ସହିପାରିଲାନି ସୁନ୍ଦରତା…ଭବିଷ୍ୟତ କରିଦେଲା ଅନ୍ଧକାର
1 min read
ଅପରାଧ ଥମିବାର ନାଁ ନେଉନି |ଦେଶରେ ବଡିବାରେ ଲାଗିଛି ଅପରାଧ | ଏହି ଅଗ୍ରଗତି ଦେଶରେ ଝିଅଙ୍କ ସହ କମୁନି ଅପରାଧ | ଏବେ ମଧ୍ୟ ଘରୁ ବାହାରିବାକୁ ଡରୁଛନ୍ତି ଝିଅ |କେବଳ ରାତି ଅସୁରକ୍ଷିତ ନୁହେଁ….ଦିନରେ ମଧ୍ୟ ଝିଅଙ୍କୁ ଚାଲିବା ହୋଇଗଲାଣି କଷ୍ଟ | ସ୍କୁଲ ଛାତ୍ରୀଙ୍କୁ ଠାରୁ ନେଇ ବୁଢ଼ୀ ଲୋକଙ୍କ ପାଇଁ ଦେଶ ସାଜିଛି ଅସୁରକ୍ଷିତ | କିଛି ଏପରି ଅଭାବନୀୟ ଘଟଣା ଘଟିଛି କର୍ଣ୍ଣାଟକର ମାଙ୍ଗାଲୁରୁରେ |
ସୂଚନା ମୁତାବକ, ସ୍କୁଲର ପରୀକ୍ଷା ଦେବା ପାଇଁ ୩ ଛାତ୍ରୀ ଘରୁ ବାହାରିଥିଲେ | ସେମାନଙ୍କର ଦ୍ୱିତୀୟ PUC (ପ୍ରି-ୟୁନିଭର୍ସିଟି ଶିକ୍ଷା) ପରୀକ୍ଷାରେ ଯୋଗଦେବା ପାଇଁ ସ୍କୁଲ ହଲରେ ପ୍ରବେଶ କରୁଥିଲେ | ଠିକ ଏହି ସମୟରେ ଘଟିଥିଲା ଅଘଟଣ | ପରୀକ୍ଷା କେନ୍ଦ୍ରରେ ଏଣ୍ଟ୍ରି କରିବା ସମୟରେ ଜାଣେ ମାସ୍କ ଓ ଟୋପି ପିନ୍ଧିଥିବା ବ୍ୟକ୍ତି ଆସି ଛାତ୍ରୀ ଉପରେ ପକାଇଥିଲା ଏସିଡ | ପ୍ରାରମ୍ଭିକ ଭାବରେ ସେହି ଅଭିଯୁକ୍ତ ଜଣକ ଆଗରୁ ସେ ସ୍କୁଲ ବାହାରେ ଅପେକ୍ଷା କରିଥିଲା | ୩ ଛାତ୍ରୀ ଆସିବା ପରେ ପରୀକ୍ଷା କେନ୍ଦ୍ର ବାହାରେ ଏସିଡ ଫିଙ୍ଗିଥିଲା | ଏସିଡ ମାଡ଼ ହେବା ଯୋଗୁଁ ୩ ଛାତ୍ରୀ ଗୁରୁତର ହୋଇଥିଲେ | ସେମାନଙ୍କୁ ହସ୍ପିଟାଲରେ ଗୁରୁତର ଅବସ୍ଥାରେ ଭର୍ତ୍ତି କରାଯାଇଛି | ସେମାନଙ୍କ ମୁହଁରେ ଗଭୀର ଆଘାତ ଲାଗିଥିବା ଜଣାପଡିଛି |
ଏହି ଘଟଣା ପରେ ପୋଲିସ ଅଭିଯୁକ୍ତକୁ ଗିରଫ କରିଥିଲା | ଅଭିଯୁକ୍ତ ଜଣକ ହେଲେ କେରଳର ୨୩ ବର୍ଷୀୟ ଏମ୍ବିଏ ଛାତ୍ର ଅବିନ୍ ବୋଲି ଜଣାପଡିଛି। ଅଭିଯୁକ୍ତ ଜଣକ ଛାତ୍ରୀଙ୍କୁ ଜାଣିଥିଲେ | ତେବେ କ’ଣ ପାଇଁ ଏପରି କାଣ୍ଡ ଭିଆଇଛନ୍ତି ତାହା ଜଣାପଡ଼ିନାହିଁ | ପୋଲିସ ଏନେଇ ତଦନ୍ତ ଜାରି ରଖିଛି |
