ବ୍ରାଜିଲରେ ମେଲୋନୀଙ୍କୁ ଉପହାର ଦେଲେ ମୋଦି
1 min read
ବ୍ରାଜିଲ ଗସ୍ତରେ ଯାଇଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଇଟାଲୀର ପ୍ରଧାନମନ୍ତ୍ରୀ ଜରଜିଆ ମେଲୋନୀଙ୍କୁ ଦେଇଛନ୍ତି ଦାମୀ ଉପହାର | ଯାହାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି |
ତେବେ ଇଟାଲୀର ପ୍ରଧାନମନ୍ତ୍ରୀ ମେଲୋନୀଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମହାରାଷ୍ଟ୍ରରୁ ନିର୍ମିତ ରୁପାର ଏକ ମହମବତୀ ଷ୍ଟାଣ୍ଡ ଦେଇଛନ୍ତି | ଯାହାକୁ ଦେଖି ମେଲୋନୀ ଖୁସି ହୋଇଯାଇଥିଲେ | କହିବାକୁ ଗଲେ ୫ ଦିନିଆ ବିଦେଶ ଗସ୍ତ କରିଛନ୍ତି | ଯେଉଁଥିରେ ୩ଟି ଦେଶକୁ ସେ ଗସ୍ତ କରିଥିଲେ | ତେବେ ଏହି ଗସ୍ତ ଉଭୟ ଐତିହାସିକ ଏବଂ ବିଶେଷ ଅଟେ | ୧୬ରୁ ୨୧ ନଭେମ୍ଭର ପର୍ଯ୍ୟନ୍ତ ନାଇଜେରିଆ, ଗାୟନା, ଏବଂ ବ୍ରାଜିଲ ଗସ୍ତ ସମୟରେ ପ୍ରଧାନମନ୍ତ୍ରୀ ମୋଦି ୩୧ ଜଣିଆ ବିଶ୍ୱସ୍ତରୀୟ ନେତା ତଥା ଅନ୍ତର୍ଜାତୀୟ ସଂଗଠନର ମୁଖ୍ୟଙ୍କୁ ଭେଟିଥିଲେ |
ପ୍ରଧାନମନ୍ତ୍ରୀ ମୋଦି ନାଇଜେରିଆରେ ଏକ ଦ୍ୱିପାକ୍ଷିକ ବୈଠକରେ ସାମିଲ ହୋଇଥିବା ବେଳେ ବ୍ରାଜିଲର ଜି -20 ଶିଖର ସମ୍ମିଳନୀରେ ୧୦ ଦ୍ବିପାକ୍ଷିକ ଆଲୋଚନାରେ ଅଂଶଗ୍ରହଣ କରିଥିଲେ । ଏହା ପରେ ଗୁଏନା ଗସ୍ତ ସମୟରେ ସେ ୯ ଟି ଦ୍ୱିପାକ୍ଷିକ ବୈଠକ କରିଥିଲେ।
ନାଇଜେରିଆରେ ପ୍ରଧାନମନ୍ତ୍ରୀ ମୋଦି ନାଇଜେରିଆର ରାଷ୍ଟ୍ରପତିଙ୍କ ସହ ଦ୍ୱିପାକ୍ଷିକ ବୈଠକ କରିଥିଲେ । ସେହିଭଳି ବ୍ରାଜିଲରେ ପିଏମ ମୋଦି ବ୍ରାଜିଲ, ଇଣ୍ଡୋନେସିଆ, ପର୍ତ୍ତୁଗାଲ, ଇଟାଲୀ, ନରୱେ, ଫ୍ରାନ୍ସ, ବ୍ରିଟେନ, ଚିଲି, ଆର୍ଜେଣ୍ଟିନା ଏବଂ ଅଷ୍ଟ୍ରେଲିଆର ନେତାଙ୍କ ସହ ଦ୍ୱିପାକ୍ଷିକ ବୈଠକ କରିଥିଲେ।
ବିଜ୍ଞାପନ
ବ୍ରାଜିଲରେ ଅନୁଷ୍ଠିତ ୧୦ଟି ଦ୍ୱିପାକ୍ଷିକ ବୈଠକ ମଧ୍ୟରେ, ୫ ନେତାଙ୍କ ସହ ପ୍ରଧାନମନ୍ତ୍ରୀ ମୋଦିଙ୍କର ଏହା ପ୍ରଥମ ବୈଠକ ଥିଲା । ଇଣ୍ଡୋନେସିଆର ରାଷ୍ଟ୍ରପତି ପ୍ରଭୋ ସବିଆଣ୍ଟୋ; ଲୁଇସ୍ ମୋଣ୍ଟେନେଗ୍ରୋ, ପର୍ତ୍ତୁଗାଲର ପ୍ରଧାନମନ୍ତ୍ରୀ; କେ.କେ ଷ୍ଟାରମର୍, ୟୁ.କେ. | ଗୁଏନାରେ ପିଏମ ମୋଦି ଗୁଏନା, ଡୋମିନିକା, ବାହାମା, ତ୍ରିନିଦାଦ ଏବଂ ଟୋବାଗୋ, ସୁରିନାମ, ବାରବାଡୋସ, ଆଣ୍ଟିଗୁଆ ଏବଂ ବାରବୁଡା, ଗ୍ରେନାଡା ଏବଂ ସେଣ୍ଟ ଲୁସିଆର ନେତାଙ୍କ ସହ ଦ୍ୱିପାକ୍ଷିକ ବୈଠକ କରିଥିଲେ।
ତେବେ ଏହି ସମୟରେ ଇଟାଲୀର ପ୍ରଧାନମନ୍ତ୍ରୀ ଜରଜିଆ ମେଲୋନୀଙ୍କୁ ଭେଟିଥିଲେ | ପରେ ତାଙ୍କୁ ହାତ ମିଳାଇ ବଡ ଉପହାର ଦେଇଥିଲେ | ଯାହାକୁ ନେଇ ଖୁବ ଚର୍ଚ୍ଚା ଚାଲିଛି | କେବଳ ମେଲୋନୀ ନୁହନ୍ତି ବିଶ୍ୱର କୋଣ-ଅନୁକୋଣରୁ ଆସିଥିବା ଅନ୍ତର୍ଜାତୀୟ ମୁଖ୍ୟଙ୍କୁ ଭେଟିଥିଲେ |
