ଗଣଦୁଷ୍କର୍ମର ଶିକାର ହୋଇ ବିଷ ପିଇଲେ ନାବାଳିକା,ସେପଟେ ୪ଜଣଙ୍କୁ ଗିରଫ କଲା ପୋଲିସ
1 min read
ବାଲେଶ୍ୱର : ଧୋକା ଦେଲା ପ୍ରେମିକ । ପ୍ରଥମେ ବନ୍ଧୁତା ସ୍ଥାପନ କଲେ ପରେ ପ୍ରେମ ଜାଲରେ ଫସାଇଥିଲେ । ଆଉ ଶେଷରେ ବୁଲିବାକୁ ଡାକି ନେଇ ଘଟାଇଲେ ଜଘନ୍ୟକାଣ୍ଡ । ନାବାଳିକା ପ୍ରେମିକାକୁ ବୁଲାଇ ନେବାକୁ ଡାକି ନେଇ ହୋଟେଲରେ ପ୍ରେମିକ କଲା ଦୁଷ୍କର୍ମ । କେବଳ ପ୍ରେମିକକୁ ନୁହେଁ ତାଙ୍କ ୨ବନ୍ଧୁ ମଧ୍ୟ ଏହି ଘଟଣାରେ ସାମିଲ ହୋଇଥିଲେ ।ଏହି ଘଟଣା ବାଲେଶ୍ୱରେ ଚାଞ୍ଚଲ୍ୟ କେଳାଇ ଦେଇଛି । ବାଲେଶ୍ୱର ଚାନ୍ଦିପୁରର ଏକ ହୋଟେଲରେ ନାବାଳିକାଙ୍କୁ ଗଣ ଦୁଷ୍କର୍ମ ମାମଲାରେ ୪ ଅଭିଯୁକ୍ତଙ୍କୁ ଗିରଫ କଲା ସଦର ଥାନା ପୋଲିସ । ଗିରଫ ଅଭିଯୁକ୍ତ ହେଲେ ନାବାଳିକାଙ୍କ ପ୍ରେମିକ,ଦୁଇ ସାଙ୍ଗ ଓ ହୋଟେଲ ମ୍ୟାନେଜର । ସମସ୍ତ ଅଭିଯୁକ୍ତ ବାଲେଶ୍ୱର ଅଞ୍ଚଳର ଅଟନ୍ତି । ତେବେ ଗିରଫ ଅଭିଯୁକ୍ତଙ୍କଠାରୁ ୨ଟି ମୋଟର ସାଇକେଲ ଓ ୩ଟି ମୋବାଇଲ ଫୋନ ଜବତ କରିଛି ପୋଲିସ । ଏନେଇ ସଦର ଥାନାରେ ସାମ୍ବାଦିକ ସମ୍ମିଳନୀରେ ପୋଲିସ ପକ୍ଷରୁ ସୂଚନା ଦିଆଯାଇଛି । ଶୁକ୍ରବାର ନାବାଳିକା ନିଜ ପ୍ରେମିକ ସହ ଚାନ୍ଦିପୁର ବୁଲିବା ପାଇଁ ଆସିଥିଲେ ।
ବେଳାଭୂମିରେ ଥିବା ହୋଟେଲ ଗୋଲ୍ଡେନରେ ରହିଥିଲେ । ପ୍ରେମିକ ନାବାଳିକାଙ୍କୁ ଦୁଷ୍କର୍ମ କରିବା ସହ ସାଙ୍ଗରେ ଆସିଥିବା ପ୍ରେମିକର ଦୁଇ ବନ୍ଧୁ ମଧ୍ୟ ଦୁଷ୍କର୍ମ କରିଥିଲେ । ଏଥିକିରେ ମନ ଭରି ନଥିବା ବେଳେ ଅଶ୍ଳୀଲ ଭିଡିଓ କୁ ନିଜ ମୋବାଇଲେ ଭିଡିଓ ରେକର୍ଡ କରିଥିଲେ । କାହା ଆଗରେ ମୁହଁ ଖୋଲିଲେ ଭାଇରାଲ କରିଦେବା ନେଇ ଦେଇଥିଲେ ନାବାଳିକାଙ୍କୁ ଦେଇଥିଲେ ଧମକ । ଏହାପରେ ମାନସିକ ଚାପରେ ଆସି ନାବାଳିକା ବିଷ ପିଇ ଗୁରୁତର ହୋଇଥିଲେ । ଏନେଇ ଜଣା ପଡିବା ପରେ ଗୁରୁତର ଅବସ୍ଥାରେ ପୀଡିତାଙ୍କୁ ଉଦ୍ଧାର କରାଯାଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି ।
