ଆଇପିଏଲ ଖେଳିବେନି ଶାମି , ହେଲେ କୋଟି କୋଟି ଟଙ୍କା ରୋଜଗାର କରିବେ ଶାମିଙ୍କ ସ୍ତ୍ରୀ ..
1 min read
ଆଉ ମାତ୍ର କିଛି ଦିନର ଅପେକ୍ଷା , ଏହାପରେ ଆରମ୍ଭ ହେବ ଭାରତୀୟ ଲୋକପ୍ରିୟ ଟୁର୍ଣ୍ଣାମେଣ୍ଟ ଆଇପିଏଲ ୨୦୨୪ । ହେଲେ ଚଳିତ ବର୍ଷ ଆଇପିଏଲ ଖେଳିବେନି ମହମ୍ମଦ ଶାମି । ତାଙ୍କ ଆଣ୍ଠୁରେ ଅପରେସନ ପାଇଁ ସେ ଚଳିତ ବର୍ଷ ଆଇପିଏଲରୁ ବାଦ ପଡିଛନ୍ତି । ହେଲେ ତାଙ୍କୁ ଏହି ଲିଗ୍ ର ସମ୍ପୂର୍ଣ୍ଣ ଦରମା ଦିଆଯିବ । ଏପଟେ ଶାମିଙ୍କ ସ୍ତ୍ରୀ ମଧ୍ୟ କରିବେ ହଜାର ହଜାର ଟଙ୍କା ରୋଜଗାର । ଶାମିଙ୍କ ଆଇପିଏଲ ସିଜିନ୍ ରେ ଦରମା ହେଉଛି ୬.୨୫କୋଟି ଟଙ୍କା । ଏଥର ସିଜିନ୍ ନଖେଳିବି ତାଙ୍କୁ ପୁରା ଟଙ୍କା ଦିଆଯିବ । ତେବେ କେବଳ ଶାମି ନୁହନ୍ତି ଶାମିଙ୍କ ସ୍ତ୍ରୀ ମଧ୍ୟ ଭଲ ରୋଜଗାର କରିବେ ।
କାରଣ ଶାମିଙ୍କୁ ବିବାହ କରିବା ପୂର୍ବରୁ ହସିନ ଜାହାନ ଚିଅର ଲିଡର ଭାବେ କାମ କରୁଥିଲେ । ଯଦି ଏଥର ବି ସେ ଚିଅର ଲିଡର ଭାବେ କାମ କରନ୍ତି ତେବେ ସେ ମୋଟା ଅଙ୍କର ଟଙ୍କା ରୋଜଗାର କରିବେ । ଆଇପିଏଲରେ ଚିଅର ଲିଡର ବ୍ୟତୀତ ହସିନ ମଡେଲିଂ କାମ ମଧ୍ୟ କରନ୍ତି । ରିପୋର୍ଟ ମୁତାବକ ପ୍ରତି ମ୍ୟାଚରେ ଚିୟର ଲିଡରଙ୍କୁ ଟଙ୍କା ମିଳିଥାଏ । ମ୍ୟାଚ ପିଛା ୧୪ ରୁ ୧୭ ହଜାର ଟଙ୍କା ମିଳିବ । ତା ସହ ହସିନ ଇନଷ୍ଟାଗ୍ରାମରେ ମଧ୍ୟ ବେଶ୍ ଭଲ ରୋଜଗାର କରୁଛନ୍ତି । ବର୍ତ୍ତମାନ ହସିନଙ୍କ ସମ୍ପୂର୍ଣ୍ଣ ସମ୍ପତ୍ତି ୨ରୁ ୩ କୋଟି ଟଙ୍କା ହେବ । ତେବେ ଆଇପିଏଲ ରେ ଚିଅର ଲିଡରଙ୍କୁ ଚେନ୍ନାଇ ସୁପରକିଙ୍ଗସ, ପଞ୍ଜାବ କିଙ୍ଗସ୍, ସନରାଇଜର୍ସ ହାଇଦ୍ରାବାଦ, ଦିଲ୍ଲୀ କ୍ୟାପିଟାଲ ଭଳି ଟିମ ପ୍ରତି ମ୍ୟାଚ ପିଛା ୧୨ ହଜାର ଟଙ୍କାରୁ ଅଧିକ ଦେଇଥାଏ । ସେହିପରି ମୁମ୍ବାଇ ଇଣ୍ଡିଆନ୍ସ ଓ ଆରସିବି ଭଳି ଟିମ ଚିଅର ଲିଡରଙ୍କୁ ୨୦ ହଜାର ଟଙ୍କା ଦେଇଥାଏ । ସବୁଠୁ ଅଧିକ ଟଙ୍କା କୋଲକତା ନାଇଟ ରାଇର୍ଡସ ଦେଇଥାଏ । ପ୍ରତି ମ୍ୟାଚ ପିଛା ୨୪,୦୦୦ଟଙ୍କା ମିଳିଥାଏ ।
