ଛତିଶଗଡ଼ରେ ବଡ ଧରଣର ଲ୍ୟାଣ୍ଡ ମାଇନ୍ ବିସ୍ଫୋରଣ; ୨ ଯବାନ ସହିଦ, ୪ ଗୁରୁତର
1 min read
ଛତିଶଗଡ଼ରେ ନକ୍ସଲଙ୍କ ଲ୍ୟାଣ୍ଡ ମାଇନ୍ ବିସ୍ଫୋରଣ। ଏଥିରେ ୨ ଯବାନ ସହିଦ ହୋଇଥିବା ବେଳେ ୪ ଯବାନ ଗୁରୁତର ଆହତ ହୋଇଥିବା ସୂଚନା ମିଳିଛି। ଏହି ବିସ୍ଫୋରଣ ଛତିଶଗଡ଼ ବିଜାପୁରରେ ହୋଇଛି।
ଛତିଶଗଡ କାଙ୍କେର ଜିଲ୍ଲାର ପାଖାଁଞ୍ଜୁର ଥାନା ଚିନ୍ଦବେଟି ଅଞ୍ଚଳରେ ଯବାନ ମାନେ ନକ୍ସଲ ଦମନ ଅପରେସନ ସମୟରେ ମାଓବାଦୀଙ୍କ ସହ ଗୁଳି ବିନିମୟ ହୋଇଥିଲା । ଏଥିରେ ୬ଜଣ ଜବାନ ଗୁରୁତର ଭାବେ ଆହତ ହୋଇଥିବା ବେଳେ ଯବାନଙ୍କ ଗୁଳିରେ ଦୁଇ ଜଣ ମାଓବାଦୀ ପ୍ରାଣ ହରାଇଥିବା ଜଣାପଡିଛି ।
କିଛି ଦିନ ହେବ ପୁଲିସ୍ ର ଘନ ଘନ ଅପରେସନ୍ ମାଓବାଦୀଙ୍କୁ ଏକ ଶକ୍ତ ଝଟକା ଦେଇଛି। ତେଣୁ ମାଓବାଦୀମାନେ ପୁଲିସ୍ କୁ ଟାର୍ଗେଟ୍ କରିବା ପାଇଁ ଏଭଳି ରଣନୀତି କରିଥିବା ଜଣାପଡିଛି। ସିଆରପିଏଫ୍ ଓ ଡିଆରଜି ଯବାନଙ୍କ କମ୍ବିଂ ବେଳେ ବିସ୍ଫୋରଣ ହୋଇଛି।
ଆହତ ଯବାନଙ୍କୁ ତୁରନ୍ତ ହେଲିକପ୍ଟର ଯୋଗେ ମହାରାଷ୍ଟ୍ରର ଗଡଚିରୋଲି ମେଡିକାଲକୁ ସ୍ଥାନାନ୍ତର କରାଯାଇଥିଲା । ପାଖାଁଞ୍ଜୁର ଚିନ୍ଦବେଟି ଜଙ୍ଗଲରେ ମାଓ ଗତିବିଧି ବଢିବା କାରଣରୁ ମହାରାଷ୍ଟ୍ର ଓ ଛତିଶଗଡ଼ ରାଜ୍ୟର ଯବାନ ମାନେ ମିଳିତ ଭାବେ କୁସିଂ ଅପରେସନ ଜାରି ରଖୁଥିଲେ ଯାହାର ଖବର ମାଓବାଦୀଙ୍କ ପାଖରେ ପହଞ୍ଚିବାରୁ ମାଓବାଦୀ ମାନେ ଘଞ୍ଚ ଜଙ୍ଗଲରେ ଲୁଚିଛପି ଯବାନଙ୍କ ଉପରେ ପ୍ରଥମେ ଆକ୍ରମଣ କରିଥିଲେ ।
ତେବେ ଯବାନ ମାନେ ମଧ୍ଯ ଏହାର ପାଲଟା ଜବାବ ଦେବା ସମୟରେ ମହାରାଷ୍ଟ୍ର ପୋଲିସର ସି-୬୦ ବାଟାଲିୟନର ଦୁଇ ଜଣ ଯବାନ ଓ ଛତିଶଗଡ ପୋଲିସର ଚାରି ଜଣ ଡିଆରଜି ଯବାନ ଆହତ ହୋଇଥିଲେ । ବର୍ତ୍ତମାନ ସମ୍ପୃକ୍ତ ଅଞ୍ଚଳରେ ସର୍ଚ୍ଚ ଅପରେସନ ଜାରି ରହିଛି | ବିସ୍ଫୋରଣରେ ୪ ଜଣ ଯବାନ ଗୁରୁତର ହୋଇଛନ୍ତି । ସେମାନଙ୍କୁ ରାୟପୁର ସ୍ଥାନାନ୍ତର କରାଯାଇଛି।
