ସିଦ୍ଧୁ କଲେ ଭବିଷ୍ୟବାଣୀ , ରୋହିତଙ୍କ ପରେ ଏହି କ୍ରିକେଟର ହେବେଅଧିନାୟକ ..
1 min read
ଭାରତୀୟ କ୍ରିକେଟ୍ ଦଳ ପାଇଁ ଅଧିନାୟକ ଚିନ୍ତା । ରୋହିତ ଙ୍କ ପରେ କିଏ ହେବ ଭାରତୀୟ କ୍ରିକେଟ ଟିମ୍ର ଅଧିନାୟକ ? କିଏ ସମ୍ଭାଳିବ ଭାରତୀୟ କ୍ରିକେଟ ଟିମ ? କାହା ଅଧିନାୟକତ୍ୱରେ ଚାଲିବ ଦଳ । ଏହି ପ୍ରଶ୍ନ ପ୍ରତିଟି ପ୍ରଶଂସକଙ୍କ ମନରେ । ରୋହିତ ଶର୍ମାଙ୍କ ଭବିଷ୍ୟତକୁ ନେଇ ଅନେକ ପ୍ରଶ୍ନ । କାରଣ ବୟସ ବଢିବା ସହିତ ସେ ତିନୋଟି ଫର୍ମାଟ ଖେଳିବାକୁ କେତେ ଦିନ ସକ୍ଷମ ତାହା ମଧ୍ୟ ଏକ ବଡ଼ ପ୍ରଶ୍ନ । ଏଭଳି ପରିସ୍ଥିତିରେ ପ୍ରଶ୍ନ ହେଉଛି ଯେ ଟିମ୍ ଇଣ୍ଡିଆର ନୂତନ ଟେଷ୍ଟ ଅଧିନାୟକ ରୋହିତ ଶର୍ମାଙ୍କ ପରେ ଯିଏ ଦୀର୍ଘ ଦିନ ଧରି ଦଳର ନେତୃତ୍ୱ ନେବେ । କାରଣ ଏବେ ରୋହିତ ଶର୍ମା ନିଜ ଅନ୍ତରାଷ୍ଟ୍ରୀୟ କ୍ୟାରିୟରର ଅନ୍ତିମ ପାହାଚରେ ଅଛନ୍ତି । ଏଣୁ ତାଙ୍କ ପରେ ଟିମ୍ ଇଣ୍ଡିଆର ନେତୃତ୍ୱ କିଏ ନେବ ତା ଉପରେ ଚର୍ଚ୍ଚା ଜାରି ରହିଛି ।
ଅନେକ ବରିଷ୍ଠ କ୍ରିକେଟର ଏନେଇ ଭବିଷ୍ୟବାଣୀ କରିଥିବା ବେଳେ ଏବେ ପୂର୍ବ କ୍ରିକେଟର ତଥା ଚର୍ଚ୍ଚିତ କମେଣ୍ଟେର୍ଟ ନବଜୋତ ସିଂହ ସିଦ୍ଧୁ ଏଥିରେ ଯୋଡ଼ି ହୋଇଛନ୍ତି । ଆଇପିଏଲ୍ରେ କମେଣ୍ଟ୍ରି କରୁଥିବା ସିଦ୍ଧୁ କହିଛନ୍ତି, ରୋହିତଙ୍କ ପରେ ହାର୍ଦ୍ଦିକ ପାଣ୍ଡ୍ୟା ଟିମ୍ ଇଣ୍ଡିଆର ଭବିଷ୍ୟତର ଅଧିନାୟକ ହେବେ । ରୋହିତ ଏବେ ୩୬-୩୭ ବର୍ଷର ହେଲେଣି । ତାଙ୍କ ପାଖରେ ଆଉ କିଛି ବର୍ଷ ଅଛି । ସେ ଜଣେ ପ୍ରଶଂସିତ ଅଧିନାୟକ ଏବଂ ଖେଳାଳି । ଯେବେ ବି ତାଙ୍କୁ ଦେଖିଥାଏ ସମୟ ଅଟକି ଯାଇଥିବା ଭଳି ମନେ ହୁଏ । ହେଲେ ସମୟ ଆସିଛି । ତାଙ୍କ ଆଗକୁ ଦେଖିବାକୁ ହେବ । ମଇଦାନ ପ୍ରସ୍ତୁତ କରିବାକୁ ହେବ । ଯେମିତିକି କେହି ତାଙ୍କ ସ୍ଥାନ ନେବ ବୋଲି ସେ କହିଛନ୍ତି । ତେବେ ସିଦ୍ଧୁଙ୍କ ଭବିଷ୍ୟବାଣୀ ପରେ ଏବେ ସମସ୍ତେ ହାର୍ଦ୍ଦିକଙ୍କୁ ଭବିଷ୍ୟତର ଅଧିନାୟକ ରୂପେ ଦେଖୁଛନ୍ତି ।
