ଶଙ୍ଖ ଭବନରେ ସରିଲା ବିଜେଡ଼ି ବୈଠକ, ବିରୋଧୀ ଦଳ ନେତା ହେଲେ ନବୀନ ପଟ୍ଟନାୟକ
1 min read
ଭୁବନେଶ୍ୱର ଶଙ୍ଖ ଭବନରେ ଶେଷ ହେଲା ବିଜେଡି ବିଧାୟକ ଦଳ ବୈଠକ | ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେଡି ସଭାପତି ନବୀନ ପଟ୍ଟନାୟକ ହୋଇଛନ୍ତି ବିରୋଧୀ ଦଳ ନେତା ଭାବେ କରାଯାଇଛି ଚୟନ | ବିଜେଡି ଉପସଭାପତି ଦେବୀ ପ୍ରସାଦ ମିଶ୍ର ଏହି ସୂଚନା ଦେଇଛନ୍ତି |
ସୂଚନା ଅନୁଯାୟୀ, ଅପରାହ୍ନରେ ବସିଥିଲା ବିଜେଡି ବିଧାୟଲ ଦଳ ବୈଠକ | ବିରୋଧୀ ଦଳ ନେତା ନେଇ ବସିଥିଲା ବୈଠକ | ଶଙ୍ଖ ଭବନରେ ନବୀନ ପଟ୍ଟନାୟକଙ୍କ ଅଧକ୍ଷାରେ ବସିଥିଲା ବୈଠକ | ବୈଠକରେ ଦେବୀ ପ୍ରସାଦ ମିଶ୍ର, ସୁଲୋଚନା ଦାସ, ଅତନୁ ସବ୍ୟସାଚୀ ନାୟକ, ଦେବୀ ତ୍ରିପାଠୀ, ରାଜେନ୍ଦ୍ର ଢୋଲକିଆ, ଅଶୋକ ପଣ୍ଡା, ସଞ୍ଜୟ ଦାସ ବର୍ମା, ଶଶିଭୂଷଣ ବେହେରା, ପ୍ରସନ୍ନ ଆଚାର୍ଯ୍ୟ, ପ୍ରତାପ ଦେବ, ଓ ପ୍ରମିଳା ମଲ୍ଲିକଙ୍କ ଭଳି ବରିଷ୍ଠ ନେତା ସାମିଲ ହୋଇଥିଲେ |
ତେବେ ଏହି ବୈଠକରେ ନବୀନ ପଟ୍ଟନାୟକ ବିରୋଧୀ ଦଳ ନେତା ହୋଇତିବା ବେଳେ ପ୍ରସନ୍ନ ଆଚାର୍ଯ୍ୟ ବିରୋଧୀ ଦଳ ଉପନେତା ଏବଂ ସେହିପରି ପ୍ରମିଳା ମଲ୍ଲିକ ବିରୋଧୀ ଦଳର ମୁଖ୍ୟ ସଚେତକ | ଏହା ସହ ପ୍ରତାପ ଦେବ ହେଲେ ବିରୋଧୀ ଦଳ ଉପ-ମୁଖ୍ୟ ସଚେତକ |
