ପୁଣି ଦିଲ୍ଲୀ ଦୁର୍ଘଟଣା ରିପିଟ୍ : ସିଗ୍ୱୀ ବୟକୁ ଘୋଷାଡିଲେ ୫୦୦ମିଟର..
1 min read
ନୋଏଡା : ନୂଆବର୍ଷରେ ଦିଲ୍ଲୀରୁ ଏକ ହୃଦୟଥିରା ଦୁର୍ଘଟଣା ସାମ୍ନାକୁ ଆସିଥିବା ବେଳେ , ପୁଣି ଏହାର ପୁନଃରାବୁତ୍ତି ହୋଇଛି ନୋଏଡାରେ । କୌଶଲ ନାମକ ଜଣେ ସ୍ୱିଗୀ ବୟକୁ ୫୦୦ମିଟର ଯାଏ ଘୋଷାଡିଛି ଏକ କାର୍ । ଯାହାଦ୍ୱାରା ତାଙ୍କର ମୃତ୍ୟୁ ଘଟିଛି ।
ମିଳିଥିବା ସୂଚନା ଅନୁଯାୟୀ କୌଶଲ ନାମକ ଜଣେ ସିଗ୍ୱୀ ବୟ ନୂଆ ବର୍ଷ ରାତିରେ ନିଜର ଖାଦ୍ୟ ଡେଲିଭରି ଦେବା ପାଇଁ ବାଇକରେ ଯାଉଥିଲେ । ଠିକ୍ ସେହି ସମୟରେ ଏକ କାର୍ ନୋଏଡାର ସେକ୍ଟର ୧୪ ଫ୍ଲାଏଓଭର ଠାରେ କୌଶଲଙ୍କ ବାଇକ୍କୁ ଧକ୍କା ଦେଇ ୫୦୦ ମିଟର ଯାଏ ଘୋଷାଡି ନେଇଥିଲା । ଫଳରେ ଘଟଣା ସ୍ଥଳରେ କୌଶଲଙ୍କର ଅତି କଷ୍ଟଦାୟକ ମୃତ୍ୟୁ ଘଟିଥିଲା ।
ଅନ୍ୟପଟେ ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ କାର୍ଟି ଫ୍ଲାଏ ଓଭରଠାରେ କୌଶଲଙ୍କୁ ଧକ୍କା ଦେବା ପରେ , ସେଠାରୁ ୫୦୦ ମିଟର ଦୂରରେ ଥିବା ଏକ ମନ୍ଦିର ଯାଏ ତାଙ୍କୁ ଘୋଷାଡି ନେଇଥିଲା । ସେଠାରେ ଗାଡି ଅଟକାଇବାରୁ କୌଶଲଙ୍କ ମୃତ ଶରୀର କାର ତଳୁ ବାହାରିଯାଇଥିଲା । ଅଭିଯୁକ୍ତ ଜଣଙ୍କ ମୌକା ଦେଖି ସେଠାରୁ ଫେରାର୍ ହୋଇଯାଇଥିଲା । ସେଠାରେ କୌଶଲଙ୍କ ଶବ ପାଖରେ ଏକ ମୋବାଇଲ ରିଙ୍ଗ ହେବାରୁ ପ୍ରତ୍ୟକ୍ଷଦର୍ଶୀ ଫୋନ ଉଠାଇ ସବୁ ଘଟଣା ବିଷୟରେ କହିଥିଲେ । ତେବେ ଫୋନ କରିଥିବା ବ୍ୟକ୍ତି ଜଣଙ୍କ କୌଶଲଙ୍କ ଭାଇ ଅମିତ ଥିଲେ । ରାତି ୧ ହୋଇଯିବାରୁ କୌଶଲ ଘରକୁ ଫେରିନଥିବାରୁ ଭାଇ ଅମିତ୍ ତାଙ୍କୁ ଫୋନ କରିଥିଲେ । କିନ୍ତୁ ସେତେବେଳକୁ କୌଶଲ ଅଫେରା ରାଇଜକୁ ଚାଲିଯାଇଥିଲେ ।
ତେବେ ସପୃକ୍ତ ଘଟଣାରେ ଅମିତଙ୍କ ଭାଇଙ୍କ ଅଭିଯୋଗକୁ ଭିତ୍ତିକରି ନୋଏଡା ପୋଲିସ ଏକ ମାମଲା ରୁଜ୍ଜୁ କରିଛି । ଏହା ସହ ଘଟଣାର ତଦନ୍ତ ପାଇଁ ଦୁର୍ଘଟଣା ଘଟିଥିବା ଅଞ୍ଚଳରେ ସିସିଟିଭି ଜାଞ୍ଚ ମଧ୍ୟ କରାଯାଉଛି ।ସେହିପରି ଦିଲ୍ଲୀରେ ଜଣେ ୨୦ ବର୍ଷିୟ ଯୁବତୀଙ୍କୁ ଏକ କାର୍ ଧକ୍କା ଦେଇ ୧୩ କିଲୋମିଟର ଦୂରକୁ ଷୋଷାଡି ମାରିବାର କିଛି ଘଣ୍ଟା ପୂର୍ବରୁ ଏହି ଘଟଣାଟି ଘଟିଛି ।
