ପଥରରେ ମୁହଁକୁ ଛେଚି ବିଲରେ ଫିଙ୍ଗିଦେଲେ ସମ୍ଭୁନାଥଙ୍କୁ…..
1 min read
ବାଲେଶ୍ଵର ; ବିଲ ଭିତରେ ଯୁବକଙ୍କୁ ନିର୍ମମ ହତ୍ୟା । ପଥରରେ ମୁହଁ ଛେଚି ଫିଙ୍ଗିଦେଲେ ବିଲରେ । ଏଭଳି ଏକ ଭୟଙ୍କର ଅମାନବିକ ନୃଶଂସ କାମ ଘଟଣା ବାଲେଶ୍ୱର ଜିଲ୍ଲାରୁ ସାମ୍ନାକୁ ଆସିଛି । ସୂଚନା ଅନୁଯାୟୀ ବାଲେଶ୍ଵର ଜିଲ୍ଲା କମର୍ଦ୍ଦା ଥାନା ଅଧିନସ୍ଥ ନହରା ପଞ୍ଚାୟତର କଣ୍ଠାଳିଆ ଗ୍ରାମର ସମ୍ବୁନାଥ ପଢିଆରୀ (୪୦) ଙ୍କୁ କିଏ ନିର୍ମମ ଭାବେ ହତ୍ୟା କରି ବିଲରେ ମୃତଦେହ ଫିଙ୍ଗିଦେଇ ଚାଲିଯାଇଛି ।
ଗତକାଲି ରାତି ୭ ଟା ସମୟରେ ସମ୍ବୁନାଥ ଛକରୁ ଚା ପିଇବାକୁ ଯାଉଛି ବୋଲି କହି ଘରୁ ବାହାରି ଯାଇଥିଲେ। ତାପରେ ସେ ଘରକୁ ଫେରିନଥିଲେ। ପରିବାର ଲୋକେ ତାଙ୍କୁ ବହୁତ ଖୋଜାଖୋଜି କରିଥିଲେ, ହେଲେ ପାଇ ନଥିଲେ। ଆଜି ପରିବାର ଲୋକେ ବିଲକୁ ଆସିଥିବା ବେଳେ ସମ୍ଭୁଙ୍କ କ୍ଷତ ବିକ୍ଷତ ଶବ ବିଲରେ ପଡ଼ିଥିବା ଦେଖିବାକୁ ପାଇଥିଲେ। ମୁହଁ କୁ ଛେଚି ଦିଆଯାଇ ଥିବା କୁହାଯାଇଛି। ଏନେଇ ପରିବାର ଲୋକ ଓ ପୁଲିସକୁ ଖବର ଦେଇଥିଲେ। ପୁଲିସ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଠାଇଛି।
Advertisement
