ମିହିରଙ୍କ ପରେ ଆଖି ବୁଜିଲେ ସାନ ପୁଅ ଅକ୍ଲାନ୍ତ , ଅମ୍ଳାନଙ୍କୁ ଏକା କରି ଚାଲିଗଲେ ବାପ-ପୁଅ
1 min read
ଭୁବନେଶ୍ୱର : ବାପା ମୃତ୍ୟୁକୁ ବର୍ଷେ ପୁରୁଣୁ ଚାଲିଗଲେ ସାନପୁଅ । ଅମ୍ଳାନକୁ ଏକୁଟିଆ କରି ଆଗ ପଛ ହୋଇ ଚାଲିଗଲେ ବାପା ମିହିର ଦାସ ଓ ସାନ ଭାଇ ଅକ୍ଲାନ୍ତ । ପରଲୋକରେ ଓଡ଼ିଆ ସିନେ ଜଗତର ଲୋକପ୍ରିୟ ଅଭିନେତା ସ୍ୱର୍ଗତଃ ମିହିର ଦାସଙ୍କ ସାନ ପୁଅ ଅକ୍ଲାନ୍ତ ଦାସ।
୨୦୨୨ ମସିହା ଜାନୁଆରୀ ମାସ ୧୧ ତାରିଖରେ ମିହିର ଦାଶଙ୍କ ପରଲୋକ ହୋଇଥିଲା ଚିକିତ୍ସାଧୀନ ଅବସ୍ଥାରେ କଟକର ଏକ ଘରୋଇ ହସ୍ପିଟାଲରେ ତାଙ୍କର ଦେହାନ୍ତ ହୋଇଥିଲା। ତେବେ ଗତକାଲି ରାତିରେ ଚିକିତ୍ସାଧୀନ ଅବସ୍ଥାରେ ସାନ ପୁଅ ଅକ୍ଳାନ୍ତଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଅକ୍ଲାନ୍ତଙ୍କ ମୃତ୍ୟୁ ପରେ ତାଙ୍କ ପରିବାରରେ ଶୋକର ଛାୟା ଖେଳିଯାଇଛି। ଲିଭର ଜନିତ ସମସ୍ୟା ଯୋଗୁ ମାସେ ହେଲା ଅକ୍ଲାନ୍ତ ଭୁବନେଶ୍ୱର ଏମ୍ସରେ ଚିକିତ୍ସାଧୀନ ଥିଲେ। ତାଙ୍କ ସ୍ୱାସ୍ଥ୍ୟବସ୍ଥାରେ ଧୀରେ ଧୀରେ ସୁଧାର ଆସୁଥିଲା। ହଠାତ୍ ଗତକାଲି ରାତିରେ ତାଙ୍କ ସ୍ୱାସ୍ଥ୍ୟାବସ୍ଥା ଅଧିକ ସଂକଟାପନ୍ନ ହେବାରେ ଲାଗିଥିଲା। ଡାକ୍ତର ତାଙ୍କୁ ବଞ୍ଚାଇବାକୁ ପୂରା ପ୍ରୟାସ କରିଥିଲେ। କିନ୍ତୁ ଡାକ୍ତରଙ୍କ ସବୁ ଚେଷ୍ଟା ବିଫଳ ହୋଇଥିଲା।
ମୃତ୍ୟୁ ବେଳକୁ ତାଙ୍କୁ ମାତ୍ର ୨୬ବର୍ଷ ହୋଇଥିଲା। ଆଜି କଟକ ସତୀଚଉରାରେ ଅକ୍ଲାନ୍ତଙ୍କ ଅନ୍ତିମ ସଂସ୍କାର ସମ୍ପନ୍ନ ହୋଇଛି। ତେବେ ବର୍ଷକ ମଧ୍ୟରେ ବାପା-ପୁଅ , ଅମ୍ଳାନଙ୍କୁ ଏକୁଟିଆ କରି ଛାଡି ଚାଲିଯାଇଛନ୍ତି । ଯାହା ବଡ ପୁଅ ଅମ୍ଳାନଙ୍କୁ ଶକ୍ତ ଆଘାତ୍ ଦେଇଛି ।
