ବଲାଙ୍ଗିରରେ ବିଜେଡି ସାଂସଦ ପ୍ରାର୍ଥୀ ଓ ନିଜ ପାଇଁ ଭୋଟ ମାଗିଲେ ନବୀନ
1 min read
ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ଅନ୍ତର୍ଗତ ମୁରିବାହାଲରେ ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକ କଲେ ପ୍ରଚାର | ପ୍ରଥମରୁ ପଚାରିଲେ, ମୁଁ ଆପଣଙ୍କ ବିଧାୟକ ପ୍ରାର୍ଥୀ ହୋଇଛି ଆପଣମାନେ ଖୁସି ତ ।
ଜନସଭାରେ ସମ୍ବୋଧିତ କରି ବିଜେଡି ସରକାର ଲାଗୁ କରିଥିବା ବିଭିନ୍ନ ଯୋଜନା, ଯେପରିକି ଏସକେୱାଇ, ମିଶନ ଶକ୍ତି, ମମତା, ଲକ୍ଷ୍ମୀ ବସ, 5T ସ୍କୁଲ, ପିଲାଙ୍କ ସ୍କଲାରସିପ ଭଳି ଅନେକ ଯୋଜନା ଭଲ କି ନାହିଁ ବୋଲି ଜନତାଙ୍କୁ ପଚାରିଥିଲେ | ଏହି ଅବସରରେ ମୁରିବାହାଲ ଜନତାଙ୍କୁ ସମ୍ବୋଧିତ କରିଥିଲେ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ । କଣ୍ଟାବାଞ୍ଜିର ଉନ୍ନତି, ବିକାଶ ଉଦ୍ଦେଶ୍ୟରେ ମୁଖ୍ୟମନ୍ତ୍ରୀ ଏଠାରୁ ଛିଡା ହୋଇଛନ୍ତି ।
ମାନ୍ୟବର ମୁଖ୍ୟମନ୍ତ୍ରୀ ଆହୁରି କହିଥିଲେ ବିଜେପି ଦଳ ନେତା ବହୁ ମିଛ କଥା କହିଛନ୍ତି | ଭାରତୀୟ ଜନତା ପାର୍ଟିର ନେତାମାନେ କୁମ୍ଭୀର କାନ୍ଦଣା କାନ୍ଦୁଛନ୍ତି | ମୁଖ୍ୟମନ୍ତ୍ରୀ କହିଲେ, ଏତେ ଖରାରେ ଆସିଥିବାରୁ ଜନତାଙ୍କୁ ଧନ୍ୟବାଦ ଜଣାଇବା ସହ ମୁଖ୍ୟମନ୍ତ୍ରୀଙ୍କୁ ରେକର୍ଡ ମାର୍ଜିନରେ ଜିଟାଇବା ପାଇଁ ଓଡ଼ିଶାବାସୀଙ୍କୁ କରିଥିଲେ ନିବେଦନ | ଏବଂ ବିଜୁ ଜନତା ଦଳକୁ ବହୁ ସଂଖ୍ୟା ଭୋଟରେ ଜିତେଇବା ପାଇଁ ଅନୁରୋଧ କରିଥିଲେ ମୁଖ୍ୟମନ୍ତ୍ରୀ |
