୫୦ କୋଟିରେ ବିକ୍ରି ହେଲା ନାଗା ଓ ଶୋଭିତାଙ୍କ ୱେଡିଂ ରାଇଟ୍ସ

1 min read

3 hours ago Niyati Das

ଦକ୍ଷିଣ ଅଭିନେତା ନାଗା ଚୈତନ୍ୟ । ଖୁବ୍ ଶୀଘ୍ର ତାଙ୍କ ଲେଡି ଲଭ ଶୋଭିତା ଧୁଲିପାଲାଙ୍କ ସହ ବିବାହ କରିବାକୁ ଯାଉଛନ୍ତି। ଡିସେମ୍ବର ୪ ତାରିଖ ୨୦୨୪ରେ ବିବାହ ବନ୍ଦନରେ ବାନ୍ଧି ହେବେ।

ତେବେ ଏହାରି ମଧ୍ୟରେ ନାଗା ଚୈତନ୍ୟ ଏବଂ ଶୋଭିତାଙ୍କ ବିବାହ ରାଇଟ୍ସ ଓଟିଟି ପ୍ଲାଟଫର୍ମ କିଣିଥିବା ନେଇ ଖବର ଆସୁଛି। ଟ୍ରେଡ୍ ଆନାଲିଷ୍ଟ ମନୋବାଲା ବିଜୟନ ‘ଏକ୍ସ’ରେ ଏନେଇ ପୋଷ୍ଟ କରିଛନ୍ତି। ତାଙ୍କ ପୋଷ୍ଟ ଅନୁଯାୟୀ, ନାଗା ଚୈତନ୍ୟ ଏବଂ ଶୋଭିତାଙ୍କ ବିବାହ ରାଇଟ୍ସ ନେଟଫ୍ଲିକ୍ସ ୫୦ କୋଟି ଟଙ୍କାରେ କିଣିଛି।

ଶୋଭିତା ଏବଂ ନାଗା ଚଳିତ ବର୍ଷ ଅଗଷ୍ଟରେ ନିର୍ବନ୍ଧ କରିଥିଲେ। ରିପୋର୍ଟ ଅନୁଯାୟୀ, ଏହି କପଲ ଡିସେମ୍ବର ୪ ରେ ବିବାହ କରିବାକୁ ଯାଉଛନ୍ତି। ତାଙ୍କ ବିବାହରେ କେବଳ ତାଙ୍କ ପରିବାର ଏବଂ ଘନିଷ୍ଠ ବନ୍ଧୁମାନେ ଯୋଗଦେବେ। କହିବାକୁ ଗଲେ ଯେ ନାଗା ଦ୍ୱିତୀୟ ଥର ବିବାହ କରିବାକୁ ଯାଉଛନ୍ତି। ଏହାପୂର୍ବରୁ ୨୦୧୭ରେ ସେ ସାମନ୍ଥାଙ୍କୁ ବିବାହ କରିଥିଲେ। ୨୦୨୧ ରେ ଦୁହେଁ ଛାଡପତ୍ର ନେଇଥିଲେ।