ଗିରଫ ହେଲେ ମହିମା ମିଶ୍ରଙ୍କ ପୁଅ , ଚର୍ଚ୍ଚିତ ମିଶ୍ର
1 min read
ଭୁବନେଶ୍ୱର : ଜଣା ଶୁଣା ଶିଳ୍ପପତ୍ତି ମହିମା ମିଶ୍ରଙ୍କୁ ଗତକାଲି ପାରାଦୀପ ବନ୍ଦରର ଲାଞ୍ଚ କାରବାର ମାମଲାରେ ସିବିଆଇ ଦୀର୍ଘ ୬ ଘଣ୍ଟା ଧରି ଜେରା କରିଥିଲା । ତାସହ ଏଥିରେ ସାମିଲ ଥିବା ୪ ଜଣ କର୍ମୀଙ୍କୁ କାଲି ସନ୍ଧ୍ୟାରେ ଗିରଫ୍ କରିଥିଲା ପୋଲିସ । ସେମାନେ ଥିଲେ ପାରାଦୀପ ପୋର୍ଟ ଚିଫ୍ ମେକାନିକାଲ ଇଂଜିନିୟର ସରୋଜ ଦାସ ,ଠିକାଦାର ସୁମନ୍ତ ରାଉତ,ଓଏସ୍ଏଲ ଅପରେସନ୍ ଡିଜିଏମ୍ ସୂର୍ଯ୍ୟ ନାରାୟଣ ଏବଂ ପୋର୍ଟ ଅପରେସନ ମ୍ୟାନେଜର ଶଙ୍ଖଶୁଭ୍ର ମିତ୍ର ।
ତେବେ ଏମାନଙ୍କ ପରେ ଆଜି ସକାଳୁ ମହିମା ମିଶ୍ରଙ୍କ ସାନ ପୁଅ ଚର୍ଚ୍ଚିତ ମିଶ୍ରଙ୍କୁ ଗିରଫ୍ କରିଛି ଟିମ୍ । ସିବିଆଇ କାର୍ଯ୍ୟାଳୟରେ ହାଜର ହେବାପରେ ଅନେକ ଗୁଡିଏ ପ୍ରଶ୍ନ ପଚାରିଛି ଟିମ୍ । ତେବେ ଏସବୁ ରେ ଆଉ କେତେଜଣ କିଏ କିଏ ସାମିଲ ଅଛନ୍ତି ତାହା ଯଥା ଶ୍ରୀଘ୍ର ଖୋଜି ବାହାରକରିବ ବୋଲି ସିବିଆଇ କହିଛି ।
ଚର୍ଚ୍ଚିତ ମିଶ୍ରଙ୍କ ସ୍ୱାସ୍ଥ ଅବସ୍ଥା ଠିକ୍ ନଥିବାରୁ ଗିରଫ୍ ପରେ ତାଙ୍କୁ ପ୍ରଥମେ କ୍ୟାପିଟାଲ ହସ୍ପିଟାଲ ପଠାଯାଇଥିଲା । ତେବେ ତାଙ୍କ ବୋନ ମ୍ୟାରୋ ଟ୍ରାନ୍ସପ୍ଲାଣ୍ଟ ହୋଇଥିବାରୁ ତାଙ୍କୁ ଘର ଖାଇବା ଓ ମେଡିସିନ୍ ଦେବା ପାଇଁ ଆବେଦନ କରାଯିବ ବୋଲି ସୂଚନା ଦେଇଛନ୍ତି ଚର୍ଚ୍ଚିତ୍ଙ୍କ ଓକିଲ ।
