ଦୁନିଆର ସବୁଠୁ ହ୍ୟାଣ୍ଡସମ୍ ପୁରୁଷ; ଜାଣନ୍ତୁ ଶାହାରୁଖ ଖାନ ଅଛନ୍ତି କେତେ ନଂରେ..
1 min read
ସୌନ୍ଦର୍ଯ୍ୟର କୌଣସି ପରିଭାଷା ନାହିଁ । ଦର୍ଶକଙ୍କ ଆଖିରେ ଯାହା ସୁନ୍ଦର, ତାହା ତାଙ୍କ ପାଇଁ ସୌନ୍ଦର୍ଯ୍ୟ । କିନ୍ତୁ ବିଶ୍ୱର ଅନେକ ଲୋକଙ୍କ ପସନ୍ଦ ଉପରେ ସର୍ଭେ କରି ଲୋକପ୍ରିୟତା ଆଧାରରେ କିଛି ଜିନିଷ ସ୍ଥିର କରାଯାଏ । ସେହିଭଳି ନିକଟରେ ବିଶ୍ୱର ଶ୍ରେଷ୍ଠ ୧୦ ଜଣ ସୁନ୍ଦର ପୁରୁଷଙ୍କ ତାଲିକା ମଧ୍ୟ ପ୍ରକାଶ ପାଇଛି। ଆପଣଙ୍କର ପ୍ରିୟ ବ୍ୟକ୍ତି ତାଲିକାରେ ଅଛନ୍ତି କି ନାହିଁ ଯାଞ୍ଚ କରନ୍ତୁ । ତେବେ ବଲିଉଡ୍ର ବାଦ୍ଶାହା ଶାହାରୁଖ ଖାନ ହେଉଛନ୍ତି ଭାରତର ସବୁଠାରୁ ବଡ ତାରକା। ସେ ଅନେକ ଫିଲ୍ମରେ କାମ କରିଛନ୍ତି ଏବଂ ପ୍ରତ୍ୟେକ ଥର ସେ ନିଜର ଆଇକନିକ ଚରିତ୍ର ସହିତ ସମସ୍ତଙ୍କୁ ହୃଦୟ ଜିତିଛନ୍ତି। ଏବେ ବି ଲୋକମାନେ ତାଙ୍କ ଝଲକ ପାଇବା ପାଇଁ ପାଗଳ ହୋଇଯାଆନ୍ତି। ଶାହାରୁଖଙ୍କ ବୟସ ବଢୁଛି କିନ୍ତୁ ସେ ଏବେ ବି ହ୍ୟାଣ୍ଡ୍ସମ୍ ଅଛନ୍ତି। ସେ ଦୁନିଆର ସବୁଠୁ ସୁନ୍ଦର ଅଭିନେତା ତାଲିକାରେ ମଧ୍ୟ ସ୍ଥାନ ପାଇଛନ୍ତି।
ପ୍ରସିଦ୍ଧ ସେଲିବ୍ରିଟି ପ୍ଲାଷ୍ଟିକ ସର୍ଜନ ଡା. ଜୁଲିଆନ ଡି’ସିଲଭାଙ୍କ ଦ୍ୱାରା କରାଯାଇଥିବା ବୈଜ୍ଞାନିକ ଅଧ୍ୟୟନ ଉପରେ ଆଧାର କରି ସେ ଶ୍ରେଷ୍ଠ ୧୦ ସବୁଠୁ ସୁନ୍ଦର ଅଭିନେତା ତାଲିକା ଚିହ୍ନଟ କରିଛନ୍ତି।
ସବୁଠାରୁ ଆକର୍ଷଣୀୟ ପୁରୁଷ ତାଲିକାରେ ଟେଲର-ଜନସନ ପ୍ରଥମ ସ୍ଥାନରେ ଅଛନ୍ତି। ଦ୍ୱିତୀୟ ସ୍ଥାନରେ ଲୁସିଏନ ଲାଭିସ୍କାଉଣ୍ଟ ଏବଂ ପଲ ମେସ୍କାଲ ତୃତୀୟ ସ୍ଥାନରେ ଅଛନ୍ତି। ରୋବର୍ଟ ପାଟିନ୍ସନ ଏବଂ ଜ୍ୟାକ ଲୋଏନ ଚତୁର୍ଥ ଏବଂ ପାଞ୍ଚ ନମ୍ବରରେ ଅଛନ୍ତି। ଷଷ୍ଠ ସ୍ଥାନରେ ଜର୍ଜ କ୍ଲୁନି ଏବଂ ପରେ ନିକୋଲାସ ହୋଲ୍ଟ ଚାଲର୍ସ ମେଲଟନ ଅଷ୍ଟମ ସ୍ଥାନରେ ଏବଂ ଇଡ୍ରିସ ଏଲବା ନଅ ନମ୍ବରରେ ଅଛନ୍ତି। ଏହି ତାଲିକାରେ ଶାହାରୁଖ ଖାନ ୧୦ ନମ୍ବରରେ ଅଛନ୍ତି। ଏହି ତାଲିକାରେ ସେ ଏକମାତ୍ର ଭାରତୀୟ ଅଭିନେତା ଏବଂ ତାଙ୍କର ସ୍କୋର ୮୬.୭୬ ପ୍ରତିଶତ ଥିଲା।
