ମାନସିକ ଭିନ୍ନକ୍ଷମ ନାବାଳିକାଙ୍କୁ ଦୁଷ୍କର୍ମ , ପରେ ଏଭଳି ଅମାନୁଷିକ କାମ …
1 min read
ନବରଙ୍ଗପୁର : ରାକ୍ଷସ ପାଲଟିଗଲାଣି ମଣିଷ । ହରାଉଛି ନିଜ ହିତାହତ ଜ୍ଞାନ । ନିଜର କାମନା ବାସନାରେ ଘଟାଇ ବସୁଛି ଏଭଳି ଜଘନ୍ୟ କାଣ୍ଡ । ଜଣେ ମାନସିକ ଭିନ୍ନକ୍ଷମ ନାବାଳିକାଙ୍କୁ ଦୁଷ୍କର୍ମ ପରେ ମାର୍ ପିଟ୍ କରି ଅଭିଯୁକ୍ତ ଫେରାର୍ ମାରିଥିବା ନେଇ ଥାନରେ ଅଭିଯୋଗ ହୋଇଛି । ସେପଟେ ଲିଖିତ ଅଭିଯୋଗ ପାଇବା ପରେ ଘଟଣାକୁ ଗୁରୁତ୍ବ ଦେଇ ଅଭିଯୁକ୍ତକୁ ଧରିବାକୁ ପୋଲିସ ତଲାସି ଜାରି ରଖିଛି । ଏଭଳି ଏକ ଅମାନୁଷିକ ଘଟଣା ଘଟିଛି ନବରଙ୍ଗପୁର ଜିଲ୍ଲା ରାଇଘର ଅଂଚଳରେ ।
ପ୍ରାପ୍ତ ସୂଚନା ମୁତାବକ୍ ଗତକାଲି ପିଡ଼ିତାଙ୍କ ବାପା ଓ ମାଁ ଦୁହେଁ ମାମୁଁ ଘରକୁ ବୁଲିବାକୁ ଯାଇଥିବା ବେଳେ ନିଜ ସାନ ଭଉଣୀ ସହ ୧୪ ବର୍ଷର ମାନସିକ ଭିନ୍ନକ୍ଷମ ନାବାଳିକା ଘରେ ରହିଥିଲେ ।
ଦିନ ପ୍ରାୟ ୨ ଟା ସମୟରେ ଘରେ କେହି ନଥିବା ସହ ଜଣେ ମାନସିକ ଭିନ୍ନକ୍ଷମର ସୁଯୋଗ ନେଇ ଦାସପୁର ଟୋଲା ଗ୍ରାମର ସଚିନ ହାଲଦାର ଘରେ ପଶି ନାବାଳିକାଙ୍କୁ ଦୁଷ୍କର୍ମ କରିବା ସହ ସାନ ଭଉଣୀକୁ ମାରପିଟ କରି କାହାରିକୁ ଜଣାଇଲେ ଜୀବନରେ ମାରିଦେବା ଧମକ ଦେଇ ସେଠାରୁ ଚମ୍ପଟ ମାରିଥିଲା । ସେହି ସମୟରେ ପିଡ଼ିତାର ସାନ ଭଉଣୀ ଗ୍ରାମବାସୀଙ୍କୁ ପାଟି କରି ଡାକିବା ପରେ କିଛି ଲୋକ ସଚିନ ହାଲଦାରକୁ ଧରିବାକୁ ପିଛା କରିଥିଲେ କିନ୍ତୁ ଧରି ପାରି ନଥିଲେ । ପରେ ଗ୍ରାମବାସୀଙ୍କ ଫୋନ୍ ପାଇ ବାପା ଓ ମାଁ ଘରକୁ ଆସି ସମସ୍ତ ଘଟଣା ଜ।ଣିବାକୁ ପାଇଥିଲେ ।
ଏନେଇ ପିଡ଼ିତାଙ୍କ ପରିବାର ଲୋକେ ରାଇଘର ଥାନାରେ ଲିଖିତ ଅଭିଯୋଗ କରିଛନ୍ତି । ରାଇଘର ଥାନାରେ ଏକ ମାମଲା ରୁଜ୍ଜୁ କରିବା ସହ ପିଡିତାଙ୍କୁ ଡାକ୍ତର ଖାନାରେ ଭର୍ତ୍ତି କରିଥିବାବେଳେ ଅଭିଯୁକ୍ତ ସଚିନ ହାଲଦାରକୁ ମଧ୍ୟରାତ୍ର ରେ ପୋଲୁସ ଗିରଫ୍ କରିଥିବା ଥାନା ଅଧିକାରୀ ସୂଚନା ଦେଇଛନ୍ତି ।
