ରାଗିଛନ୍ତି ନୟନତାରା ! କରିବେନି ଆଉ ବଲିଉଡ ଫିଲ୍ମ
1 min read
ହାଇଦ୍ରାବାଦ: ସାରା ବିଶ୍ୱରେ ଜାରି ରହିଛି ଫିଲ୍ମ ଯବାନର କ୍ରେଜ୍ ।ଭାରତରେ ୫୦୦ କୋଟିରୁ ଅଧିକ ଟଙ୍କା ରୋଜଗାର କଲାଣି ଫିଲ୍ମ । ଏବଂ ସାରା ବିଶ୍ୱରେ ୧୩ ଦିନ ଭିତରେ ୯୦୦ କୋଟି କଲେକ୍ସନ କରିଛି । କିନ୍ତୁ ଅଭିନେତ୍ରୀ ନୟନତାରା ଏହି ଫିଲ୍ମକୁ ନେଇ ଖୁସି ନଥିବା ଶୁଣିବାକୁ ମିଳିଛି । ସୁପରଷ୍ଟାର ଶାହରୁଖ ଖାନଙ୍କ ସିନେମା ‘ଯବାନ’ ଜରିଆରେ ବଲିଉଡରେ ଡେବ୍ୟୁ କରିଛନ୍ତି ନୟନତାରା । ଏହି ଫିଲ୍ମରେ ଜଣେ ପୁଲିସ ଅଧିକାରୀ ଭୂମିକାରେ ତାଙ୍କୁ ଦେଖିବାକୁ ମିଳିଛି । ପରଦାରେ ନୟନତାରାଙ୍କୁ ପୁଲିସ ଅଧିକାରୀ ଚରିତ୍ରରେ ଦର୍ଶକ ଖୁବ ପସନ୍ଦ କରୁଛନ୍ତି । ‘ଯବାନ’ ସିନେମା ରିଲିଜ ପରେ ଚର୍ଚ୍ଚାରେ ଥିବା ନୟନତାରା ଏବେ ନିଜ ବଲିଉଡ ଡେବ୍ୟୁକୁ ନେଇ ଖୁସି ନଥିବା ଶୁଣିବାକୁ ମିଳୁଛି । ଫିଲ୍ମରେ ଅଭିନେତ୍ରୀ ଦୀପିକା ପାଦୁକୋନଙ୍କୁ ଅଧିକ ଗୁରୁତ୍ୱ ଦିଆଯାଇଥିବାରୁ ନୟନତାରା ଖୁସି ନାହାନ୍ତି ବୋଲି ଚର୍ଚ୍ଚା ଜୋର ହେଉଛି । ମିଳିଥିବା ସୂଚନା ମୁତାବକ, ଫିଲ୍ମ ରିଲିଜ୍ ପରେ ନୟନତାରାଙ୍କ ଅନେକ ଦୃଶ୍ୟ କଟାଯାଇଥିବା ସେ ଜାଣିବାକୁ ପାଇଥିଲେ । ଏହା ସହ ଦୀପିକା ଫିଲ୍ମରେ କ୍ୟାମିଓ କରିଥିଲେ ବି ତାଙ୍କ ଚରିତ୍ରକୁ ଅଧିକ ଗୁରୁତ୍ୱ ଦିଆଯାଇଥିଲା ।
‘ଯବାନ’କୁ ଶାହାରୁଖ-ନୟନତାରା ନୁହେଁ ବରଂ ଶାହରୁଖ-ଦୀପିକାଙ୍କ ଫିଲ୍ମ ବୋଲି ଦେଖାଯାଇଥିବାରୁ ନୟନତାରା ଫିଲ୍ମ ପ୍ରଚାରର କାର୍ଯ୍ୟକ୍ରମ ଓ ଫିଲ୍ମ ସଫଳ ହେବା ପରେ ହୋଇଥିବା ପାର୍ଟିରେ ବି ଯୋଗ ଦେଇନଥିବା କୁହାଯାଉଛି । ଏହି କାରଣରୁ ନୟନ ଏବେ ଆଉ ବଲିଉଡରେ ଡେବ୍ୟୁ କରିବେ ନାହିଁ ବୋଲି ନିଷ୍ପତ୍ତି ନେଇଥିବା ନେଇ ଚର୍ଚ୍ଚା ଆରମ୍ଭ ହୋଇଛି ।ତେବେ ସୋସିଆଲ ମିଡି ପୋଷ୍ଟରୁ ଜଣାପଡିଥିଲା ଫିଲ୍ମ ରିଲିଜ ହେବା ପରେ ନୟନତାରା ତାଙ୍କ ସ୍ୱାମୀ ଏବଂ ୨ପୁଅଙ୍କ ସହ ହଲିଡେ ଛୁଟି କାଟିବାକୁ ବିଦେସଶକୁ ଯାଉଛନ୍ତି । ଏବଂ ସେଠାରେ ସେ ତାଙ୍କୁ ସ୍ୱାମୀ ଜନ୍ମଦିନ ମଧ୍ୟ ସେଲିବ୍ରେଟ କରିଥିବା ଜଣା ପଡିଛି ।
ତେବେ ନୟନତାରା ରାଗିଥିବା କେତେ ଦୁର ସତ୍ୟତା ଅଛି ତାହା ଆଗାମୀ ସମୟ ହିିଁ କହିବ ।ତେବେ ଏଭଳି ଚର୍ଚ୍ଚା ଉପରେ ଏପର୍ଯ୍ୟନ୍ତ ନୟନତାରା ବର୍ତ୍ତମାନ ସୁଦ୍ଧା କୌଣସି ପ୍ରତିକ୍ରିୟା ରଖିନାହାନ୍ତି । ଏହା ପୂର୍ବରୁ ଚର୍ଚ୍ଚା ହେଉଥିଲା ଯେ, ନୟନତାରା ଯେତେବେଳେ ଫିଲ୍ମ ସାଇନ୍ କରନ୍ତି, ସେଥିରେ ସେ ପ୍ରଚାର କାର୍ଯ୍ୟକ୍ରମରେ ଯୋଗ ଦେବେ ନାହିଁ ବୋଲି ସ୍ପଷ୍ଟ ଲେଖାଥାଏ । କେବଳ ‘ଯବାନ’ ନୁହେଁ ଅନ୍ୟ ଭାଷାରେ କରିଥିବା ଫିଲ୍ମର ପ୍ରଚାର ରେ ମଧ୍ୟ ନୟନତାରା କେବେ ନଜର ଆସନ୍ତି ନାହିଁ ।
