(Video)ଅନନ୍ତଙ୍କ ଘଣ୍ଟା ଦେଖି କାବା ହୋଇଗଲେ ଜୁକରବର୍ଗ , ମୂଲ୍ୟ ଜାଣିଲେ ଉଡିଯିବ ହୋସ୍..

ଦେଶର ଶ୍ରେଷ୍ଠ ଧନୀ ମୁକେଶ ଅମ୍ବାନୀଙ୍କ ସାନପୁଅ ଅନନ୍ତ ଅମ୍ବାନୀଙ୍କ ଆରମ୍ଭ ପ୍ରି –ୱେଡିଂ କାର୍ଯ୍ୟକ୍ରମ । ଗୁଜୁରାଟର ଜାମନଗରରେ ଅନନ୍ତ ଅମ୍ବାନୀ ଏବଂ ରାଧିକା ମର୍ଚାଣ୍ଟଙ୍କ ପ୍ରି –ୱେଡିଂ ସେଲିବ୍ରେସନ ହୋଇଛି । ବର୍ତ୍ତମାନ ରାଧୀକା ଅନନ୍ତଙ୍କ ପ୍ରି –ୱେଡିଂର ଭିଡିଓ ମଧ୍ୟ ସୋଶିଆଲ ମିଡିଆରେ ଭାଇରଲ ହେବାରେ ଲାଗିଛି । ଏହି ସମୟରେ ଏକ ଭିଡିଓ ଭାଇରାଲ ହେଉଛି ଯେଉଁଥିରେ ମେଟା ସିଇଓ ମାର୍କ ଜୁକରବର୍ଗ ଅନନ୍ତ ଅମ୍ବାନୀଙ୍କ ଘଣ୍ଟାକୁ ଦେଖୁଛନ୍ତି ।

ଭିଡିଓକୁ ଦେଖିଲେ ଲାଗୁଛି ଯେ ଅନନ୍ତଙ୍କ ଘଣ୍ଟା ଦେଖି ସେ ବହୁତ ପ୍ରଭାବିତ ହୋଇଛନ୍ତି । କେବଳ ଜୁକରବର୍ଗ ନୁହଁନ୍ତି, ତାଙ୍କ ପତ୍ନୀ ପ୍ରିସ୍କିଲା ଖାନ୍ ମଧ୍ୟ ଏହି ଘଣ୍ଟାକୁ ବାରମ୍ବାର ଦେଖୁଥିଲେ । ଆପଣଙ୍କୁ କହିରଖୁଛୁ ଯେ ଜାମନଗରରେ ଚାଲିଥିବା ଏହି ତିନି ଦିନିଆ କାର୍ଯ୍ୟକ୍ରମରେ ଦେଶ ତଥା ବିଶ୍ୱର ସମସ୍ତ ବଡ ବଡ ହସ୍ତି ମାନେ ଅଂଶଗ୍ରହଣ କରୁଛନ୍ତି । ଭାଇରାଲ ଭିଡିଓରେ ଦେଖାଯାଉଛି ଯେ ମାର୍କ ଜୁକରବର୍ଗ ଏବଂ ଅନନ୍ତ ଅମ୍ବାନୀ କଥାବାର୍ତ୍ତା କରୁଛନ୍ତି । ମାର୍କ ଜୁକରବର୍ଗଙ୍କ ପତ୍ନୀ ପ୍ରିସ୍କିଲା ଚାନ ଜୁକରବର୍ଗ ଏବଂ ଅନ୍ୟ ଅନେକ ଲୋକ ସେଠାରେ ଠିଆ ହୋଇଛନ୍ତି । ତା’ପରେ ଜୁକରବର୍ଗଙ୍କ ଆଖି ଅନନ୍ତଙ୍କ ହାତରେ ବନ୍ଧା ହୋଇଥିବା ଘଣ୍ଟାକୁ ଯାଏ । ତା’ପରେ ସମସ୍ତେ କେବଳ ସେହି ମୁହୂର୍ତ୍ତ ବିଷୟରେ ଆଲୋଚନା କରିବା ଆରମ୍ଭ କରନ୍ତି । କୁହାଯାଉଛି ଯେ ଅନନ୍ତ ଅମ୍ବାନୀ ପିନ୍ଧିଥିବା ଘଣ୍ଟା ରିଚାର୍ଡ ମିଲରର, ଯାହାର ମୂଲ୍ୟ ୧୪ କୋଟିରୁ ଅଧିକ । ଏଥିରେ ହୀରା ଏବଂ ବିଭିନ୍ନ ପ୍ରକାର ଦାମୀ ରତ୍ନ ଖଞ୍ଜାଯାଇଛି ।