ରହସ୍ୟମୟ ,ମଝି ସମୁଦ୍ର ଭିତରେ ଏହି ମନ୍ଦିର ଜଗୁଛି ବିଷଧର ସର୍ପ …
1 min read
ଧର୍ମ ଆଉ ବିଶ୍ୱାସ। ଏହି ଆଧାରରେ ଆମେ ଭାରତୀୟମାନେ । ଭାରତରେ ଅନେକ ମଠ ମନ୍ଦିର ରହିଛି । ଆଉ ସେହି ମନ୍ଦିର ଭଗବାନଙ୍କ ଉପରେ ରହିଛି ଆମର ଅଗାଢ ବିଶ୍ୱାସ। କେବେଳ ଯେ ଆମ ଦେଶରେ ନୁହେଁ ବିଦେଶରେ ମଧ୍ୟ କିଛି ସ୍ଥାନରେ ଭଗବାନଙ୍କ ମନ୍ଦିର ଅଛି। ତା ପୁଣି ଅକ୍ଷୁର୍ଣ୍ଣ । ଆଉ ସେହି ମନ୍ଦିରରେ ପୂଜାର୍ଚ୍ଚନା ବି କରାଯାଉଛି। ଆଜି ଆମେ ଆପଣଙ୍କୁ ସେମିତି ଏକ ବହୁ ପୁରୁଣା ରହସ୍ୟମୟ ମନ୍ଦିର ବିଷୟରେ କହିବାକୁ ଯାଉଛି। ଯାହା ବିଦେଶରେ ରହିଛି ଆଉ ବର୍ଷ ବର୍ଷ ପୁରୁଣା ମନ୍ଦିର। ତେବେ ସବୁଠୁ ବଡ଼ କଥା ହେଉଛି ଏହି ରହସ୍ୟମୟୀ ମନ୍ଦିରରେ ସୁରକ୍ଷା ଦାୟିତ୍ୱରେ ରହିଛନ୍ତି ବିଷଧର ସାପ । ବାସ୍ତବରେ ଇଣ୍ଡୋନେସିଆରେ ସମୁଦ୍ରମଝିରେ ଏକ ମନ୍ଦିର ନିର୍ମାଣ କରାଯାଇଛି | ତନାହଲୋତ’ ମନ୍ଦିର ଭାବରେ ଜଣାଶୁଣା।ଏହି ମନ୍ଦିର ସମୁଦ୍ରର ଏକ ପଥର ଉପରେ ନିର୍ମିତ ହୋଇଛି।
କୁହାଯାଏ ଯେ ହଜାର ହଜାର ବର୍ଷ ପୂର୍ବେ ସମୁଦ୍ର ଜଳର ଜୁଆର ତରଙ୍ଗ ଦ୍ୱାରା ଏହି ମନ୍ଦିର ଉପରେ ନିର୍ମିତ ପଥରଟି ନଷ୍ଟ ହୋଇଯାଇଛି। ଏହା ସହିତ ଏହି ମନ୍ଦିର ନିର୍ମାଣ ବିଷୟରେ ଅନେକ କାହାଣୀ ମଧ୍ୟ ଶୁଣିବାକୁ ମିଳେ । ଇଣ୍ଡୋନେସିଆର ବାଲି ଦ୍ୱୀପରେ ନିର୍ମିତ ଏହି ମନ୍ଦିର , ଏହାର ସୌନ୍ଦର୍ଯ୍ୟ ଲୋକମାନଙ୍କୁ ନିଜ ଆଡକୁ ଆକର୍ଷିତ କରିଥାଏ । ସ୍ଥାନୀୟ ଭାଷାରେ ‘ତନାହଲୋତ’ ଅର୍ଥ ସମୁଦ୍ର ସ୍ଥଳ ବା ସମୁଦ୍ରରେ ସ୍ଥଳ |ବାଲିର ସମୁଦ୍ର ଉପକୂଳରେ ଥିବା ସାତୋଟି ମନ୍ଦିର ମଧ୍ୟରୁ ଏହା ଅନ୍ୟତମ, ସେଗୁଡିକୁ ଏକ ଶୃଙ୍ଖଳିତ ଆକାରରେ ନିର୍ମାଣ କରାଯାଇଛି।ତନାହ ଲୋତ ମନ୍ଦିର ପଞ୍ଚଦଶ ଶତାବ୍ଦୀରେ ନିରର୍ଥ ନାମକ ଜଣେ ପୁରୋହିତଙ୍କ ଦ୍ୱାରା ନିର୍ମିତ ହୋଇଥିଲା ବୋଲି ବିଶ୍ୱାସ କରାଯାଏ। ସେଠାରେ ସମୁଦ୍ର ଦେବତା ପୂଜା ପାଇବା ସହ ପୁରୋହିତ ନିରର୍ଥଙ୍କୁ ମଧ୍ୟ ମନ୍ଦିରରେ ପୂଜା କରାଯାଏ। କୁହାଯାଏ ଯେ ଏହାର ପଥର ତଳେ ବାସ କରୁଥିବା ବିଷାକ୍ତ ସାପ ଏହି ମନ୍ଦିରକୁ ଖରାପ ଶକ୍ତିଠାରୁ ରକ୍ଷା କରିଥାନ୍ତି।
ତେଣୁ ଏହି ମନ୍ଦିରର କେହି କିଛି କ୍ଷତି କରି ପାରନ୍ତି ନାହିଁ।ପ୍ରାକୃତିକ ସୌନ୍ଦର୍ୟ୍ୟରେ ଭରପୁର ଥିବା ଏହି ସ୍ଥାନ ପ୍ରତି ଲୋକଙ୍କ ମନରେ ଅନେକ ଶ୍ରଦ୍ଧା ଓ ବିଶ୍ୱାସ ରହିଛି। ସୁମଦ୍ରର ଲୁଣିପାଣି ମାଡ ହେଉଥିଲେ ସୁଦ୍ଧା ଏହି ରହସ୍ୟମୟୀ ମନ୍ଦିର ସୁରକ୍ଷିତ ରହିଛି। ବିଶ୍ୱାସ କରାଯାଏ ଯେ ଏହି ମନ୍ଦିରଟି 15 ତମ ଶତାବ୍ଦୀରେ ନିରର୍ଥ ନାମକ ଜଣେ ପୁରୋହିତଙ୍କ ଦ୍ୱାରା ନିର୍ମିତ ହୋଇଥିଲା | ଏହି ପୁରୋହିତ ସମୁଦ୍ର କୂଳରେ ବୁଲି ଏଠାରେ ପହଞ୍ଚିଥିଲେ ଏବଂ ଏହା ପରେ ସେ ସେଠାରେ ଏକ ମନ୍ଦିର ନିର୍ମାଣ କରିଥିଲେ। କାରଣ ପୁରୋହିତ ଏହି ସ୍ଥାନର ସୌନ୍ଦର୍ଯ୍ୟକୁ ବହୁତ ପସନ୍ଦ କରିଥିଲେ | କୁହାଯାଏ ଯେ ପୁରୋହିତ ସେହି ରାତିରେ ସେଠାରେ ରହିଲେ। ସକାଳ ଆସିବା ପରେ ପୁରୋହିତ ନିକଟସ୍ଥ ମତ୍ସ୍ୟଜୀବୀମାନଙ୍କୁ ଏହି ସ୍ଥାନରେ ସମୁଦ୍ର ଦେବତାଙ୍କ ମନ୍ଦିର ନିର୍ମାଣ କରିବାକୁ ଅନୁରୋଧ କରିଥିଲେ। କୁହାଯାଏ ଯେ ପୁରୋହିତ ନିରର୍ଥ ତାଙ୍କ ଶକ୍ତି ସହିତ ଏକ ବିରାଟ ସମୁଦ୍ର ସାପ ସୃଷ୍ଟି କରିଥିଲେ। ଯିଏ ଆଜି ପର୍ଯ୍ୟନ୍ତ ଏହି ମନ୍ଦିରର ସୁରକ୍ଷା କାର୍ଯ୍ୟରେ ନିୟୋଜିତ ଅଛନ୍ତି।
