ପରିବାର ସହ ମିଶି ଷଡ଼ଯନ୍ତ୍ର….. ଜୀବନରୁ ମାରିବା ପରେ ଦୁରକୁ ନେଇ କାରରେ ପ୍ରେମିକକୁ ଜାଳିଦେଲା ପ୍ରେମିକା
1 min read
ମଥୁରା ରାସ୍ତାକଡ଼ରୁ ଉଦ୍ଧାର ହୋଇଛି ଜଳନ୍ତା କାର୍ । ପ୍ରେମିକା ସାଜିଲା ଭକ୍ଷକ | ଜିଅନ୍ତା ପୋଡିଦେଲା ପ୍ରେମିକକୁ | ଏପରି ଘଟଣା ସାମ୍ନାକୁ ଆସିଛି | ରାସ୍ତାକଡ଼ରେ ଉଦ୍ଧାର ହୋଇଛି ଜଳନ୍ତା କାର ଭିତରେ ଜୀବନ୍ତ ଦଗ୍ଧ ଯୁବକ | ଏହି ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚା ସୃଷ୍ଟି କରିଥିବା ବେଳେ ପୋଲିସ ଏହି ଘଟଣାର ପର୍ଦ୍ଦାଫାଶ କରିଛି |
ସୂଚନା ମୁତାବକ, ଗତ ସୋମବାର ଦିନ ଉତ୍ତରପ୍ରଦେଶ ମଥୁରା ରାସ୍ତାକଡ଼ରୁ ଜଳନ୍ତା କାର ଉଦ୍ଧାର କରାଯାଇଥିଲା | ଉକ୍ତ କାର୍ରେ ଥିବା ଯୁବକଜଣକ ଜୀବନ୍ତ ଦଗ୍ଧ ହୋଇ ଯାଇଥିଲେ। ଏହି ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚା ସୃଷ୍ଟି କରିଥିବା ବେଳେ ଏହା ଉପରୁ ପରଦା ହଟାଇ ପୋଲିସ କରିଛି ପର୍ଦ୍ଦାଫାଶ | ମୃତକ ଯୁବକ ହେଲେ ପୁଷ୍ପେନ୍ଦ୍ର ଯାଦବ | ସେ ଆଗ୍ରାରେ ଟ୍ରାନ୍ସପୋର୍ଟ ବେପାର କରୁଥିଲେ। ପ୍ରେମିକକୁ ରାସ୍ତାରୁ ହଟେଇବା ପାଇଁ ପ୍ରେମିକା ସହ ବାପା ମା କରିଥିଲେ ଷଡଯନ୍ତ୍ର | ପର୍ଦ୍ଦାଫାଶ ପରେ ଅଭିଯୁକ୍ତା ପ୍ରେମିକା ସହ ମା କୁ ଗିରଫ କରିଛି ପୋଲିସ | ହେଲେ ବାପା ଅଛି ଫେରାର |
ହତ୍ୟାର ମୁଖ୍ୟ କାରଣ ଥିଲା ପୁଷ୍ପେନ୍ଦ୍ର ଓ ଡଲିଙ୍କ ସମ୍ପର୍କକୁ ନେଇ ଅବଧେଶ ଯାଦବଙ୍କ ପରିବାର ଖୁସି ନ ଥିଲେ। ସେମାନେ ପୁଷ୍ପେନ୍ଦ୍ରଙ୍କୁ ରାସ୍ତାରୁ ହଟାଇବାକୁ ଯୋଜନା କରିଥିଲେ | ଏହାପରେ ସେମାନେ ଡଲି ଜରିଆରେ ପୁଷ୍ପେନ୍ଦ୍ରଙ୍କୁ ଘରକୁ ଡାକିଲେ ଓ ତାଙ୍କୁ ଅତି ନିର୍ମମ ଭାବେ ହତ୍ୟା କରିଥିଲେ । ଏହାପରେ ଏହାକୁ ଦୁର୍ଘଟଣାର ରୂପ ଦେବା ପାଇଁ କାର୍ରେ ମୃତଦେହକୁ ରଖି ତାହାକୁ ଦୂରକୁ ନେଇ ଜାଳିଦେଇଥିଲେ ।
ପୋଲିସ କହିବାନୁଯାୟୀ, ଡଲିଙ୍କ ପିତା ଅବଧେଶ ମଥୁରାସ୍ଥିତ ଏକ କୁଖ୍ୟାତ ଗ୍ୟାଙ୍ଗର ସଦସ୍ୟ। ସେ ଅପହରଣ, ବଟି ଅସୁଲି, ହତ୍ୟା ପରି ବହୁ ଜଘନ୍ୟ ହତ୍ୟାକାଣ୍ଡ ଘଟାଇଛନ୍ତି। ଅବଧେଶ, ତାଙ୍କ ବଡ଼ ଭାଇ ତଥା ଅନ୍ୟ କିଛି ସମ୍ପର୍କୀୟ ବି ଏହି ହତ୍ୟା ମାମଲାରେ ସାମିଲ ଥିବା ପୁଲିସ୍ ତଦନ୍ତରୁ ଜଣାପଡ଼ିଛି। ସମସ୍ତଙ୍କ ନାଁରେ ମାମଲା ରୁଜୁ କରାଯାଇ ପୁଲିସ୍ ଯାଞ୍ଚ ଆରମ୍ଭ କରିଛି ।
