ଚିନ୍ତାରେ ଭାରତୀୟ ଭୂତତ୍ତ୍ୱ ବିଜ୍ଞାନୀ ; ଆତଙ୍କିତ ଲୋକେ , ମାଟିତଳୁ ଶୁଭୁଛି ରହସ୍ୟମୟ ଶବ୍ଦ ..
1 min read
ମୁମ୍ବାଇ : ମାଟି ତଳୁ ଶୁଭୁଛି ରହସ୍ୟମୟ ଶବ୍ଦ । ଆତଙ୍କିତ ଅବସ୍ଥାରେ ଲୋକେ ,ଭୂମିକମ୍ପ କ୍ରିୟାର ନାହିଁ କିଛି ରିପୋର୍ଟ । ସୂଚନାଯୋଘ୍ୟ ଯେ ମହାରାଷ୍ଟ୍ରର ଲାଟୁର ସହରରେ ଏଭଳି କିଛି ବିସ୍ମକର ଘଟଣା ଶୁଣିବାକୁ ମିଳୁଛି । ଲୋକମାନଙ୍କୁ ମାଟି ତଳୁ କିଛି ରହସ୍ୟମୟ ଶବ୍ଦ ଶୁଣିବାକୁ ମିଳୁଛି । ଯେଉଁଥିପାଇଁ ଲୋକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି । ଲୋକେ ତର୍କୀର ଭୂକମ୍ପ ରୂପର ଅନୁମାନ କରି ଆତଙ୍କିତ ହେବାରେ ଲାଗିଛନ୍ତି । ଯଦିଓ ଅନ୍ୟପଟେ ଅଧିକାରୀମାନେ କହିଛନ୍ତି ଯେ କୌଣସି ଭୂମିକମ୍ପ କ୍ରିୟାର କିଛି ରିପୋର୍ଟ ନାହିଁ ।
ବୁଧବାର ସହରର ବିବେକାନନ୍ଦ ଚକ ଅଂଚଳରେ ପୂର୍ବାହ୍ନ ପ୍ରାୟ ସାଢ଼େ ୧୦ରୁ ୧୧ଟା ୪୫ ମଧ୍ୟରେ ମାଟି ତଳୁ ରହସ୍ୟମୟ ଶବ୍ଦ ଶୁଣା ଯାଇଥିଲା । ଲୋକମାନେ ଅନୁଭବ କରିଥିଲେ ଯେ ଏହା ଭୂମିକମ୍ପ କାର୍ଯ୍ୟକଳାପର ଶବ୍ଦ ହୋଇପାରେ ଏବଂ ଏହା ପରେ ଏକ ଭୂମିକମ୍ପ ହୋଇପାରେ । ଏନେଇ ଜିଲ୍ଲା ପ୍ରଶାସନ ପକ୍ଷରୁ ବିପର୍ଯ୍ୟୟ ପରିଚାଳନା ଦଳକୁ ସତର୍କ କରା ଯାଇଛି । ଜିଲ୍ଲା ପ୍ରଶାସନ ଲାଟୁର ସହର ତଥା ଅରଦ ଶାହାଜାନି ଏବଂ ଆଶିଭ ଜିଲାର ଭୂମିକମ୍ପ ମନିଟରିଂ ସେଂଟରରୁ ସୂଚନା ନେଇଛି, କିନ୍ତୁ ଭୂମିକମ୍ପ ହେବାର ସମ୍ଭାବନା କୌଣସି ସ୍ଥାନରୁ ଜଣାପଡ଼ି ନାହିଁ ।
୧୯୯୩ ମସିହାରେ ଲାଟୁର କିଲାରି ଗ୍ରାମ ଏବଂ ଏହାର ଆଖପାଖ ଅଂଚଳରେ ଏକ ଭୂମିକମ୍ପ ଘଟିଥିଲା ଯେଉଁଥିରେ ପ୍ରାୟ ୧୦ ହଜାର ଲୋକଙ୍କ ମୃତ୍ୟୁ ଘଟିଥିଲା । ଏହାର ତୀବ୍ରତା ୬.୨ ଥିଲା । ଏହି ଅଂଚଳର ଦଶଟି ଗାଁ ଧ୍ୱଂସ ହୋଇଯାଇଥିଲା । ବିପର୍ଯ୍ୟୟ ପରିଚାଳନା ଅଧିକାରୀ ସାକିବ ଉସମାନି କହିଛନ୍ତି ଯେ ମରାଠୱାଡା ଅଂଚଳରେ ସମୟ ସମୟରେ ରହସ୍ୟମୟ ଶବ୍ଦ ମାଟି ତଳୁ ଶୁଣାଯାଇଥାଏ । ସେପ୍ଟେମ୍ବର ୨୦୨୨ ରେ କିଲାରୀ ଏବଂ ହାସୋରୀ ଗ୍ରାମରେ ମଧ୍ୟ ସମାନ ଶବ୍ଦ ଶୁଣାଯାଇଥିଲା । ଏହା ପରେ ଇଣ୍ଡିଆନ ଇନଷ୍ଟିଚ୍ୟୁଟ ଅଫ ଜିଓମ୍ୟାଗ୍ନେଟିଜମର ବିଶେଷଜ୍ଞମାନେ ମଧ୍ୟ ଗାଁ ପରିଦର୍ଶନ କରିଥିଲେ । ଏଭଳି ପରିସ୍ଥିତିରେ ବୈଜ୍ଞାନିକମାନେ ମଧ୍ୟ ଏଠାରେ ମାଟିତଳୁ ଆସୁଥିବା ଶବ୍ଦ ବିଷୟରେ ସ୍ପଷ୍ଟ ଭାବରେ କିଛି କହିବାକୁ ସକ୍ଷମ ହେଉ ନାହାନ୍ତି ।
