ମନୁ ଭାକର ଏବଂ ସ୍ୱପ୍ନିଲ କୁସାଲେଙ୍କ ସମେତ ଅନେକ ଭାରତୀୟ ଆଥଲେଟ୍ ଙ୍କୁ ଇଣ୍ଡିଆ ହାଉସରେ ନୀତା ଅମ୍ବାନୀ କଲେ ସ୍ୱାଗତ
1 min read
ଅଲିମ୍ପିକ୍ସରେ ଭାରତ ପାଇଁ ପଦକ ଜିତିଥିବା ତାରକା ମହିଳା ସୁଟର ମନୁ ଭାକର ଏବଂ ସ୍ୱପ୍ନିଲ କୁସାଲେଙ୍କ ସମେତ ଅନେକ ଭାରତୀୟ ଆଥଲେଟ୍ ଇଣ୍ଡିଆ ହାଉସରେ ପହଞ୍ଚି ଭାରତୀୟତାର ଉତ୍ସବ ମନାଇଛନ୍ତି। ନୀତା ଅମ୍ବାନୀ ଖେଳାଳିମାନଙ୍କୁ ସ୍ୱାଗତ କରିବା ସହିତ ସେମାନଙ୍କୁ ଉତ୍ସାହିତ କରିଥିଲେ।
ଇଣ୍ଡିଆ ହାଉସରେ ପହଞ୍ଚିଥିବା ଅନ୍ୟ ଖେଳାଳିଙ୍କ ମଧ୍ୟରେ ରହିଥିଲେ ବ୍ୟାଡମିଣ୍ଟନ ଖେଳାଳି ଲକ୍ଷ୍ୟ ସେନ, ବିଶ୍ୱ ଚାମ୍ପିୟନ ବକ୍ସର ଲଭଲିନା ବୋର୍ଗୋହେନ, ସ୍କିଟ୍ ସୁଟର ମହେଶ୍ୱରୀ ଚୌହାନ, ଅନନ୍ତଜିତ୍ ସିଂ ନରୁକା, ସୁଟର ଐଶ୍ୱର୍ଯ୍ୟ ପ୍ରତାପ ସିଂ ତୋମାର, ଅଞ୍ଜୁମ ମୋଦଗିଲ, ସିଫ୍ଟ କୌର ସମରା, ଇଶା ସିଂ, ରାଇଜା ଧିଲନ୍, ଅନିଶ ଭାନୱାଲା ବିଜୟ ଧନୱାଲା ଏବଂ ବିଜୟବୀର ସିଦ୍ଧୁ, ବକ୍ସର ନିଶାନ୍ତ ଦେବ ତଥା ଆଥଲେଟିକ୍ସ ଦଳର ଅକ୍ଷଦିପ ସିଂ, ପରମଜିତ ସିଂ ବିଷ୍ଟ, ବିକାଶ ସିଂ, ତଜିନ୍ଦର ପାଲ ସିଂ ତୁର, ଅଙ୍କିତା ଧ୍ୟାନୀ, ଜୈସବିନ ଏଲଡ୍ରିନ ଏବଂ ପାରୁଲ ଚୌଧୁରୀ।
ମନୁଙ୍କୁ ଏକ ପ୍ରେରଣା ସ୍ରୋତ ଭାବରେ ବର୍ଣ୍ଣନା କରି ନୀତା ଅମ୍ବାନୀ କହିଛନ୍ତି, “ଗତ ସପ୍ତାହରେ ପ୍ୟାରିସରେ ହରିୟାଣାର ଏକ ଗାଁର ୨୨ ବର୍ଷର ଝିଅ ଇତିହାସ ସୃଷ୍ଟି କରି ବିଶ୍ୱକୁ ନିଜର ସ୍ୱପ୍ନ, ଉତ୍ସାହ ଏବଂ କଠିନ ପରିଶ୍ରମର ଶକ୍ତି ଦେଖାଇଥିଲେ! ସେ ଗୋଟିଏ ଅଲିମ୍ପିକରେ ଦୁଇଟି ପଦକ ଜିତିଥିବା ପ୍ରଥମ ଭାରତୀୟ ହୋଇଥିଲେ। ଆପଣଙ୍କର ସଫଳତାରୁ ସମସ୍ତ ଭାରତୀୟ ପ୍ରେରିତ ହୋଇଛନ୍ତି ଏବଂ ଭାରତର ପ୍ରତିଟି ଝିଅ ସଶକ୍ତ ହୋଇଛନ୍ତି।”
ସେ ଆହୁରି ମଧ୍ୟ କହିଛନ୍ତି, “ପଦକ ଏବଂ ରେକର୍ଡ ଠାରୁ ଉପରେ କ୍ରୀଡା ହେଉଛି ମାନବୀୟ ଆଭିମୁଖ୍ୟ, ଚରିତ୍ର, କଠିନ ପରିଶ୍ରମ, ପ୍ରତିକୂଳ ପରିସ୍ଥିତିର ମୁକାବିଲା କରିବାର କ୍ଷମତା ଏବଂ କେବେ ହାର ନମାନିବାର ଆମର କ୍ଷମତାର ଉତ୍ସବ! ଆମର ପ୍ରତ୍ୟେକ ଆଥଲେଟ୍ ପ୍ୟାରିସରେ ଏହି ସମାନ ଭାବ ପ୍ରଦର୍ଶନ କରିଛନ୍ତି। ଆଜି ଆମେ ଆପଣ ସମସ୍ତଙ୍କ ଅର୍ଥାତ ଟିମ୍ ଇଣ୍ଡିଆର ଚାମ୍ପିଅନମାନଙ୍କ ଉତ୍ସବ ପାଳନ କରୁଛନ୍ତି !” ସ୍ୱାଗତ କାର୍ଯ୍ୟକ୍ରମ ବ୍ୟତୀତ ଆଥଲେଟ୍ ମାନେ ଇଣ୍ଡିଆ ହାଉସରେ ଭାରତୀୟ ଖାଦ୍ୟର ମଜା ନେଇଥିଲେ।
