ପର୍ଯ୍ୟାପ୍ତ ନିଦରେ ଶୋଇ ପାରୁନାହାନ୍ତି ପିଲା,ପରିବର୍ତ୍ତନ ହେଉ ସ୍କୁଲ ସମୟ…
1 min read
ପାଠ ପଢା ଚାପରେ ସମ୍ପୂର୍ଣ୍ଣ ହୋଇ ପାରୁନି ନିଦ । ଫଳରେ ସକାଳୁ ଶୀଘ୍ର ଉଠିବାକୁ ହେଉଛି କଷ୍ଟ । ଏହାକୁ ଦୃଷ୍ଟିରେ ରଖି ସ୍କୁଲ ସମୟ ପରିବର୍ତ୍ତନ କରିବା ପାଇଁ ରାଜ୍ୟ ସରକାରଙ୍କୁ ପରାମର୍ଶ ଦେଇଛନ୍ତି ମହାରାଷ୍ଟ୍ର ରାଜ୍ୟପାଳ ରମେଶ ବୈଶ । ଯାହାଦ୍ୱାରା ଛାତ୍ରମାନେ ପର୍ଯ୍ୟାପ୍ତ ସମୟ ଶୋଇ ପାରିବେ । ମଙ୍ଗଳବାର ରାଜ୍ୟ ଶିକ୍ଷା ବିଭାଗର ଏକ କାର୍ଯ୍ୟକ୍ରମରେ ସେ କହିଛନ୍ତି ଯେ ଲୋକଙ୍କ ଶୋଇବା ସମୟ ବଦଳି ଯାଇଛି । ଆଗରୁ ଲୋକକଥା ରହିଛି ଯେ ଶୀଘ୍ର ଶୋଇବା ଏବଂ ଶୀଘ୍ର ଉଠିବା ଜଣେ ବ୍ୟକ୍ତିଙ୍କୁ ବୁଦ୍ଧିମାନ କରିଥାଏ । ହେଲେ ଆଜିକାଲି ପିଲାମାନେ ମଧ୍ୟରାତ୍ରି ପର୍ଯ୍ୟନ୍ତ ଅନିଦ୍ରା ରହୁଛନ୍ତି । ଆଉ ସକାଳୁ ଶୀଘ୍ର ଉଠୁଛନ୍ତି, ଯେଉଁଥିପାଇଁ ସେମାନେ ପର୍ଯ୍ୟାପ୍ତ ନିଦରେ ଶୋଇ ପାରୁନାହାନ୍ତି । ତେଣୁ ରାଜ୍ୟପାଳ ଅନୁରୋଧ କରିଛନ୍ତି ଯେ ବିଦ୍ୟାଳୟର ସମୟ ପରିବର୍ତ୍ତନ କରିବାକୁ ଚିନ୍ତା କରନ୍ତୁ ଯାହା ଦ୍ୱାରା ଛାତ୍ରମାନେ ସକାଳେ ପର୍ଯ୍ୟାପ୍ତ ନିଦ ପାଇପାରିବେ ।
କୁହାଯାଇଛି ଯେ ୩ ବର୍ଷରୁ କମ୍ ପିଲାମାନେ ୧୨ ରୁ ୧୫ ଘଣ୍ଟା ଶୋଇବା ଆବଶ୍ୟକ କରୁଥିବାବେଳେ ୫ ରୁ ୧୦ ବର୍ଷ ମଧ୍ୟରେ ପିଲାମାନେ ୯ ରୁ ୧୨ ଘଣ୍ଟା ଶୋଇବା ଆବଶ୍ୟକ କରନ୍ତି । ରିପୋର୍ଟ ଅନୁଯାୟୀ, ଯଦି ପିଲାଟି ସକାଳେ ଉଠିବାରେ ସକ୍ଷମ ହୁଏ ନାହିଁ, ତେବେ ପ୍ରଥମେ ଉଠିବାରେ କାହିଁକି ଅସୁବିଧା ହେଉଛି ତାହା ପ୍ରଥମେ ଖୋଜ । ଏହା ହୋଇପାରେ କି ସେ ରାତିରେ ଭଲ ନିଦରେ ଶେଇବା ଅସମର୍ଥ କିମ୍ବା ରାତିରେ ଗଭୀର ନିଦ ହୁଏ ନାହିଁ? ଯଦି ଏହିପରି କିଛି ଘଟେ ତେବେ ଆପଣ ଡାକ୍ତରଙ୍କ ପରାମର୍ଶ ନେଇପାରିବେ ।
