ଅଟୋଗ୍ରାଫ ଦେବା ପାଇଁ ଧୋନୀ ରଖିଲେ ଏଭଳି ସର୍ତ୍ତ , ଶୁଣି ଆଶ୍ଚର୍ଯ୍ୟ ହୋଇଗଲେ ଫ୍ୟାନ..
1 min read
ନୂଆଦିଲ୍ଲୀ: ସାରା ବିଶ୍ୱରେ ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନିଙ୍କ ରହିଛନ୍ତି କୋଟି କୋଟି ପ୍ରଶଂସକ । ତାଙ୍କର ଗୋଟିଏ ଝଲକ ପାଇବାକୁ ପ୍ରଶଂସକ ଚାତକ ପରି ଚାହିଁ ବସିଥାନ୍ତି । ସେ ଏୟାରପୋର୍ଟ ହେଉ କି ମନ୍ଦିର କି ଯେକୌଣସି ସ୍ଥାନରେ ଯଦି ମାହିଙ୍କୁ ଲୋକମାନେ ଦେଖନ୍ତି ସେଠାରେ ଭିଡ ଲାଗି ଯାଇଥାଏ । କେବଳ ଭାରତ ନୁହେଁ ସେ ଯେଉଁଠିକୁ ବି ଯାତ୍ରା କରିଥାନ୍ତି ସେଠାରେ ତାଙ୍କୁ ଦେଖିବାକୁ ପ୍ରଶଂସକଙ୍କ ଭିଡ ଲାଗି ଥାଏ ।
ମାହିଙ୍କର ଏବେ ପୁଣି ଏକ ଭିଡିଓ ଖୁବ ଭାଇରାଲ ହେଉଛି । ସେ ସୋସିଆଲ ମିଡିଆ ଠାରୁ ଅନେକ ଦୂରରେ ରହିଛନ୍ତି କିନ୍ତୁ ପ୍ରଶଂସକ ତାଙ୍କର ଏକ ଛଲକ ପାଇଲେ ଭିଡିଓ କରି ସୋସିଆଲ ମିଡିଆରେ ପୋଷ୍ଟ କରି ଦେଇଥାନ୍ତି । ଧୋନୀଙ୍କ ଫଟୋ ଏବଂ ଭିଡିଓଗୁଡ଼ିକ ପ୍ରାୟତଃ ସୋସିଆଲ ମିଡିଆରେ ଚର୍ଚ୍ଚାରେ ଥାଏ । କିଛିଦିନ ହେବ ଏମଏସ ଧୋନି ଆମେରିକାରେ ତାଙ୍କ ପରିବାର ସହିତ ଛୁଟି କାଟୁଛନ୍ତି । ଯାହାର କିଛି ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି ।
ଏହି ଭାଇରାଲ ଭିଡିଓରେ ଧୋନିଙ୍କୁ ଜଣେ ପ୍ରଶଂସକଙ୍କ ସହ ଛିଡ଼ା ହୋଇଥିବା ଦେଖିବାକୁ ମିଳୁଛି । ଯେଉଁଥିରେ ଜଣେ ପ୍ରଶଂସକଙ୍କୁ ଅଟୋଗ୍ରାଫ୍ ଦେବା ବଦଳରେ ଧୋନି ତାଙ୍କ ବଦଳରେ ଚକଲେଟ ମାଗୁଥିବାର ନଜର ଆସୁଛନ୍ତି । ଧୋନିଙ୍କ ସରଳତାର ଏହି ଭିଡିଓ ଲୋକଙ୍କ ହୃଦୟକୁ ଛୁଇଁଛି । ଲୋକେ ଧୋନିଙ୍କ ଏହି ନମ୍ର ବ୍ୟବହାରକୁ ଭରି ଭରିି ପ୍ରଶଂସା କରିଛନ୍ତି । ସେ ସାରା ବିଶ୍ୱରେ କ୍ୟାପଟେଲ କଲ ଭାବେ ବେଶ ପରିଚିତ । ପରିବାର ସହିତ ସମୟ ବିତାଉଥିଲେ ସୁଦ୍ଧା ଏମଏସ ଧୋନି ଖେଳଠାରୁ ଦୂରେଇ ନାହାଁନ୍ତି କିମ୍ବା ତାଙ୍କ ପ୍ରଶଂସକମାନେ ତାଙ୍କୁ ଛାଡି ନାହାଁନ୍ତି । ଏହି ବିଦେଶ ଯାତ୍ରା ବେଳେ କିଛିଦିନ ପୂର୍ବରୁ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଗଲ୍ଫ ଖେଳୁଥିବା ନଜର ଆସିଥିଲେ ମାହି । ଯାହାର ଫଟୋ ମଧ୍ୟ ଭାଇରାଲ ହୋଇଥିଲା ।
