ମନୋରମା ବସ୍ ଦୁର୍ଘଟଣା , ମିଳିଲା ୩ ମୃତକଙ୍କ ପରିଚୟ …
1 min read
କେନ୍ଦ୍ରାପଡା ; କଟକ ଜିଲ୍ଲା ନିଶ୍ଚିନ୍ତକୋଇଲି କଟରପଡ଼ା ଛକରେ ମନୋରମା ବସ ଓ ଟ୍ରକ ମୁହାଁମୁହିଁ ଧକ୍କା ହେବା ଫଳରେ ୪୦ ଜଣ ଗୁରୁତର ଥିବା ସୂଚନା ମିଳିଥିଲା । ତେବେ ସେମାନଙ୍କୁ ଉଦ୍ଧାର ସମୟରେ ୨୦ ଜଣ ଗୁରୁତର ମଧ୍ୟ ଥିଲେ । ଦୁର୍ଘଟଣାଟି ଏତେ ଭୟଙ୍କର ହୋଇଥିଲା ଯେ ଟ୍ରକ୍ ଏବଂ ବସ୍ର ସମ୍ମ୍ୁଖ ଭାଗ ସମ୍ପୂର୍ଣ୍ଣ ରୂପେ ଭାଙ୍ଗି ଚୁରମାର ହୋଇ ଯାଇଥିଲା । ଆଉ ଏସବୁ ଭିତରେ ବସର ଆଗ ସିଟ୍ରେ ବସିଥିବା ୩ ଜଣଙ୍କୁ ଉଦ୍ଧାର କରିବା କଷ୍ଟକର ହୋଇପଡିଥିଲା । ଅଗ୍ନିିଶମ ବିଭାଗ ଏବଂ ନିଶ୍ଚିନ୍ତ କୋଇଲି ପୋଲିସ ଘଟଣା ସ୍ଥଳରେ ପହଞ୍ଚି ମେସିନ୍ ସାହାର୍ଯ୍ୟରେ ଗାଡିକୁ କାଟି ସେମାନଙ୍କୁ ଉଦ୍ଧାର କରିଥିଲେ ମଧ୍ୟ ଡାକ୍ତରଖାନରେ ପହଞ୍ଚିବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ତେବେ ସେହି ୩ ଜଣ ମୃତକଙ୍କ ମଧ୍ୟରୁ ଦୁଇ ଜଣ ହେଉଛନ୍ତି କେନ୍ଦ୍ରାପଡା ଜିଲ୍ଲା ଆଳି ଓ ରାଜକନିକା ଅଞ୍ଚଳର । ମୃତକଙ୍କ ମଧ୍ୟରେ ରହିଛନ୍ତି କେନ୍ଦ୍ରାପଡା ଜିଲ୍ଲା ଆଳି ଥାନା ଅନ୍ତର୍ଗତ ବଡଆଙ୍କୁଅ ଗାଁର ଅର୍ଜୁନ ବାରିକଙ୍କ ସାନଝିଅ ଅନୁସୂୟା ବାରିକ(୨୨)।
ଅନୁସୂୟାଙ୍କ ଦେହ ଖରାପ ଥିବାରୁ ସେ ବଡ଼ ଭଉଣୀଙ୍କ ସହ ମନୋରମା ବସରେ ଆଜି ସକାଳୁ କଟକ ବଡ଼ମେଡ଼ିକାଲ ଯାଉଥିଲେ।ସେହିପରି ଅନ୍ୟ ଜଣେ ମୃତକ ହେଉଛନ୍ତି ରାଜକନିକା ଥାନା ଅନ୍ତର୍ଗତ ଉଡ଼ିଗିରିଆ ଗାଁର ଲମ୍ବୋଧର ଗାହାଣଙ୍କ ଏକ ମାତ୍ରପୁଅ ନଳିନୀକାନ୍ତ ଗାହାଣ।
ଦୁଇ ଜଣଙ୍କ ମୃତ୍ୟ ଖବର ଜଣା ପଡିବାପରେ ନିଜ ପରିବାର ଓ ଗାଁରେ କାନ୍ଦବୋବାଳି ଲାଗିରହିଛି।ନୂଆ ବର୍ଷର ଖୁସି ଚିରଦିନର ଦୁଃଖରେ ବଦଳିଯାଇଛି ।
