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ନୋଟିସ ଯାଇଛି । ତାଙ୍କୁ ଅକ୍ଟୋବର ୬ ରେ ଇଡି କାର୍ଯ୍ୟାଳୟରେ ହାଜର ହେବାକୁ ଏହି ସମନ ଜାରି କରାଯାଇଛି । କୁହାଯାଉଛି ଯେ ରଣବୀରଙ୍କ ବ୍ୟତୀତ ଏଥିରେ ଅନ୍ୟ କେତେକ କଳାକାରଙ୍କ ନାମ ମଧ୍ୟ ଦେଖାଯାଇପାରେ । ଏହି ବେଟିଂ ଆପର ପ୍ରମୋଟର ସୌରଭ ଚନ୍ଦ୍ରକରଙ୍କ ବିବାହ ଏବଂ ଅନ୍ୟ ପାର୍ଟିରେ କେହି ଯୋଗ ଦେଇଥିବା ନେଇ ଯେଉଁ ଖବର ଆସିଥିଲା ତାର ତଦନ୍ତ ଇଡି କରୁଥିବା ଜଣା ପଡିଛି ।
Advertisement
