ନବୀନ କହିଲେ ମନ୍ମଥକୁ ଭୋଟ ଦିଅନ୍ତୁ , ଭୁବନେଶ୍ୱରକୁ କରିବେ ଏକ ନମ୍ବର
1 min read
ମନ୍ମଥାକୁ ଭୋଟ ଦେବା ପାଇଁ ନିବେଦନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସେ ଏକ ଭିଡ଼ିଓ ଜରିଆରେ କରିଛନ୍ତି ନିବେଦନ | ଏବଂ ସେ ଭିଡ଼ିଓରେ କହିଥିଲେ, ଜୟ ଜଗନ୍ନାଥ ମନ୍ମଥ ରାଉତ ରାୟ ଜଣେ ସଫଳ ପାଇଲଟ୍ ଥିଲେ । ଆଜି ରାଜଧାନୀବାସୀଙ୍କ ସେବା କରିବା ପାଇଁ ଭୁବନେଶ୍ୱର ମାଟିକୁ ଫେରିଆସିଛନ୍ତି । ଏବେ ରାଜନୀତିରେ ଯୁବପୀଢୀଙ୍କ ଯୋଗଦାନ ବହୁତ ବେଶୀ ରହିଛି। ମନ୍ମଥ ଏହି ଯୁବପୀଢୀଙ୍କ ପାଇଁ ପ୍ରେରଣା ସାଜିଥିବାରୁ ମୁଁ ବହୁତ ଖୁସି ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ସେ ଆହୁରି କହିଥିଲେ ଗତ ୫ ବର୍ଷରେ ବର୍ତ୍ତମାନର ବିଜେପି MP କୌଣସି ବଡ କାମ କରିନାହାନ୍ତି | ଆପଣ ଜାଣିଛନ୍ତି ଏକାମ୍ର ଏବଂ ଲିଙ୍ଗରାଜ ମନ୍ଦିର ଉନ୍ନତିକରଣ କାମକୁ ବନ୍ଦ କରିବାକୁ ଚେଷ୍ଟା ବାରମ୍ୱାର ଚେଷ୍ଟା କରିଛନ୍ତି । ମୁଁ ଆପଣଙ୍କୁ ନିଶ୍ଚିତ କରୁଛି ମନ୍ମଥ ଭୁବନେଶ୍ୱର ଲୋକଙ୍କ ଉନ୍ନତି ପାଇଁ ଦିନରାତି ମୋ ସାଙ୍ଗରେ କାମ କରିବେ | ଭୁବନେଶ୍ୱରକୁ ଓ୍ୱାଲ୍ଡ କ୍ଲାସ୍ ସିଟି ଭାବରେ ଗଢିବାରେ ମୋତେ ସହଯୋଗ କରିବେ । ଏହି ଯୁବ ନେତାଙ୍କୁ ସୁଯୋଗ ଦେବାକୁ ନେଇ ଲୋକଙ୍କୁ ନିବେଦନ କରିଛନ୍ତି ମୁଖ୍ୟମନ୍ତ୍ରୀ | ସେଥିପାଇଁ ମନ୍ମଥଙ୍କୁ ଆଶୀର୍ବାଦ କରନ୍ତୁ ଏବଂ ଶଙ୍ଖ ଚିହ୍ନରେ ଭୋଟ ଦେବାକୁ ମୁଖ୍ୟମନ୍ତ୍ରୀ ନିବେଦନ କରିଛନ୍ତି ।
