ନବୀନଙ୍କୁ ଭେଟିଲେ ବିଲ ଗେଟସ….. ଉନ୍ନତମାନର ପ୍ରକଳ୍ପ ପଦ୍ଧତିକୁ ନେଇ କଲେ ଆଲୋଚନା
1 min read
ଭୁବନେଶ୍ୱର ପହଞ୍ଚି ସାରିଛନ୍ତି ବିଲ ଗେଟସ | ମାଇକ୍ରୋସଫ୍ଟର ସହ-ପ୍ରତିଷ୍ଠାତା ବିଲ୍ ଗେଟସ ମଙ୍ଗଳବାର ରାତିରେ ଓଡିଶା ରାଜଧାନୀରେ ପହଞ୍ଚିଥିଲେ ଏବଂ ଆଜି କୃଷକମାନଙ୍କ କାର୍ଯ୍ୟକ୍ରମରେ ସାମିଲ ହେବା ସହ ଅନ୍ୟ କାର୍ଯ୍ୟକ୍ରମରେ ଯୋଗଦେଇଛନ୍ତି ବିଲ ଗେଟସ |
ସୂଚନା ଅନୁସାରେ, ଏବେ ନବୀନ ନିବାସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିଛନ୍ତି ମାଇକ୍ରୋସଫ୍ଟର ସହ-ପ୍ରତିଷ୍ଠାତା ବିଲ୍ ଗେଟସ | ନବୀନ ପଟ୍ଟନାୟକଙ୍କ ସହ କଥା ହେବ ସହ ତା ପୂର୍ବରୁ କୃଷି ଭବନରେ କୃଷି ସମୀକ୍ଷା କେନ୍ଦ୍ର ପରିଦର୍ଶନ କରିବା ସହ କୃଷି କ୍ଷେତ୍ରର ଉନ୍ନତି ପାଇଁ ରିମୋଟ ସେନ୍ସିଂ ଓ ସ୍ପେସେ ଆପ୍ଲିକେସନ ବ୍ୟବହାର କରିବାକୁ କହିଛନ୍ତି |
ସୂଚନା ମୁତାବକ, ବିଲ ଗେଟସଙ୍କ ଫାଉଣ୍ଡେସନ ସହାୟତାରେ ରାଜ୍ୟର କୃଷି କାର୍ଯ୍ୟ କରୁଛି କୃଷି ସମୀକ୍ଷା କେନ୍ଦ୍ର | ଚାଷ ପାଇଁ ଉନ୍ନତମାନର ଜ୍ଞାନ କୌଶଳ ବାବଦରେ ସୂଚନା ଦେଉଛି ଏହି କେନ୍ଦ୍ର | ୨0୧୭ ମସିହାରୁ, ଓଡ଼ିଶା ସରକାରଙ୍କ କୃଷି ଏବଂ କୃଷକ ସଶକ୍ତିକରଣ ବିଭାଗ ଏବଂ ମତ୍ସ୍ୟ ଓ ପଶୁ ସମ୍ପଦ ବିଭାଗ ତଥ୍ୟ ଏବଂ ଚାଲାଣ ନିଷ୍ପତ୍ତିରେ ନବୀକରଣ ପାଇଁ ବିଲ୍ ଆଣ୍ଡ ମେଲିଣ୍ଡା ଗେଟସ ଫାଉଣ୍ଡେସନ୍ ସହିତ ସହଯୋଗ କରିଛନ୍ତି ବୋଲି ସେମାନେ କହିଛନ୍ତି |
