୬୭ ବର୍ଷରେ ପାଦ ଥାପିଲେ ମୁକେଶ , ହେଲେ ଆଜି ବି ସମସ୍ତଙ୍କ ଆଗେରେ କଥା ହେବାକୁ ଡରନ୍ତି ..
1 min read
ଏସିଆର ଶ୍ରେଷ୍ଠ ଧନୀ ଭାବେ ରିଲାୟନ୍ସ ଇଣ୍ଡଷ୍ଟ୍ରୀର ଅଧ୍ୟକ୍ଷ ମୁକେଶ ଅମ୍ବାନି ଶୁକ୍ରବାର ୬୭ ବର୍ଷ ବୟସରେ ପଦାର୍ପଣ କରିଛନ୍ତି। ଫୋର୍ବସ୍ ରିପୋର୍ଟ ଅନୁଯାୟୀ, ମୁକେଶ ଅମ୍ବାନୀଙ୍କ ମୋଟ ସମ୍ପତ୍ତି ହେଉଛି ୧୧୫.୬ ବିଲିୟନ ଡ଼ଲାର୍। ବିଶ୍ୱର ସବୁଠାରୁ ଧନୀ ବ୍ୟକ୍ତିଙ୍କ ତାଲିକାରେ ମୁକେଶଙ୍କ ନାମ ୧୧ ନମ୍ବରରେ ଅଛି। ସେ ବିଲିୟୋନେୟାର ତାଲିକାରେ ରହିଛନ୍ତି। ମୁକେଶ ୧୯ ଏପ୍ରିଲ ୧୯୫୭ରେ ଜନ୍ମଗ୍ରହଣ କରିଥିଲେ। ତାଙ୍କ ପିତା ଧୀରୁଭାଇ ଅମ୍ବାନୀଙ୍କ ମୃତ୍ୟୁ ପରେ ମୁକେଶ କମ୍ପାନୀର ସମ୍ପୂର୍ଣ୍ଣ ତଦାରଖ ଏବଂ ଦାୟିତ୍ୱ ନେଇଛନ୍ତି। ରିଲାଏନ୍ସର ବ୍ୟବସାୟ ବର୍ତ୍ତମାନ ଅନେକ ସେକ୍ଟରରେ ବ୍ୟାପିଛି। କମ୍ପାନୀର ବ୍ୟବସାୟ ଖୁଚୁରା, ଅର୍ଥ, ଟେଲିକମ୍ ଏବଂ ତୈଳ ସହିତ ଅନେକ କ୍ଷେତ୍ରରେ ବ୍ୟାପିଛି। ଆଜି ରିଲାଏନ୍ସ ମାର୍କେଟ କ୍ୟାପ୍ ହେଉଛି ୧୯.୭୯ ଲକ୍ଷ କୋଟି ଟଙ୍କା।
ନିକଟରେ କମ୍ପାନୀ ୨୦ ଲକ୍ଷ କୋଟି ଟଙ୍କା ଅତିକ୍ରମ କରିଛି।ବାପା ଧୀରୁଭାଇ ଅମ୍ବାନୀଙ୍କ ଅବସର ପରେ ବ୍ୟବସାୟ ଆରମ୍ଭ କରିଥିବା ମୁକେଶ ଅମ୍ବାନି ଦିନକୁ ଦିନ ସଫଳତାର ପାହଚ ଚଢ଼ି ଚାଲିଛନ୍ତି। ତେବେ ଏହି ସଫଳତା ପଛରେ ମୁକେଶଙ୍କ ମୁଖ୍ୟ ଗୁଣ ହିଁ ତାଙ୍କୁ ଆଜି ଶୀର୍ଷ ସ୍ଥାନରେ ପହଞ୍ଚାଇପାରିଛି। ତାଙ୍କର ସବୁଠୁ ଭଲ ଗୁଣହେଲା ସେ ବ୍ୟବସାୟରେ ଗ୍ରାହକ ଙ୍କୁ ବସ୍ ବୋଲି ମାନିଥାନ୍ତି। ବ୍ୟବସାୟରେ ଯେଭଳି ଗ୍ରାହକଙ୍କ କ୍ଷତି ନହୁଏ ସେଥିପାଇଁ ସେ ଅଧିକ ପ୍ରାଥମିକତା ଦିଅନ୍ତି । ସର୍ବଦା ଗ୍ରାହକଙ୍କ ହିତକୁ ଦୃଷ୍ଟିରେ ରଖନ୍ତି । ସେ ସର୍ବଦା ଉତ୍ତମ ସମ୍ପର୍କ ଏବଂ ବିଶ୍ୱାସ ରଖିଥାନ୍ତି । ମୁକେଶ ବହୁତ ଲାଜକୁଳା । କିନ୍ତୁ ସେ ବହୁତ ସରଳ ଏବଂ ସାଧାରଣ ଜୀବନଯାପନ ଅତିବାହିତ କରିଥାନ୍ତି। ଗଣମାଧ୍ୟମକୁ ଦିଆଯାଇଥିବା ଏକ ସାକ୍ଷାତକାରରେ ଅମ୍ବାନୀ ଥରେ କହିଥିଲେ ଯେ ଆଜି ବି ସେ ସର୍ବସାଧାରଣରେ କଥା ହେବାକୁ ଭୟ କରୁଛନ୍ତି। ଏହା ବ୍ୟତୀତ ସେ ଆଜି ପର୍ଯ୍ୟନ୍ତ ମଦ୍ୟପାନ କରି ନାହାଁନ୍ତି। ଗଣମାଧ୍ୟମରେ ମୁକେଶ କ୍ୱଚିତ୍ ଦେଖାଯାଏ। ଏହା ବ୍ୟତୀତ ଗଣମାଧ୍ୟମରେ କୌଣସି ପ୍ରକାରର ସାକ୍ଷାତକାର ଦେବାକୁ ପସନ୍ଦ କରିନଥାନ୍ତି। ଏହା ବ୍ୟତୀତ ସେ ସୋସିଆଲ ମିଡିଆରେ ବିଶେଷ ସକ୍ରିୟ ନୁହଁନ୍ତି।
୧୯୮୧ ମସିହାରେ ମୁକେଶ ଅମ୍ବାନୀ ତାଙ୍କ ପିତାଙ୍କ ସହ ରିଲାଏନ୍ସ ଗ୍ରୁପରେ ପ୍ରବେଶ କରିଥିଲେ। ପରେ ୧୯୮୫ ମସିହାରେ ଏହି କମ୍ପାନୀର ନାମ ରିଲାଏନ୍ସ ଟେକ୍ସଟାଇଲ୍ ଇଣ୍ଡଷ୍ଟ୍ରିଜ୍ ରୁ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡକୁ ପରିବର୍ତ୍ତନ କରାଯାଇଥିଲା। ଏହା ସହିତ ସେ ଟେଲିକମ୍ ସେକ୍ଟରରେ ବଢିଥିଲେ ଏବଂ ରିଲାଏନ୍ସ କମ୍ୟୁନିକେସନ୍ ଲିମିଟେଡ୍ ମଧ୍ୟ ପ୍ରତିଷ୍ଠା କରିଥିଲେ। ଏବେ ମୁକେଶ ଅମ୍ବାନୀ ତାଙ୍କ ବ୍ୟବସାୟକୁ ଏକ ବର୍ଷ ପୂର୍ବରୁ ତାଙ୍କ ପିଲାମାନଙ୍କ ମଧ୍ୟରେ ଭାଗ କରିଥିଲେ। ଏଥିରେ ବଡ ପୁଅ ଆକାଶ ଅମ୍ବାନୀଙ୍କୁ ରିଲାଏନ୍ସ ଜିଓର ଦାୟିତ୍ୱ ଦେଇଥିଲେ। ଇଶା ଅମ୍ବାନୀ ରିଲାଏନ୍ସ ରିଟେଲର ଦାୟିତ୍ୱ ଗ୍ରହଣ କରୁଛନ୍ତି। ଅନନ୍ତ ଅମ୍ବାନୀ ଏନର୍ଜି ବ୍ୟବସାୟ ପରିଚାଳନା କରୁଛନ୍ତି।
