ସେନା ଯବାନଙ୍କୁ ଥାନାରେ ମାଡ, ଏସିପିଙ୍କ ଉପରେ ବର୍ଷିଲେ ମନ୍ତ୍ରୀ ରାଜ୍ୟବର୍ଦ୍ଧନ ସିଂ ରାଠୋର
1 min read
ଥାନାରେ ସେନା ଯବାନଙ୍କୁ ମାଡ଼ | ଏସପିଙ୍କ ଉପରେ ବର୍ଷିଗଲେ ମନ୍ତ୍ରୀ | ରାଜସ୍ଥାନର ଶିପ୍ରାପଥ ଥାନା ଭିତରେ ତାତିଲେ ସୈନିକ କଲ୍ୟାଣ ମନ୍ତ୍ରୀ ରାଜ୍ୟବର୍ଦ୍ଧନ ସିଂ ରାଠୋର । ଏସିପିଙ୍କୁ ପରାମର୍ଶ ଦେଉଥିବା ଚିତ୍ର ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଚିତ୍ରରେ ମନ୍ତ୍ରୀ ରାଗରେ ନିଆଁ ହୋଇଯାଉଥିବା ଦେଖିବାକୁ ମିଳିଛି । ଏସିପିଙ୍କ ସହ ମନ୍ତ୍ରୀଙ୍କ ଯୁକ୍ତିତର୍କ ସୋସିଆଲ ମିଡିଆରେ ଭାଇରାଲ ହେଉଛି । ପାରା କମାଣ୍ଡୋ ଅରବିନ୍ଦ ସିଂ ରାଜପୁତଙ୍କୁ ପୋଲିସ ମାଡ ମାରିବା ଘଟଣାକୁ ନେଇ ବର୍ଷିଥିଲେ ମନ୍ତ୍ରୀ ।
ଏହି ଘଟଣାକୁ ନେଇ ଜବାବ ମାଗିବାକୁ ଶିପ୍ରାପଥ ଥାନାରେ ପହଞ୍ଚିଥିଲେ ସୈନିକ କଲ୍ୟାଣ ମନ୍ତ୍ରୀ । ଏହାପରେ ସେ ଥାନାରେ ପହଞ୍ଚି ଏସିପି ସଞ୍ଜୟ ଶର୍ମାଙ୍କ ଉପରେ ଜୋରଦାର ବର୍ଷିଥିଲେ । ମନ୍ତ୍ରୀ ପଚାରିଥିଲେ ଯେ ‘‘ଆପଣ ସେନା ଯବାନଙ୍କୁ କାହିଁକି ଉଲ୍ଲଗ୍ନ କରି ମାଡ ମାରିଲେ ? ଯଦି ଯବାନଙ୍କ ସହ ଏଭଳି ବ୍ୟବହାର କରୁଛନ୍ତି ତେବେ ସାଧାରଣ ଜନତାଙ୍କ ସହ କିଭଳି ବ୍ୟବହାର କରୁଥିବେ? ମୁଁ ଆପଣଙ୍କ ସହ କଥା ହେଉଛି ହେଲେ ଆପଣ ସେଠାରେ କାହା ସହ କଥା ହେଉଛନ୍ତି ? ମୁଁ ଏଠାରେ ଧୈର୍ଯ୍ୟ ଧରି ବସିଛି । ଯେତେବେଳେ ଆପଣଙ୍କ ସହ କଥା ହେଉଛି ଉତ୍ତର ଦିଅନ୍ତୁ ନଚେତ ସାବଧାନ ରୁହନ୍ତୁ । ସାଧାରଣ ଭଦ୍ରାମି ଆପଣ ଶିଖି ନାହାନ୍ତି ନା ବର୍ଦ୍ଦିର ଅହଙ୍କାର ଦେଖାଉଛନ୍ତି । ଏଠାରେ କୌଣସି ପ୍ରକାର ଦାଦାଗିରି ଚାଲିବ ନାହିଁ |’’
କିଛି ଦିନ ପୂର୍ବରୁ ଶିପ୍ରାପଥ ପୋଲିସ ଏକ ହୁକ୍କା ବାର୍ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା । ଏହି ସମୟରେ ଜଣେ ଯବାନଙ୍କୁ ପୋଲିସ ଅଟକ ରଖିଥିଲା । ଯବାନଙ୍କ ଜାମିନ ପାଇଁ ସେଠାରେ ପହଞ୍ଚିଥିବା କାଶ୍ମୀରର ଯବାନ ଅରବିନ୍ଦ ସିଂଙ୍କୁ ଉଲଗ୍ନ କରି ମାଡ ମରାଯାଇଥିଲା । ତେବେ ଏହି ଘଟଣାରେ ଏସପିଙ୍କ ଉପରେ ବର୍ଷିଛନ୍ତି ସୈନିକ ମନ୍ତ୍ରୀ |
