ମୋହନ ସରକାରଙ୍କ ବଡ ଘୋଷଣା , ଖୁବଶୀଘ୍ର କଟକ ବନିବ ସ୍ମାର୍ଟସିଟି …
1 min readମୁଖ୍ୟମନ୍ତ୍ରୀ ମୋହନ ମାଝୀ କଲେ ବଡ ଘୋଷଣା । ଭୁବନେଶ୍ୱର ଓ ରାଉରକେଲା ପରି ଖୁବଶୀଘ୍ର କଟକ ହେବ ସ୍ମାର୍ଟ ସିଟି । ଆଜି କଟକ ସହରର ପୂଜା ମଣ୍ଡପ ବୁଲିବା ପରେ ମୁଖ୍ୟମନ୍ତ୍ରୀ ମୋହନ ମାଝୀ ଗଣମାଧ୍ୟମକୁ ଏହି ସୂଚନା ଦେଇଛନ୍ତି ।
ମୁଖ୍ୟମନ୍ତ୍ରୀ କଟକରେ ଆଜି ୩୪ଟି ପୂଜା ମଣ୍ଡପ ବୁଲିଥିଲେ । ମଣ୍ଡପ ଗୁଡିକରେ ସାଜସଜ୍ଜା, ତାରକସି କାମ ଓ ମୃଣ୍ମୟୀ ମୂର୍ତ୍ତି ଦେଖି ଅଭିଭୂତ ହୋଇଯାଇଥିଲେ । କହିଥିଲେ, ଭାଇଚାରାର ସହର କଟକର ହେବ ସର୍ବାଙ୍ଗୀନ ଉନ୍ନତି । ତାସହ ଓଡ଼ିଶାକୁ ସମୃଦ୍ଧ ଓଡ଼ିଶାରେ ପରିଣତ କରାଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।