ଶପଥ ପରେ ରାଜଧାନୀ ଭୁବନେଶ୍ୱରରେ ମୋଦିଙ୍କ ପ୍ରଥମ ରୋଡ଼ ଶୋ
1 min read
ଶପଥ ପରେ ମୋଦି ରାଜଧାନୀ ଭୁବନେଶ୍ୱରରେ ପ୍ରଥମ ଥର ପାଇଁ କରିବେ ରୋଡ଼ ଶୋ | ମୋଦିଙ୍କ ତୃତୀୟ ସରକାର ଗଠନର ଏହା ରହିବ ପ୍ରଥମ ରୋଡ଼ ଶୋ | ରୋଡ଼ ଶୋ କରିବା ସହ କରିବେ ପ୍ରେସମିଟ | ଓଡ଼ିଶାରେ ନୂଆ ମୁଖ୍ୟମନ୍ତ୍ରୀ ଶପଥ ଗ୍ରହଣ କରିବା ନେଇ ବିଜେପିର ତମାମ ନେତୃବୃନ୍ଦ ଓଡିଶା ଆସିବେ ବୋଲି ସୂଚନା ମିଳିଛି |
ସୂଚନା ଅନୁଯାୟୀ, ଆସନ୍ତା ୧୨ ତାରିଖ ଦିନ ଅପରାହ୍ନରେ ମୋଦି ଭୁବନେଶ୍ୱରର ଜୟଦେବ ବିହାର ଛକରୁ ଜନତା ମଇଦାନ ପର୍ଯ୍ୟନ୍ତ ରୋଡ଼ ଶୋ କରିବେ ବୋଲି ସୂଚନା ମିଳିଛି | କେବଳ ସେତିକି ନୁହେଁ, ରୋଡ଼ ଶୋ କରିବା ପରେ ଜନତା ମଇଦାନରେ ନରେନ୍ଦ୍ର ମୋଦି ପ୍ରେସମିଟ ମଧ୍ୟ କରିବେ ବୋଲି ସୂଚନା ମିଳିଛି |
ତେବେ ଆସନ୍ତା ୧୨ ତାରିଖ ଦିନ ଓଡ଼ିଶାର ପ୍ରଥମ ବିଜେପି ମୁଖ୍ୟମନ୍ତ୍ରୀ ଶପଥ ଗ୍ରହଣ କରିବାକୁ ଯାଉଛନ୍ତି | ତେଣୁ ବିଜେପିର ତମାମ ନେତୃବୃନ୍ଦ ଓଡିଶା ଆସିବେ | ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ଅମିତ ଶାହା, ଜେପି ନଡ୍ଡା, ଯୋଗୀ ଆଦିତ୍ୟନାଥ, ହିମନ୍ତ ବିଶ୍ୱଶର୍ମାଙ୍କ ଭଳି ନେତା ଓଡିଶା ଆସିବେ ବୋଲି ଜଣାପଡିଛି | ତେବେ ଶପଥ ଗ୍ରହଣ କାର୍ଯ୍ୟ ପୂର୍ବରୁ ଭୁବନେଶ୍ୱରରେ ରୋଡ଼ ଶୋ କରିବେ |
