ବାରବାଟୀରେ ବଲିଉଡ ଗାୟିକା , ନେହା କକ୍କରଙ୍କ ଗୀତରେ ନାଚିଲେ ହଜାର ହଜାର ଦର୍ଶକ ..
1 min read
ବାରବାଟୀରେ କମ୍ପିଲା ନେହା କକ୍କରଙ୍କ ସ୍ୱର । ବଲିଉଡର ପ୍ରସିଦ୍ଧ ଗାୟିକା ନେହା କକ୍କର ଏବଂ ତାଙ୍କ ଟିମ୍ ମଙ୍ଗଳବାର ଦିନ ସନ୍ଧ୍ୟାରେ ବାରବାଟୀରେ ରଙ୍ଗାରଙ୍ଗ କାର୍ଯ୍ୟକ୍ରମର ପରିବେଷଣ କରିଛନ୍ତି । ନେହାଙ୍କ ଗୀତରେ ତାଳେ ତାଳେ ଝୁମିଥିଲେ ସେଠାରେ ଉପସ୍ଥିତ ଥିବା ଦର୍ଶକ । ସୂଚନାନୁଯାୟୀ ଗତ ୨୭ ତାରିଖରେ ଐତହାସିକ କଟକ ବାରବାଟୀ ଷ୍ଟାଡିୟମର ନବୀକରଣ ପାଇଁ ଭିତ୍ତିପ୍ରସ୍ତର ସ୍ଥାପନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହାସହିତ ୩୦ ଜିଲ୍ଲାର ୪୧ଟି କ୍ରିକେଟ ଷ୍ଟାଡିୟମର ଉଦଘାଟନ କରିଛନ୍ତି ।
ଏହି ଅବସରରେ ବାରବାଟୀ ଷ୍ଟାଡିୟମରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ବଲିଉଡର ପ୍ରସିଦ୍ଧ ଗାୟିକା ନେହାକକ୍କର ଗ୍ରୁପ ସଙ୍ଗୀତ ପରିବେଷଣ କରିଥିଲେ । ତା ସହିତ ଓଲିଉଡର ଅନେକ କଳାକାର ପକ୍ଷରୁ ସଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ପ୍ରଥମେ ଆଗଧାଡ଼ିର ଅତିଥିଙ୍କୁ ଗ୍ୟାଲେରୀରେ ବସିଥିଲେ । ପରେ ପରେ ସାଧାରଣ ଲୋକଙ୍କୁ ଷ୍ଟାଡ଼ିୟମ ଭିତରକୁ ପ୍ରେବଶ ପାଇଁ ଅନୁମତି ଦିଆଯାଇଥିଲା । ବିନା ମୂଲ୍ୟରେ ଦର୍ଶକମାନେ ଷ୍ଟାଡିୟମରେ ବସି ଏହି ସାଂସ୍କୃତିକ କାର୍ଯ୍ୟକ୍ରମକୁ ଉପଭୋଗ କରିଥିଲେ ।
