ପେଟ୍ରୋଲ ପକାଇ ଜାଳିଦେଲେ ତହସିଲଦାରଙ୍କ ଗାଡି
1 min read
କଟକ : ରାଜ୍ୟରେ ବଢିବାର ଲାଗିଛି ଅପରାଧ । ଏହା ସହ ବଢିଚାଲିଛି ଦୁବୁର୍ତ୍ତ ମାନଙ୍କର ସାହସ । ନିକଟରେ ଏକ ଏଭଳି ଘଟଣା ଘଟିଛି । ଯାହା ଦୁର୍ବୁତ୍ତ ମାନଙ୍କର ବଢୁଥିବା ସାହସକୁ ଦର୍ଶାଉଛି । ସୂଚନା ଅନୁଯାୟୀ ଶନିବାର ଅର୍ଥାତ୍ ଗତକାଲି କଟକ ଜିଲ୍ଲା ବଡ଼ମ୍ବା ତହସିଲଦାରଙ୍କ ଗାଡ଼ିକୁ ବିଳମ୍ବିତ ରାତ୍ରିରେ କେହି ଦୁର୍ବୃତ୍ତ ପେଟ୍ରୋଲ ପକାଇ ଜାଳି ଦେଇଛନ୍ତି। ବଡମ୍ବା ଥାନାରେ ହୋଇଥିବା ଅଭିଯୋଗ ଅନୁଯାୟୀ ,ବଡ଼ମ୍ବା ତହସିଲଦାରଙ୍କ ଡ୍ରାଇଭର ବିରଞ୍ଚି ନାରାୟଣ ପାଟ୍ଟଯୋଶୀ ନିଜ ପଥୁରିଆ ସାହି ସ୍ଥିତ ଘରେ ଗାଡ଼ିଟିକୁ ରଖିଥିଲେ। ବିଳମ୍ବିତ ରାତିରେ ପ୍ରାୟ ୩ ଜଣ ଦୁର୍ବୃତ୍ତ ଆସି ଗାଡ଼ିର କାଚ ଭାଙ୍ଗି ଦେବା ସହ ସିଟ୍ରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ।
ତେବେ ନିକଟରେ ତହସିଲଦାର ବାଲି ଓ ପଥର ମାଫିଆଙ୍କ ପର୍ଦାଫାଶ କରିଥିବାରୁ ସୋମନଙ୍କ ଦଳର ହିଂ କେହି ଏପରି ଘଟାଇଥିବ ବୋଲି ସନ୍ଦେହ କରୁଛନ୍ତି ତହସିଲଦାରଙ୍କ ଡ୍ରାଇଭର ବିରଞ୍ଚି ନାରାୟଣ ପାଟ୍ଟଶାଣୀ। ଏହି ଘଟଣା ନେଇ ବଡ଼ମ୍ବା ଥାନାରେ ଲିଖିତ ଅଭିଯୋଗ କରିଛନ୍ତି ତହସିଲଦାର ନୀଳକଣ୍ଡ ବେହେରା। ଏନେଇ ବଡ଼ମ୍ବା ଥାନା ପୋଲିସ୍ ଘଟଣାର ତଦନ୍ତ କରୁଛି।
