ନରେନ୍ଦ୍ର ମୋଦି : କାଉଣ୍ଟ ଡାଉନ୍ ଆରମ୍ଭ ହୋଇସାରିଛି ,ବିଜେଡି ସରକାର ବିଦାୟ ନେବ..
1 min read
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୁଇ ଦିନିଆ ଓଡିଶା ଗସ୍ତ l ଗତ ରାତିରେ ଭୁବନେଶ୍ବର ରେ ବିଶାଳ ରୋଡ ସୋ ପରେ ଆଜି ଫୁଲବାଣୀ , ବଲାଙ୍ଗିର ଓ ବରଗଡ ଠାରେ ବିଜେପି ତରଫରୁ ମୋଦୀ ଙ୍କୁ ଭବ୍ୟ ସ୍ଵାଗତ ଓ ସମ୍ବର୍ଦ୍ଧନା କରାଯାଇଛି l ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବଲାଙ୍ଗିର ଗସ୍ତରେ ଆସି ସ୍ଥାନୀୟ ପଥର ଚେପl ଠାରେ ଅନୁଷ୍ଠିତ ବିଜୟ ସଂକଳ୍ପ ସମାବେଶ କୁ ସମ୍ବୋଧିତ କରିଥିଲେ l ପ୍ରଥମରେ ବାୟୁ ସେନାର ଏକ ସ୍ଵତନ୍ତ୍ର ବିମାନରେ ପ୍ରଧାନମନ୍ତ୍ରୀ ଶ୍ରୀ ମୋଦୀ ସମାବେଶ ସ୍ଥଳରେ ପହଂଚିବା ପରେ ବିଜେପି ର ବିଧାୟକ ଓ ସାଂସଦ ପ୍ରାର୍ଥୀ, କର୍ମକର୍ତ୍ତା ଓ ସମବେତ ଜନତା ତାଙ୍କୁ ସ୍ୱାଗତ କରିଥିଲେ l ମୋଦୀ କହିଥିଲେ ଓଡ଼ିଆ ଅସ୍ମିତା ଏବେ ସଙ୍କଟରେ ।
ଓଡିଶାବାସୀ ଓଡ଼ିଆ ଲୋକଙ୍କ କଥା ବୁଝୁ ନ ଥିବା ଜଣେ ବ୍ୟକ୍ତି ଙ୍କୁ ଭୋଟ ଦେବାକୁ ପ୍ରତ୍ୟାଖ୍ୟାନ କରନ୍ତୁ ବୋଲି କହିଥିଲେ l ମୋଦୀ ନିଜର ଅଭିଭାଷଣ ରେ ସିଧାସଳଖ ନବୀନଙ୍କୁ ଟାର୍ଗେଟ କରିଥିଲେ l ନବୀନ ତାଙ୍କ ନିର୍ବାଚନ ମଣ୍ଡଳୀ ର ୧୦ ଟି ଗାଁ ର ନାଁ କହି ପାରିବେ ନି , ଏପରି ମୁଖ୍ୟମନ୍ତ୍ରୀ ଙ୍କୁ ବାଜା ବଜାଇ ବିଦା କରନ୍ତୁ ବୋଲି କହିଥିଲେ ମୋଦି । ଆହୁରି ମଧ୍ୟ କହିଥିଲେ ଯେ ବିଜେଡ଼ି ର କାଉଣ୍ଟଡାଉନ ଆରମ୍ଭ ହୋଇଯାଇଛି l ଆସନ୍ତା ଜୁନ ୧୦ ରେ ଓଡ଼ିଶାରେ ବିଜେପି ଶପଥ ଗ୍ରହଣ କରିବ ଓ ଜଣେ ଓଡ଼ିଆ ବ୍ଯକ୍ତି ମୁଖ୍ୟମନ୍ତ୍ରୀ ହେବ ବୋଲି ଦୃଢୋକ୍ତି ପ୍ରକାଶ କରିଥିଲେମୋଦୀ lଓଡ଼ିଶାରେ ଡବଲ ଇଞ୍ଜିନ୍ ସରକାର ଆସିଲେ ସମୃଦ୍ଧି ଆସିବ ଓ ଏହା ମୋଦୀ ଙ୍କ ଗେରେଣ୍ଟି ବୋଲି କହିଥିଲେ l ଏହାସହିତ ଅନ୍ୟ ବିଜେପି ନେତା ମାନେ ମଧ୍ୟଉଦବୋଧନ ଦେଇ ୨୪ବର୍ଷ ର ଏହି ବି ଜେ ଡି ସରକାର ବଦଳିବା ଦରକାର ବୋଲି କହିଥିଲେ l
