ପୁଣି ଟ୍ରେନ ଦୁର୍ଘଟଣା : ଇଞ୍ଜିନରୁ ଅଲଗା ହୋଇଗଲା ଏସି ବଗି ..
1 min readରେଳ ଟ୍ରାକ୍ ଉପରେ ଦୁଇ ଭାଗ ହୋଇଗଲା ଟ୍ରେନ୍। ଇଞ୍ଜିନରୁ ଅଲଗା ହୋଇଗଲା ଏସି ବଗି। ବଡ଼ ଧରଣର ଦୁର୍ଘଟଣା ଘଟିବା ପୂର୍ବରୁ ଅଳ୍ପକେ ବର୍ତ୍ତିଲେ ଯାତ୍ରୀ। ଉତ୍ତରପ୍ରଦେଶର ବିଜନୋରରେ କିସାନ ଏକ୍ସପ୍ରେସ ଟ୍ରେନରେ ଘଟିଛି ଏଭଳି କିଛି ଘଟଣା। କିସାନ ଏକ୍ସପ୍ରେସ ଟ୍ରେନ ଫିରୋଜପୁରରୁ ଧାନବାଦକୁ ଯାଉଥିଲା। ତେବେ ଆଜି ଭୋର ୪ଟା ବେଳେ ଏହି ଟ୍ରେନ୍ଟି ଯେତେବଳେ ବିଜନୋରର ସୌହାରା ରେଳ ଷ୍ଟେସନରୁ ଆଗକୁ ବଢ଼ିଥିଲା ସେତେବେଳେ ଏହା ଦୁଇ ଭାଗ ହୋଇଯାଇଥିଲା। ଟ୍ରେନରେ ମୋଟ ୨୨ଟି କୋଚ୍ରୁ ୮ଟି କୋଚ୍ ଇଞ୍ଜିନଠାରୁ ଅଲଗା ହୋଇଯାଇଥିଲା। ତେବେ ଟ୍ରେନ୍ଟି ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛି।
ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି। ସେପଟେ ଖବର ପାଇ ରେଳ ବିଭାଗ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ଘଟଣାସ୍ଥଳରେ ଥିବା ଜଣେ ରେଳ ଅଧିକାରୀଙ୍କ କହିବା ମୁତାବକ, ଇଞ୍ଜିନ ସହିତ ଲାଗି ରହିଥିବା ବଗି ଆଗକୁ ବଢ଼ିଛି କିନ୍ତୁ ରେଳ ଟ୍ରାକ୍ ଉପରେ କିଛି ଦୂର ଦୌଡିବା ପରେ ଅଲଗା ହୋଇଥିବା ଆଠଟି ଏସି ବଗି ଅଟକି ରହିଛି। ସୌଭାଗ୍ୟବଶତଃ ଏହି ଦୁର୍ଘଟଣା ପରେ ମଧ୍ୟ ଟ୍ରେନର ଉଭୟ ଅଂଶ ସୁରକ୍ଷିତ ଅଛି। ଟ୍ରେନରେ ବସିଥିବା ସମସ୍ତ ଯାତ୍ରୀଙ୍କ କୌଣସି କ୍ଷତି ହୋଇ ନାହିଁ। ତେବେ କେଉଁ କାରଣ ଯୋଗୁ ଏହି ଦୁର୍ଘଟଣା ଘଟିଲା ତା’ର କାରଣ ଜଣାପଡ଼ିନି ତେବେ ଏହି ଘଟଣାର ଯାଞ୍ଚ ଜାରି ରହିଛି।