ବାପା କାର୍ ଚକା ତଳେ ଚାଲିଗଲା ଝିଅର ଜୀବନ ..
1 min read
ବାପା କାର୍ ର ଚକା ତଳେ ଚାଲିଗଲା ଝିଅର ଜୀବନ । ଅଜାଣତରେ ବାପା ଗାଡ଼ି ପାର୍କ କରୁ କରୁ ଘଟିଗଲା ଏଭଳି ଅଘଟଣ । ବାପା ଗାଡ଼ିରୁ ଓହ୍ଲାଇ ତାକୁ ଟିକେ କୋଳେଇ ନେବାପାଇଁ ଅପେକ୍ଷା କରିଥିବା କୁନିଝିଅ ଟି ବାପାର ଗାଡିତଳେ ଚାଲିଯାଇଛି ଜୀବନ । ଭୁଲବଶତଃ ଘଟିଯାଇଥିବା ଏପରି ଅଘଟଣ ଯୋଗୁ ନିଜ ଛୁଆ ଜୀବନ ଚାଲି ଯାଇଥିବା ବେଳେ ମୁଣ୍ଡ ପିଟି କାନ୍ଦୁଛନ୍ତି ବାପାମା’ । ଏପରି ଏକ ଲୋମଟାଙ୍କୁରା ଘଟଣା ବାଙ୍ଗାଲୁରୁରେ ଘଟିଥିବା ବେଳେ ଏହାର ଭିଡିଓ ସିସିଟିଭିରେ କଏଦ ହୋଇଛି ।
ସୂଚନାଯୋଗ୍ୟ, ଏକ ବିବାହ ଭୋଜିରେ ଯୋଗ ଦେଇ ହସଖୁସିରେ ଫେରିଥିଲେ ପରିବାର ଲୋକେ । ପରିବାରର ସମସ୍ତ କାରରୁ ଓହ୍ଲାଇ ସାରିଥିବା ବେଳେ କାର ପାଖରେ ଦୁଇ ବର୍ଷର କୁନି ଝିଅଟି ଠିଆ ହୋଇଥିଲା । ମାତ୍ର ଝିଅ ଛିଡ଼ା ହୋଇଥିବା କଥା ଜାଣି ନ ପାରି ବ୍ୟକ୍ତି ଜଣକ ଗାଡ଼ି ପାର୍କ କରୁଥିବା ବେଳେ କାରଟି କୁନି ଝିଅ ଉପରକୁ ଚଢ଼ିଯାଇଥିଲା । ଫଳରେ ଘଟଣାସ୍ଥଳରେ ତା’ର ମୃତ୍ୟୁ ହୋଇଛି । ତେବେ ଏହି ଛାତିଥରା ଘଟଣାର ସମ୍ପୂର୍ଣ୍ଣ ଦୃଶ୍ୟ ସିସିଟିଭିରେ କଏଦ ହୋଇଛି । ଏନେଇ ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି ।
