ପଡୋଶୀ ଜାଳିଦେଲେ ପଡୋଶୀଙ୍କ ଘର ।
1 min read
କେନ୍ଦ୍ରାପଡା ; କେନ୍ଦ୍ରାପଡା ଜିଲ୍ଲା ମହାକାଳପଡ଼ା ଥାନା ଅଂଚଳ ରାଜଗଡ଼ ଗାଁ ର ମହିଳା ଦୁଲେଇ ଦାସ ମରଣାସ୍ତ୍ର ଧରି ପଡୋଶୀ ଶ୍ରୀକାନ୍ତ ଦାସ ଙ୍କ ପରିବାର କୁ ଧମକ ଦେବା ସହିତ ଚାଳ ଛପର ଘର ପୋଡି ଦେଇଥିବାର ଜଣା ପଡିଛି । ପୂର୍ବର ଜମି ବାଡ଼ି ବିବାଦ କୁ କେନ୍ଦ୍ର କରି ଗୁରୁବାର ପୂର୍ବାହ୍ନ ରେ ମହିଳା ଜଣକ ଗୋଟିଏ ହାତରେ କଟୁରୀ ଧରି ଅନ୍ୟ ହାତରେ ଦିଆସିଲ ଧରି ଛପର ଘର ନିକଟକୁ ଆସିଥିଲେ ।
ନଡା ଛପର ରେ ଏକାଧିକ ବାର ଦିଆସିଲ ମାରି କାଠି ଗେଂଜିବା ପରେ ଶେଷକୁ ବାହାରୁ ଜଳୁଥିବା ନଡା ଆଣି ଚାଳରେ ନିଆଁ ଲଗାଇଥିଲେ । ସଭିଙ୍କ ଉପସ୍ଥିତି ରେ ଗୁହାଳ ଓ ରୋଷେଇ ଘର ପୋଡିଯିବାରୁ ଶ୍ରୀକାନ୍ତଙ୍କ ପତ୍ନୀ ଜ୍ୟୋସ୍ନାମୟୀ ଦାସ ମଶାକାଳପଡ଼ା ଥାନା ରେ ଦୁଲେଇ ଏବଂ ତାଙ୍କ ବୋହୁ ନାମେ ଅଭିଯୋଗ କରିଛନ୍ତି । ସେପଟେ ଖୋଦ ଦୁଲେଇ ମଧ୍ୟ ଥାନା ରେ ଆଗୁଆ ଅଭିଯୋଗ କରି ଥିବାର ଜଣାପଡିଛି ।
ମହିଳାଙ୍କର ଏଭଳି ଅମାନବୀୟ କାର୍ଯ୍ୟକୁ ସ୍ଥାନୀୟ ଲୋକେ ଘୋର ନିନ୍ଦା କରନ୍ତି । ମହାକାଳପଡ଼ା ପୋଲିସ ଘଟଣା ର ପୁଙ୍ଖାନୁପୁଙ୍ଖ ତଦନ୍ତ ପରେ ଅଭିଯୋଗ କାରୀଙ୍କୁ କିଭଳି ନ୍ୟାୟ ପ୍ରଦାନ ରେ ସାଥ ଦେଉଛି ଦେଖିବାକୁ ବାକି ରହିଲା ।
