ନ୍ୟୁରାଲିଙ୍କ ଲାଇଭଷ୍ଟ୍ରିମ୍ ପ୍ରଥମ ପରଲିସିସ ମାନବ ରୋଗୀ ମସ୍ତିସ୍କରୁ ଖେଳିଲେ ଚେସ, ଏଲନ୍ ମସ୍କ ଭିଡିଓରେ ଜଣାଇଲେ ପ୍ରତିକ୍ରିୟା
1 min read
ସଫଳ ହେଲା ଏଲନ ମାସ୍କଙ୍କ ବ୍ରେନ-ଚିପ ଷ୍ଟାର୍ଟଅପ୍ କମ୍ପାନୀ ନ୍ୟୁରାଲିଙ୍କ। ଏବେ ପରଲିସିସ ରୋଗୀ କମ୍ପ୍ୟୁଟର ସାହାଯ୍ୟରେ ଭିଡ଼ିଓ ଗେମ ଖେଳିବାରେ ସକ୍ଷମ ହୋଇଛନ୍ତି | ଏହି ଚିପ ମାଧ୍ୟମରେ ଜଣେ ପରଲିସିସ ରୋଗୀ ଅନଲାଇନରେ ଚେସ ସହ ଭିଡ଼ିଓ ଗେମ ଖେଳିବାର ଦେଖିବାକୁ ମିଳିଥିଲା | ଏନେଇ ଏନେଇ ନ୍ୟୁରାଲିଙ୍କ୍ ପକ୍ଷରୁ ଏକ ଭିଡିଓ ପୋଷ୍ଟ ଯୋଗେ ସୂଚନା ଦିଆଯାଇଛି।
ଭିଡିଓରେ, ୨୯ ବର୍ଷିୟ ନୋଲାଣ୍ଡ ଆବେର୍ଗ ସ୍କୁବା ଡାଇଭିଂ ଦୁର୍ଘଟଣାରେ କାନ୍ଧରୁ ପକ୍ଷାଘାତ ହୋଇଯାଇଥିଲେ | ତାଙ୍କୁ ଏକ ଲାପଟପରେ ଚେସ ଖେଳିବା ଏବଂ ନ୍ୟୁରାଲିଙ୍କ ଉପକରଣ ବ୍ୟବହାର କରି କର୍ସର୍ ଚଳାଇବା ଦେଖା ଯାଇଥିଲା | ଲାଇଭ୍ ଷ୍ଟ୍ରିମ୍ ସମୟରେ ଡିଜିଟାଲ୍ ଚେସ୍ ଖେଳିବାବେଳେ ସେ କହିଥିଲେ ଯେ ଯଦି ଆପଣ କର୍ସର୍ ପରଦାରେ ବୁଲୁଥିବାର ଦେଖନ୍ତି, ତେବେ ତାହା ମୁଁ | ଏହା ବହୁତ ଭଲ | ମୁଁ କମ୍ପ୍ୟୁଟର ଚଲାଇବାରେ ସକ୍ଷମ ହୋଇପାରିଛି, ଏ କଥାକୁ ମୁଁ ଶବ୍ଦରେ ବର୍ଣ୍ଣନା କରିପାରୁନି। ଭିଡିଓରେ ନ୍ୟୁରାଲିଙ୍କ ଷ୍ଟାର୍ଟଅପର ଜଣେ ଇଞ୍ଜିନିୟର ମଧ୍ୟ ଏହି ସଫଳତାରେ ବେଶ୍ ଖୁସିବ୍ୟକ୍ତ କରିଛନ୍ତି ।
୨୦୧୬ରେ, ଏଲନ୍ ମସ୍କ ନ୍ୟୁରାଲିଙ୍କ ମସ୍ତିଷ୍କ ଚିପ୍ ଷ୍ଟାର୍ଟଅପ୍ ଆରମ୍ଭ କରିଥିଲେ | ଏହି ଉପକରଣଟି ଏକ ମୁଦ୍ରା ପରି | ଅସ୍ତ୍ରୋପଚାର ମାଧ୍ୟମରେ ଏହା ମସ୍ତିଷ୍କରେ ସ୍ଥାନାନ୍ତରିତ ହୁଏ | ଏହାର ସୂକ୍ଷ୍ମ ତାରଗୁଡ଼ିକ ମସ୍ତିଷ୍କକୁ ଯାଇ ମସ୍ତିଷ୍କ-କମ୍ପ୍ୟୁଟର ଇଣ୍ଟରଫେସ୍ ବିକାଶ କରେ | ଏହି ଡିସ୍କ ମସ୍ତିଷ୍କ କାର୍ଯ୍ୟକଳାପକୁ ପଞ୍ଜୀକୃତ କରିବ ଏବଂ ଏହାକୁ ବ୍ଲୁଟୁଥ୍ ସଂଯୋଗ ମାଧ୍ୟମରେ ସ୍ମାର୍ଟଫୋନ୍ ପରି ଏକ ଉପକରଣକୁ ପଠାଇବ |
ଚଳିତ ବର୍ଷ ଫେବୃଆରୀରେ ଏଲନ୍ ମସ୍କ କହିଥିଲେ ଯେ, ନ୍ୟୁରାଲିଙ୍କ ମସ୍ତିଷ୍କ ଚିପ୍ ସହିତ ଟ୍ରାନ୍ସପ୍ଲାଣ୍ଟ ହୋଇଥିବା ପ୍ରଥମ ମାନବ ରୋଗୀ ସମ୍ପୂର୍ଣ୍ଣ ସୁସ୍ଥ ହୋଇଥିଲେ ଏବଂ ତାଙ୍କ ଚିନ୍ତାଧାରାକୁ ବ୍ୟବହାର କରି ଏକ କମ୍ପ୍ୟୁଟର ମାଉସ୍ ନିୟନ୍ତ୍ରଣ କରିବାରେ ସକ୍ଷମ ହୋଇପାରିଛନ୍ତି ।
