ମୁଣ୍ଡରେ ପଗଡ଼ି ଭିଡି ନିଜ ହାତରେ ରୋଷେଇ କରି ଖାଦ୍ୟ ପରଷିଲେ ମୋଦୀ ..

ଲୋକସଭା ନିର୍ବାଚନ ପ୍ରଚାର ଭିତରେ ରୋଷେଇ କରିଲେ ମୋଦି ।  ମୁଣ୍ଡରେ ପଗଡ଼ି ଭିଡି ନିଜେ ରାନ୍ଧି ଖାଦ୍ୟ ପରଷିଲେ  ମୋଦି । ନିଜହାତରେ ରୁଟି ବେଲି ଲୋକଙ୍କୁ ଖାଇବାକୁ ଦେଇଥିଲେ  । ସୂଚନାନୁଯାୟୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ବିହାର ଗସ୍ତରେ  ଦ୍ୱିତୀୟ ଦିନରେ ପାଟନା ସହରର ତାଖ ଶ୍ରୀ ହରମାନନ୍ଦ ସାହି ଗୁରୁଦ୍ୱାରରେ ପହଞ୍ଚିଛନ୍ତି। ସେଠାରେ ପହଁଚି ମୋଦି ମଥା ଟେକିଥିଲେ। ସେଠାରେ   ଲଙ୍ଗର ମଧ୍ୟ ଖାଇଲେ। କେବଳ ଏତିକି ନୁହେଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ସେଠାରେ ଲଙ୍ଗର ସେବା ମଧ୍ୟ କରିଥିଲେ। ସେଠାକୁ ଆସିଥିବା ଲୋକଙ୍କୁ ଖାଦ୍ୟ ପରଷି ଥିଲେ। ପ୍ରଧାନମନ୍ତ୍ରୀ ଏଠାରେ ପ୍ରାୟ ୨୦ ମିନିଟ ରହିଥିଲେ। ତାଙ୍କ ସହ ରବି ଶଙ୍କର ପ୍ରସାଦ ଏବଂ ଅଶ୍ୱିନୀ ଚୌବେ ମଧ୍ୟ ଉପସ୍ଥିତ ଥିଲେ।

ଏହା ପ୍ରଥମ ଥର ପାଇଁ ଜଣେ ପ୍ରଧାନମନ୍ତ୍ରୀ ପାଟନା ସାହିବ ଗୁରୁଦ୍ୱାରରେ ପହଞ୍ଚିଛନ୍ତି। ପ୍ରଧାନମନ୍ତ୍ରୀଙ୍କୁ ଦେଖିବା ପାଇଁ ସାଧାରଣ ଲୋକଙ୍କ ମଧ୍ୟରେ ବହୁତ ଉତ୍ସାହ ଦେଖିବାକୁମିଳିଥିଲା । ଗୁରୁଦ୍ୱାରରେ ପହଂଚିବା ପରେ   ମୋଦୀଙ୍କୁ ପାରମ୍ପାରିକ ଶିଖ୍ ପୋଷାକରେ ଦେଖିବାକୁ ମିଳିଥିଲା ​​। ଯେଉଁଥିରେ ମୋଦିଙ୍କ ମୁଣ୍ଡରେ ପଗଡ଼ି  ବନ୍ଧା ହୋଇଥିବା ଦେଖିବାକୁ ମିଳିଥିଲା ।ଗୁରୁଦ୍ୱାରରେ  ପ୍ରଧାନମନ୍ତ୍ରୀ ଦେଶରେ  ଶାନ୍ତି ପାଇଁ ପ୍ରାର୍ଥନା କରିଥିଲେ ​​।  ଏହା ପରେ ପ୍ରଧାନମନ୍ତ୍ରୀ ଗୁରୁଦ୍ୱାରଙ୍କ ରୋଷେଇ ଘରେ ପହଞ୍ଚି ସେଠାରେ ରୋଟି ତିଆରି କରିଥିଲେ। ସେଠାକୁ ଆସୁଥିବା ଭକ୍ତମାନଙ୍କୁ ଖାଦ୍ୟ ପରଷିଥିଲେ ।

ଏହି ସମୟରେ, ଲଙ୍ଗରକୁ ଆସୁଥିବା  ଲୋକମାନେ ବେଶ ଉତ୍ସାହିତ ଦେଖାଯାଉଥିଲେ ଏବଂ ସେମାନେ ପ୍ରଧାନମନ୍ତ୍ରୀଙ୍କ ସହ ଫଟୋ ଉଠାଇଥିଲେ | ପରେ ପିଏମ ମୋଦୀ ନିଜେ ମଧ୍ୟ ଲଙ୍ଗରର  ସ୍ୱାଦ ଚାଖିଥିଲେ।  ପ୍ରଧାନମନ୍ତ୍ରୀଙ୍କ ଗସ୍ତ ପାଇଁ ପରିଚାଳନା କମିଟି ଦ୍ୱାରା ସ୍ବତନ୍ତ୍ର ପ୍ରସ୍ତୁତି ହୋଇଥିଲା । ଗୁରୁଦ୍ୱାରର ମର୍ଯ୍ୟାଦା ଅନୁଯାୟୀ ଏଠାରେ ପ୍ରଧାନମନ୍ତ୍ରୀଙ୍କୁ ସ୍ବାଗତ କରାଯାଇଥିଲା। ଏଥି ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଗୁରୁଦ୍ୱାରରେ ପହଞ୍ଚିବା ସମ୍ପର୍କରେ ସୂଚନା ପାଇବା ମାତ୍ରେ ସେଠାରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଥିଲା। ସ୍ଥାନୀୟ ପୋଲିସ ଏବଂ ପ୍ରଶାସନ ଦଳ ହାଇ ଆଲର୍ଟ ମୋଡରେ ନଜର ଆସିଥିଲେ।