ଏହି ଦିନ ପଡ଼ିବ ନାଗା ଶୋଭିତାଙ୍କ ହାତଗଣ୍ଠି, ସାମ୍ନାକୁ ଆସିଲା ତାରିଖ..
1 min read
ବଲିଉଡ ଅଭିନେତ୍ରୀ ଶୋଭିତା ଧୁଲିପାଲା। ଖୁବଶୀଘ୍ର ସେ ସାଜିବେ ବଧୂ। ସାଉଥ ସୁପରଷ୍ଟାର୍ ନାଗା ଚୈତନ୍ୟଙ୍କୁ କରିବେ ବିବାହ। ଅଗଷ୍ଟରେ ନିର୍ବନ୍ଧ ସରିଥିଲା। ଏବେ ପଡିବ ହାତଗଣ୍ଠି।ଯାହାକୁ ନେଇ ଏବେ ସବୁଠି ଚର୍ଚ୍ଚା ।ତେବେ ପ୍ରଶଂସକମାନେ ଏହି କପଲଙ୍କ ବିବାହକୁ ଅପେକ୍ଷା କରିଛନ୍ତି। ଏବେ ନାଗା ଏବଂ ଶୋଭିତାଙ୍କ ବିବାହର ତାରିଖ ସାମ୍ନାକୁ ଆସିଛି ।
ରିପୋର୍ଟ ଅନୁସାରେ, ତେବେ ନାଗା ଚୈତନ୍ୟ ଏବଂ ଶୋଭିତା ଧୂଲିପାଲାଙ୍କ ବିବାହ ଚଳିତ ବର୍ଷ ହେବ । ନାଗା ଏବଂ ଶୋଭିତାଙ୍କ ବିବାହ 4 ଡିସେମ୍ବର 2024 ରେ ହେବାକୁ ଯାଉଛି । କୁହାଯାଉଛି ଯେ ନାଗା ଏବଂ ଶୋଭିତାଙ୍କ ବିବାହରେ ପରିବାର, ଘନିଷ୍ଠ ସମ୍ପର୍କୀୟ ଏବଂ ବନ୍ଧୁମାନେ ଯୋଗଦେବେ । କହିରଖୁଛୁ କି, ନିକଟରେ ନାଗାର୍ଜୁନଙ୍କ ବାପା ଅକ୍କିନେନି ନାଗେଶ୍ୱରା ରାଓଙ୍କୁ ସ୍ମରଣ କରାଯାଇଥିଲା ଏବଂ ସାଉଥ ସୁପରଷ୍ଟାର ମଧ୍ୟ ଏକ ମହାନ୍ କାର୍ଯ୍ୟକ୍ରମର ଆୟୋଜନ କରିଥିଲେ । ଏଠାରେ ନାଗାର୍ଜୁନ ତାଙ୍କ ବୋହୂ ଶୋଭିତାଙ୍କୁ ସୁପରଷ୍ଟାର ଚିରଞ୍ଜୀବୀଙ୍କ ସହ ପରିଚିତ କରାଇଥିଲେ । ଯାହାର ଭିଡିଓ ଭାଇରାଲ ହୋଇଥିଲା ।
ତେବେ ନାଗା ଚୈତନ୍ୟଙ୍କ ଏହା ହେଉଛି ଦ୍ୱିତୀୟ ବିବାହ। ଏହାପୂର୍ବରୁ ସେ ଗୋଆରେ ସାଉଥ୍ ସୁପରଷ୍ଟାର ସାମନ୍ଥା ରୁଥ ପ୍ରଭୁଙ୍କୁ ବିବାହ କରିଥିଲେ। ହେଲେ ପରେ ସେମାନେ ପରସ୍ପରକୁ ଛାଡ଼ପତ୍ର ଦେଇ ଅଲଗା ହୋଇଯାଇଥିଲେ। ଛାଡ଼ପତ୍ର ପରେ ଚୈତନ୍ୟ, ଶୋଭିତାଙ୍କ ପ୍ରେମରେ ପଡ଼ିଲେ ନା ସାମନ୍ଥାଙ୍କ ସହ ଥିବା ବେଳେ ତାଙ୍କୁ ଧୋକା ଦେଇ ସେ ଶୋଭିତାଙ୍କୁ ଭଲପାଉଥିଲେ ତାହା ସାମ୍ନାକୁ ଆସିନାହିଁ ।
